Forum Haiti : Des Idées et des Débats sur l'Avenir d'Haiti

Forum Haiti : Des Idées et des Débats sur l'Avenir d'Haiti

FOROM AYITI : Tèt Ansanm Pou'n Chanje Ayiti.
 
AccueilAccueil  GalerieGalerie  PortailPortail  CalendrierCalendrier  PublicationsPublications  FAQFAQ  RechercherRechercher  S'enregistrerS'enregistrer  MembresMembres  GroupesGroupes  Connexion  

Partagez | 
 

 Bagay lan ap de plizanpli RED pou YOURI LATOTI

Voir le sujet précédent Voir le sujet suivant Aller en bas 
AuteurMessage
Joel
Membre-fondateur
Membre-fondateur


Masculin
Nombre de messages : 15213
Localisation : USA
Loisirs : Histoire
Date d'inscription : 24/08/2006

Feuille de personnage
Jeu de rôle: Le patriote

MessageSujet: Bagay lan ap de plizanpli RED pou YOURI LATOTI   Lun 18 Avr 2016 - 7:18

Se pa JWET .De OGANIZASYON tankou UNNOH, MOLEGAF,SEK GRAMSCI,MODEP mete YOURI LATOTI ann AKIZASYON.

Mesye yo remete yon TEM "ALAMOD" ke  GNBis yo te ITILIZE pou DELEJETIMIZE LEJISLATI LAVALAS lan komanse an 2001.

"SENA KONTESTE"

Y ap rann li de plizanpli DIFISIL pou PRES FADH lan DEFANN ALYE yo YOURI LATOTI.
Yo genle ap remet YOURI LATOTI sa yo rele LET swa dizan ENTELEKTYEL yo te siyen pou mande DEMISYON ARISTID an 2003 a.

Sèk Gramsci, GREPS, LAKOU, UNNOH, MODEP, MOLEGHAF, GRAD

Pòtoprens, 14 avril 2016

Lèt tou louvri pou senatè konteste Youri Latortue

Mesye Youri Latortue,
Senatè konteste Latibonit

Mesye,

Òganizasyon sendikal, òganizasyon etidyan nan inivèsite Leta a, òganizasyon popilè sa yo elatriye, salye w nan non nasyon an epi pwofite ekri w lèt sila a pou mande w onon lamoral piblik pou w bay popilasyon Peyi Dayiti ak lòt peyi kap gade w, yon ti eksplikasyon sou latriye gwo akizasyon malouk ki fèt kont ou, nan Jounal ''Haiti Liberte'' ak jounal ''Le Figaro''.
Jounalis Kim Yves fè konnen :

1- Ou se yon mafia, yon dilè dwòg
2- Ou se youn nan politisyen ayisyen ki pi pisan ak pi kòwonpi ;
3- Ou se yon chèf gang ki gen eskadwon lanmò kap mache fè kò sasinay pou ou ;
4- Ou se yonn nan asasen pè Jean Marie Vincent epi, gen temwen ki te konstate ak 2 nawè yo ke se ou menm menm ki sasinen pè angaje sila a ki t ap patisipe nan batay pou ede peyi nou soti nan move pas ;
5- Ou se tou asasen Georges ak Antoine Izmery 2 komèsan pwogresis ki tap ede moun ki pimal yo.

Anplis, nan Jounal Le Figaro Jounalis Thierry Oberlin nan edisyon 21 desanm 2004 la, ba w ti non jwèt : "Monsieur 30%" paske lè Gerard Latortue alias Gwo Jera te premye minis, ou te konn reklame anlagan 30% pou ou nan kòb tout kontra leta ap bay. Sa se yon gwo zak kòripsyon yo reproche w pami lòt.

Ki demach fòmèl ou te fè pou ekzije jounal ak jounalis sila yo prezante w eskiz piblik yo paske yo ta sanse sal imaj ou anpil anpil? Si w ta ponkò fè demach fòmèl sila yo nou ankouraje w pou w ta fè sa rapid rapid, yon mannyè pou rive lave figi w ki parèt sal anpil anpil akòz ta sanble ponkò gen anyen ki fèt pou rive blanchi w. Wap dakò ak nou, si w pa rive blanchi tèt ou, lave figi w rapidman ou pap gen kalite pou kontinye rete syeje andedan Palman konteste ayisyen an, paske yon senatè Larepiblik, menm lè li ta yon senatè konteste, paka gen sou do li tout gwo manman penba akizasyon sila yo epi pou li ta pretann kontinye syeje andedan palman an toujou. Si nòmalman w klè ak konsyans ou epi w pa yon dilè dwòg, yon kòwonpi dènye nivo, yon chèf gang, yon asasen jan sa ekri nan jounal la, fòk prese prese ou fè tout demach fòmèl yo pou w rive rapidman regle kesyon akizasyon malouk sila yo ki peze lou sou do w jounen jodia.

