Rappel du premier message :

T NEG YER SWA MWEN EKRI YUN POST SOU CEANT KE ARISTIDE PA RECEVWA LA KAY LI MATIN A MWEN WE YO RETIRE LI OU KA BAM YUN EXPLIKASYON.

Wi zanmi Deza,

Sa w ekri an se sa li ye. Marc toleran nan koze pwen de vi diferan, men misye genyen yon krentif pou l pale ak yon seri de moun.

Wou di ke w vle divèsite sou fowòm nan, men lè bagay yo mangonmen, wou jis chwazi kan pou w kanpe. Wi wou pa neutre, men sa pa oblije fè ke w pa ka di sèten lòt moun pou yo mete dlo nan kleren yo.

Bon mesye, nou pa remake depi kèk jou yo kite nou ap voye monte pou kont nou, sa pa satisfè ego nou toujou? Ki sa nou bezwen menm? Se remèt pou Marc Henry remèt nou fowom nan pou nou satisfè?

Malgre, se t ap bon pou Marc Henry tou, paske misye pou tèt pa li toujou ap milite pou woulibè vin pran lidèchip Fanmi Lavalas nan men yon malere ki fin redi mete l kanpe, epi soutni li nan moman agoni li.

Mwenmenm, mwen kont atitid parese opotinis sa yo. Yon moun dwe travay pou sa li genyen e se limenm ki dwe deside prensip pataj sa li kreye a Ojis, gen lè mwen pi kapitalis pase nou mesye!? ;o).

Se vre, nou pa ka konpare yon fowom ak yon pati politik. Mwen dako pou manm Fanmi Lavalas antann yo sou ki jan yo pral jere lavni oganizasyon yo batize a. Men, mwen swete pa gen twop iznogoud k ap pare pou yo fè dappinyanp sou pati a, pandan yo koumanse ap machande ak etranje (daprè Wikileaks, gen nèg Anbasadè Meriken se anplwayè yo, e yo toujou ap vann li enfomasyon menm pandan yo okipe pos Minis nan gouvènman, mwen pa bezwen di ou sa k ap fèt sou do yon pati ki ap dangoye anba tout kalite kout koudo nan do).

Kanta pou fowom nan menm, mwen twouve sa endesan pou nou tout ap patisipe la a, nan yon espas Marc Henry kreye ap pwop envestisman li. Otank mwen konnen, nou youn sou fowom nan pa peye frè patisipasyon, epi gen kèk moun ki soti pou fè mouche a lalwa sou ki jan li dwe jere fowom nan, ki chanjman li ka fè osnon pa ka fè. Mwenmenm, mwen pa konprann maladi diktatè sa a ki lakay anpil nèg. Si mwen gen rezon valab ki pou fè mwen pa renmen fowom Marc Henry kreye ak envestisman prive l la, mwen gen dwa chwazi pa patisipe ladan li anko, men mwen pa gen dwa di nèg la sa pou li fè ak byen prive li. Gen diferans ant yon konpayi ki fonksyonsye ak kapital aksyon epi yon konpayi prive (sole proprietorship). Mwen plis kwè forumhaiti.com se kinan Marc Henry li ye tousèl. Si se mwen ki "dans les patates" - souple klere lantèn mwen.

Annatandan, mwen kraze rak, epi mwen fè menm jan ak Wozo, Joel, Sasaye, Pipo, mwen kite monolog ekstrèm dwat la (anti pwopriyete prive - kidonk, yon ekstrèm dwat, dwat-e-goch:o) vale teren...

Gen lè tout se Mateli vre!


Jaf