Mwen ta renmen tande ki sa Sassaye genyen poul di nan sa Mario di yo.Sa mario ap fè ya enpotan pou jeness la konnen istwa misik ayisyennn lan men mwen ta renmen tande yon lot son kloch tou.Fok mario pa bliye jazz des jeunes ak Septentriyonal te jwe mering tou ak bolero ,manbo tou e jazz sa yo te eksiste lontan anvan konpa direk la e sim pa twonpem se pa Nemours Jean baptiste ki premye mete misik ayisyen lan a la mode.Byen ke mwen pa finn dakor ak sa Guy Durosier te di de konpa direk la koteli te di ke se misik de katye.nans sans se pat yon misik a lepok ki te genyen yon envergi internatyonal men misik jazz des jeunes ak septentryonal tap jwe te plis diversifye rythmikman.Mwen se kapwa se vre men san rejuyonalism mwen pat janm tande yon misik konpa direk ki fem plesi tankou Louise marie belle deesse, marie Jose , septan ,Tu vois la mer.etc.Mwen pap pale selman pou lyrik non map pale de rythm e de melodie tou.Lem map tande premye moso konpa direk ak nemours jean batiste yo map mande ki jan fè li te genyen tout siksè sa yo o komansman.

Wozo,
Mario DeVolcy fè yon bon dokimantè. Li fè rechèch e komantè li yo korèk an jeneral.
Li byen trase devlopman konpa a. Mwen konnen sa byen paske mwen te fè pati movman saa ann opozisyon avèk Nemou.

Webè Siko se te zanmi ak kolaboratè m.
Se mwen ki te Maestro Ansanm Latino ke misye mansyonen an.
Lè m ap pati kite Ayiti, se mwen ki te mete Sicot pou ranplase m.

Sa Mario pa rapôte sè ke Latino te premye gwoup ki devlope estil minijazz lan e
mesye ki ap jwe saxofôn lan gwoup sayo, komanse pa Toni Moyiz, se te estil pa m ke yo ta p imite e non Webè Sicot.

Jan Mario di an Sicot se te petèt pi gran saksofonis lan tout Karayib lan e li ta difisil pou ti mesye sayo ta kapab imite misye.

Kanta devlopman konpa a, li gen rezon. Se tout okès ki kontribye.
Nemou se te yon nèg entatad, kabouyè, jalou ki te konn fè pale de li.
Petèt li te inovatè, men li pa t yon bon mizisyen.

Ebyen chak nèg gen destine pa yo.

Sasaye, mwen konn anpil moun ki renmen mizik e ki etidye mizik an Ayiti leu yo te jènn. Pakont, yo pa renmen jan konpa ( e pa selman konpa, tout mizik an jeneral) ap jwe jodya, pou yo se pa "Mizik" se bri ak ordinatè. Eske'w ou dakò ak sa tou?

Epi saw ta gen pou'w repon ak moun ki di ke "Cadence Rampa" se yon myth li ye, li pat egzite vre se senpman yon lot mo ke Sico itilize pou li renomen mizik li

TiNèg,

Lan pwemye kestyon an, mwen pa dakô.
Ayisyen transpôte lan mizik menm mantalite yo genyen lan politik ak tout lôt bagay.
Se domaj.
Mizik se yon art ke li ye. Yon moun gendwa renmen yon estil oubyen yon lôt e yo gendwa pa renmen yo nonplis.
Men toutmoun gen yon jijman pou yo fè menmsi yo pa konnen kisa ya p di.

Misik pwogrese, evolye e chanje menjan ak tout lôt aktivite, men kontwovès toujou ekziste kote saa pito Jazz dè Jenn oubyen Septan e yo pa renmen entèpretasyon ki modèn oubyen ki pa tradisyonèl.

Mizik lontan gen valè li. Men sa pa retire valè mizik kontanporèn.
Misik pa statik.

Pa ezanp:
Brezilyen gen yon atachman a tradisyon Samba ki se yon kilti tout antye.
o toujou renmen Samba, men yo adopte e aksepte e renmen Bossa Nova ki yon jan (genre) nouvo konparativman. Yo pa gen kontwovès ak polemik ke Samba pi bon
pase Bossa, etc.....

Lôt kestyon an , mwen dakô avèk ent;pretasyon Mario DeVolcy fè an.
Opwendvi konsepsyon, aranjaman, groove, konpozisyon, Kadans Rampa se
yon misik pi sofistike, pi avanse ke Konpa.
Konsa pi fasil pou mizisyen novis.

Byen ke mwen toujou rete yon fan Septan e mwen rekonet Ulrick tou kom yon gwo saxofonist,mwen pa tande pesonn ba ti blan valè li tou.men Webert Sicot mwen retire chapo devanl paske depi premye fwa mwen wè li ap jwe nan yon bal nan fet Limonade mon chè mwen te enpresyone.

mwen pa ase sofistike nan misik poum bay yon opinyon valab ant konpa direk e kadans ranpa. men mwen te pi renmen kadans ranpa.