Gwo akizasyon grav sila yo ban nou tèt fè mal epi twouble lespri nou ak somèy nou anpil. Nou panse, senatè konsteste Youri Latortue pa nou an, ta dwe genyen lespri ak somèy twouble menm jan ak nou. Se poutèt sa nou mande w pote plent si jounalis sa yo pa aksepte rekonèt se manti yo t ap fè sou ou.

Pandan tout gwo akizasyon sa yo ap peze lou sou do w, ou rive jwenn ase kouraj ak odas pou w otopwoklame tèt ou Prezidan Komisyon anti kòripsyon ak etik. Kidonk, mesye senatè konteste, ou pran tout moun nan popilasyon an pou enbesil. Eske w bliye si w te nan palè pandan tout rejim tèt Kale a ap bay ekip sila a konsèy, kouman pou yo gagote pi byen kòb Petrocaribe ya ak lòt? Apre tout tan sa a ou sot pase nan Palè pami gagotè yo, ki kalite ou genyen jounen jodi a ki ta ka otorize w rele konplis ou yo, mande yo eksplikasyon sou gagòt yo te fè? Eske wap rele tèt ou dabò kòm konplis pou vini bay pèp la eksplikasyon sou gagòt patnè w yo nan pouvwa tèt kale a fè nan lajan leta a? Ak ki entansyon w kouri antre tèt ou nan Komisyon Antikòripsyon ak etik, anplis pou w ta vini prezidan l ankò? Eske se pou w ka jwenn yon mannyè pou rive mete men sou tout dosye kòripsyon patnè w yo epi elimine tout dosye sila yo pou ampeche lajistis mete kòd nan kou pa w ak patnè kowonpi w yo? Eske tou, se yon mannyè pou ta rive pwoteje ak lave patnè kòwonpi w yo ?

Ou ta sanble bliye Richard Morse (RAM) ki se bonjan kouzen Michel Martelly te oblije kouri kite Palè nasyonal akòz li te revòlte devan kantite vòl ak kòripsyon ki tap taye banda nan Palè nasyonal. Lè sa a ki kote w te ye, mesye senatè konteste? Ou pat gen je lè sa a pou w te wè menm jan ak Richard Morse Koripsyon sa yo nan palè kote w tap bay konsèy la? Nou vle fè w konprann, popilasyon an pa enbesil jan w panse-l la. Nou konprann ou!!!

Nou pwofite felisite w paske nou tande w di ou te fè Fritz Mevs ekri w yon lèt eskiz epi w te fèl peye w twa san mil (300.000) dola meriken pou difamasyon li te fè sou ou, lè li tal di nan Anbasad meriken isit ou genyen bonjan relasyon ak kèk dilè dwòg kolonbyen epi w tap pare pou w mete kanpe ansanm ak yo yon antrepriz kriminèl nan Peyi Dayiti. Pou kisa, mesye senatè konteste, ou pa fè menm jan an nan ka jounalis sila yo pou ou pote plent pou yo akòz gwo akizasyon yo fè sou ou ? Lè sa ou ta ka rive fè plis pase twa san milyon (300.000.000)?

Mesye senatè konteste, nou panse w gen 2 chwa se oubyen ou trennen Jounalis sila yo douvan lajistis si w estime yo ta fè manti sou ou. Lè sa a wap demisyone pou ou tann yo blanchi w anvan ou tounen ankò nan palman an, oubyen si w pa ta anmezi pou trennen yo douvan lajistis, lè sa a wap oblije mete w rapidman disponib pou lajistis. Annatandan, Mesye senatè konteste, ou pa gen kalite pou w ka kontinye syeje nan palman an ni nan okenn komisyon ale wè komisyon Antikòripsyon ak etik la.

