220 ane depi gwo leve kanpe BWA KAY IMAN an (14-15 Out 1791)
Jodi a, 14 Out 2011, se jou pou nou di zansèt yo mèsi
Mèsi pou lavi! Mèsi pou libète! Mèsi po diyite! Mèsi pou memwa!
Mwen dedye ti montaj videyo sa a pou tout sila yo k ap goumen pou sa ki byen, depi sou tan Bembo.

Yon ekzanp ki montre se pa bagay lontan: Maria do Carmo Jeronimo te fèt esklav, jiska laj 17 an li te esklav toujou. Poutan nan ki ane ou panse Maria Jeronimo mouri?

http://news.bbc.co.uk/2/hi​/americas/793515.stm


Si nèg ak nègès pat leve kanpe kont malsite - Ayiti, Boriken (Puerto-Rico), Brazil, toupatou....jiskaske kè kolon esklavajis te kase, yo te dyare nan pantalon yo epi, finalman, yo te sispann fè krim sa yo, ak Bib yo nan men yo...ki moun ki konnen jouk ki lè sa ta sispann?

Wi, nou di tout grandèt sa yo mèsi, daprèzavwa yo te konn reyini, san entènèt, san telefon selilè....yo te konn danse pou yon bon koz, yo te konn goumen ak men, ak zam, ak sèvo....

jodi a, ak tout resous ki nan men nou yo...ki sa n ap tann pou nou reyini pou koz ki vo lapenn?

Jaf
"n ap kase chenn yo, youn pa youn, jouk sa kaba isiba!"

Samdi 20 out ki sot pase a, mwen te patisipe nan yon chita pale ak kèk konpatriyot ki ap feraye nan vil Atlanta. Yo kreye yon oganizasyon ki rele The Haitian Alliance. Gen anpil bon diskisyon ki tanmen nan mitan konpatriyot sa yo ki ta ka enterese nou sou forumhaiti.com

Sit entènèt yo se http://transformhaiti.org/ epi sou paj facebook yo, gen yon seri refleksyon ki espesyalman sou tèm verite ak rekonsilyasyon. Nan sans pa mwen, n ap pale osijè GERIZON nanm Ayisyen an. Kontribisyon pa mwen se ede detere yon latriye verite osijè listwa pèp nou an, zot te eseye toufe demannyè pou yo te ka pèpetye dezod oganize n ap viv jounen jodi a. Nou kwè verite sa yo ka ede nou REKONSILYE ak pwop tèt nou, ak zansèt nou yo, ak listwa nou, ak pèp nou, ak reyalite nou.....e pandan n ap pran fos, pandan n ap kase chenn nan tèt, nou va jwenn mwayen rekonsilye ak zot - sizoka zot fè demach ki nesesè pou li sispann kanpe an kwa sou chimen bon lavi n ap bouske a.

Bilolo!

Jaf

Sa a se yon atik ki parèt jodi an sou THE GUARDIAN.
Sanble se yon ANGLÈZ NWA ki ap mande poukisa 23 DAWOUT pa yon evènman ki selebre sou tout tè an.
Se konsa ayè sou youn lan estasyon radyo ki te notwa lan kanpay destabilizasyon 2003,2004 lan mwen te tande yon ""ekspè"" ap di poukisa yo pa selebre gwo evènman sa yo ann AYITI.
Menm moun ,pou ti de enterè mesken ki pa gen anyen pou l wè ak enterè peyi an te fè tou sa ki te posib pou yo te fòse bòykotaj 200yèm anivèsè endepandans peyi an:
An tou ka se yon atik enteresan:

AFRICAN SLAVERY MUST NOT BE FORGOTTEN:

http://www.guardian.co.uk/commentisfree/2011/aug/23/african-slavery-abolition-slave-trade