www.akasan.org

Onè fanmi m yo,

Wi, nou gen anpil travay devan nou toujou paske repons nou bay Goudougoudou jiskaprezan an, pa alawotè ni sa defen nou yo merite, ni sa grandèt ak tilezanj nou yo bezwen.

Parekzanp, depi alapapòt, noumenm nan AKASAN, nou te konnen pote yon konntenè chèzwoulant nan yon lopital, se pa sa ki ta pral fè gwo diferans ki merite fèt la nan lavi frè ak sè nou yo ki pèdi janm yo. Pou yon chèz woulant itil tout bon vre, fòk gen twotwa nan vil yo, fòk biwo leta, lekòl, ounfò, legliz...mete ranp pou chèzwoulant ka sikile, sinon se jis yon chèz plizoumwen konfòtab...

Sa vle di, se pa yon ti pwojè isit, yon ti pwojè laba ki pral fè devlopman yon peyi. Men, nou pa gen tan pou n ap plenyen sò nou, oubyen dekouraje! Se travay n ap travay, ak entèlijans epi pèsistans, jouk nou rive jwenn bon lavi n ap bouske a, ansanm.

Resous pi fyab Ayiti genyen se AYISYEN - Pi gran resous tout Ayisyen genyen se AYISYEN!


http://www.akasan.org - KOTIZASYON ANYÈL AKASAN se $25 - rele osnon ekri nou jodi a (613) 482-2549, akasanhaiti@gmail.com

Respè fanmi m yo!

Jafrikayiti
"Depi nan Ginen bon Nèg ap ede Nèg !"