N ap fini pou fè w konnen, jan pwovèb la di sa lafimen pa leve san dife. Si se vre ou ta gen eskadwon lanmò, n ap pwofite fè w konnen nou lage nan men w, lavi tout dirijan, manm òganizasyon ki siyen lèt sa a ak tout lòt kanmarad k ap kontinye denonse move zak ou nan peyi a pou w kontinye kenbe Pèp la nan mizè, malsite ak move lavi.

Oganizasyon ki siyen yo :

signature lettre ouverte a youri latortue sek gramsci merilien

Cercle D'Etudes En Littérature Gramscienne (Sèk Gramsci) / Walner OSNA
Gwoup k ap Reflechi sou Pwoblèm Sosyal yo (GREPS) / Frantz Junior Mathieu
LAKOU / Sabala Calixte
Union Nationale Des Normaliens D'Haïti (UNNOH) / Josué Mérilien
Mouvman Demokratik Popilè (MODEP) / Guy Numa
Mouvement De Liberté, d'Egalité Des Haitiens Pour La Fraternité (MOLEGHAF) / Oxygène David
Gwoup Rechèch ak Apui pou Devlopman Kolektivite Teritoryal yo (GRAD) / Yvton Louis

Kopi konfòm pou :
- Biwo sena konteste a
- Laprès



Réponse de Leslie Pean à Lemète Zéphyr : Le danger d’une approche superficielle d’une question complexe (1 de 2)
La pression monte sur Privert – Lettre de Michel Martelly pour le rappeler à l’ordre (à son ordre)
Carrefour historique ! par Daly Valet
Revenir en haut Aller en bas
Voir le profil de l'utilisateur
Rico
Super Star
Super Star
avatar

Masculin
Nombre de messages : 8954
Localisation : inconnue
Loisirs : néant
Date d'inscription : 02/09/2006

Feuille de personnage
Jeu de rôle: dindon de la farce

MessageSujet: Re: Bagay lan ap de plizanpli RED pou YOURI LATOTI   Lun 18 Avr 2016 - 15:45

BANN MOUB SAYO PA KREDIB
YO PRAL LAKOZ YOURI FOFILE
SWIV BYEN SA MAP DI YO
PA KOURI VOYE MONTE
Revenir en haut Aller en bas
Voir le profil de l'utilisateur
Joel
Membre-fondateur
Membre-fondateur


Masculin
Nombre de messages : 15213
Localisation : USA
Loisirs : Histoire
Date d'inscription : 24/08/2006

Feuille de personnage
Jeu de rôle: Le patriote

MessageSujet: Re: Bagay lan ap de plizanpli RED pou YOURI LATOTI   Lun 18 Avr 2016 - 16:52

Se BAGAY sa a wi!

Yo mete yon SIJE .OU GEN DWA REPONN.

Pouki sa ,ou bezwen di ke MOUN ap voye monte?

SIJE YOURI an ,ap fe AKTYALITE ;DEFANN li si w vle ,men pa di MOUN ap voye monte.

SISPANN!!!!!!
Revenir en haut Aller en bas
Voir le profil de l'utilisateur
Sasaye
Super Star
Super Star
avatar

Masculin
Nombre de messages : 7734
Localisation : Canada
Opinion politique : Indépendance totale
Loisirs : Arts et Musique, literature kréyòl
Date d'inscription : 02/03/2007

Feuille de personnage
Jeu de rôle: Maestro

MessageSujet: Re: Bagay lan ap de plizanpli RED pou YOURI LATOTI   Lun 18 Avr 2016 - 19:22


Di poukisa w deklare nèg yo pa kredib.
Bay yon ti limyè!
Revenir en haut Aller en bas
Voir le profil de l'utilisateur
Joel
Membre-fondateur
Membre-fondateur


Masculin
Nombre de messages : 15213
Localisation : USA
Loisirs : Histoire
Date d'inscription : 24/08/2006

Feuille de personnage
Jeu de rôle: Le patriote

MessageSujet: Re: Bagay lan ap de plizanpli RED pou YOURI LATOTI   Lun 18 Avr 2016 - 20:10

Se pou MISYE di ki jan JOSUE MERILIEN ,ki PREZIDAN pi gwo SENDIKA PWOFESE lan PEYI an ,pa KREDIB.

Ou gen dwa pa DAKO ak MISYE ,men MERILIEN pa ALATET yon OGANIZASYON FANTOM,yon OGANIZASYON ZONBI!

Revenir en haut Aller en bas
Voir le profil de l'utilisateur
Sasaye
Super Star
Super Star
avatar

Masculin
Nombre de messages : 7734
Localisation : Canada
Opinion politique : Indépendance totale
Loisirs : Arts et Musique, literature kréyòl
Date d'inscription : 02/03/2007

Feuille de personnage
Jeu de rôle: Maestro

MessageSujet: Re: Bagay lan ap de plizanpli RED pou YOURI LATOTI   Lun 18 Avr 2016 - 21:23


Mwenmenm, mwen wete chapo pou di mesye yo Ayibobo.
Se konsa pou ayisyen konsyan konfwonte kriminèl ak koronpi ki ap pran peyi an ann otaj.
Analiz yo byen fèt. Pwen yo byen poze. Map gade kijan Latòti pral reyaji, si l kapab.
Oubyen si l pral IGNORE tout agiman yo.

Epi mwen pran tèks saa kòm yon ekzanp kijan moun ekri bon Kreyòl.
Revenir en haut Aller en bas
Voir le profil de l'utilisateur
Joel
Membre-fondateur
Membre-fondateur


Masculin
Nombre de messages : 15213
Localisation : USA
Loisirs : Histoire
Date d'inscription : 24/08/2006

Feuille de personnage
Jeu de rôle: Le patriote

MessageSujet: Re: Bagay lan ap de plizanpli RED pou YOURI LATOTI   Mar 19 Avr 2016 - 7:46

SASAYE;

WI;

Bagay lan byen EKRI.Mesyedam yo di sa ki dwe di.
E yo pa MOUN ki pa ta ka IZE FRANSE ,si yo te vle.

SEK GRAMSCI an ,se yon GWOUP JENN "ENTELEKTYEL" lan INIVESITE DETA DAYITI ,ki fome yon "GWOUP REFLEKSYON"

JOSUE MERILIEN ,se prezidan SENDIKA PWOFESE ki rele "UNNOH".

MESYEDAM sa yo ,se MOUN ki te ka ITILIZE FRANSE "WONFLAN" si yo te vle..

Sa yo di yo,tankou w di ki byen ekri,si yo monte sou yon RADYO pou yo LI l,pi FO peyi an ,ap KONPRANN san twop PWOBLEM.

Lan jan yo KONKLI LET TOU LOUVRI an tou,yo di YOURI LATOTI ke yo konnen byen a ki MOUN yo annafe

"N ap fini pou fè w konnen, jan pwovèb la di sa lafimen pa leve san dife. Si se vre ou ta gen eskadwon lanmò, n ap pwofite fè w konnen nou lage nan men w, lavi tout dirijan, manm òganizasyon ki siyen lèt sa a ak tout lòt kanmarad k ap kontinye denonse move zak ou nan peyi a pou w kontinye kenbe Pèp la nan mizè, malsite ak move lavi"
Revenir en haut Aller en bas
Voir le profil de l'utilisateur
Rico
Super Star
Super Star
avatar

Masculin
Nombre de messages : 8954
Localisation : inconnue
Loisirs : néant
Date d'inscription : 02/09/2006

Feuille de personnage
Jeu de rôle: dindon de la farce

MessageSujet: Re: Bagay lan ap de plizanpli RED pou YOURI LATOTI   Mar 19 Avr 2016 - 11:37

Sasaye a écrit:

Mwenmenm, mwen wete chapo pou di mesye yo Ayibobo.
Se konsa pou ayisyen konsyan konfwonte kriminèl ak koronpi ki ap pran peyi an ann otaj.
Analiz yo byen fèt. Pwen yo byen poze. Map gade kijan Latòti pral reyaji, si l kapab.
Oubyen si l pral IGNORE tout agiman yo.

Epi mwen pran tèks saa kòm yon ekzanp kijan moun ekri bon Kreyòl.
PAFWA MAP MANDE ESKE NOU SWIV BYEN AKTIYALITE YO. YOURI SE YON ZANNIMO POLITIK KI PLEN MALIS. MEN LI GEN TOU MECHAN LENNEMI TANKOU JOSUE MERILIEN KI  PA KREDIB.

MWEN DI NOU YOURI PRAL FÈ PWEN SOU MESYE SAYO. ZAFÈ JOUNAL LE FIGARO SE YON TI DEMACHÈ YOURI ANPECHE GEN DJOB SEKIRITE  SOU REJIM LATOTI. APRE BLAN MERIKEN YO KI TAP PWOTEJE ARISTID  TE ALE. TI DEMACHÈ FRANSE SA PWOPOZE SEKIRITE FRANSE POU NOUVO REJIM. ESKE YOURI TE MANDE 10%, ANTOUKA YO TE REFIZE KONPAGNI FRANSE SA POU 1 MILYON DOLA POU DJOB SA. ANSYEN MERINN MERIKEN YO TE PEYE 1 MILYON E DEMI.

ZAFÈ PEYI DAYITI KONPLÈSK SE LAJAN, MAGOUY AK KINAN NOU  E BLAN YO.

YOURI TE KONSEYE LATOTI SÈVI AKMILITÈ  AYISYEN KITE SOTI NAN  LAME YO.
Revenir en haut Aller en bas
Voir le profil de l'utilisateur
Joel
Membre-fondateur
Membre-fondateur


Masculin
Nombre de messages : 15213
Localisation : USA
Loisirs : Histoire
Date d'inscription : 24/08/2006

Feuille de personnage
Jeu de rôle: Le patriote

MessageSujet: Re: Bagay lan ap de plizanpli RED pou YOURI LATOTI   Mar 19 Avr 2016 - 12:10

Kom oumenm se pa DISKISYON ou FE ,se PWONONSE ou PWONONSE .

JOSUE MERILIEN gen menm KREDIBILITE ak lot GNBis yo ,paske se sa l te ye.

Lan ka pa w ,se pou di kote MANK KREDIBILITE misye an SOTI!
Ou pa konnen anyen plis ke lot MOUN sou YOURI LATOTI,petet ou konnen mwens ;paske DOSYE misye CHAJE.

FOS YOURI LATOTI se lan PRES ANMH-FADH lan ke misye konnen ki jan pou l IZE ak MANIPILE.

Sou TOUT AKIZASYON ke y ap fe sou YOURI LATOTI yo ,konsidere yo menm jan ak AKIZASYON ,tankou PAJ "MOST WANTED" DEA GUY PHILIPPE lan.

PRES ANMH-FADH gen entere PWOTEJE mesye sa yo.

Ann AJANTIN yo AKIZE preske 1000 (MIL) OFISYE KOUDETAYIS POUTCHIS ak KONPAYEL yo.Yo KONDANE de SANTEN.

Lan CHILI ;gen preske 300 POUTCHIS ,konpayel PINOCHET yo ki ap MANJE PRIZON SIVIL AK MILITE

ATANSYON PA KAPON.
ALOS ,pres ANMH-FADH lan gen anpil ENTERE pou yo PWOTEJE de NEG tankou LATOTI ak GUY PHILIPPE.

Se pa tout TAN ,NEG ap KONTWOLE PRES lan.Ou pa janm konnen!

Se JOSUE MERILIEN ki ap pale de YOURI LATOTI

Revenir en haut Aller en bas
Voir le profil de l'utilisateur
Rico
Super Star
Super Star
avatar

Masculin
Nombre de messages : 8954
Localisation : inconnue
Loisirs : néant
Date d'inscription : 02/09/2006

Feuille de personnage
Jeu de rôle: dindon de la farce

MessageSujet: Re: Bagay lan ap de plizanpli RED pou YOURI LATOTI   Mar 19 Avr 2016 - 16:47

PODYAB MWEN DI NOU JOSUE MERILIEN SE PLON GAYE

LI PÈDI KONTROL DEPI MINIS LEDIKASYON PIERRE VANEUR TE

REVOKE METRÈS LI KERLINE JEAN KOM DIREKTRIS LISE JANJAK DESALINN

POU MALVÈSASYON. MADANM FÈ FON AK 1,7 MILYON GOUD

SWIT VERIFIKASYON MENFP. YO PA JWENN OKENN JISTIFIKASYON

DEPANS LAJAN SA.PLIZYÈ  CHÈK POU MOUN KI PA NI ANPLWAYE, NI PROFESÈ. DOSYE SA NAN MEN UCREF. ALOS NOU DWE KONPRANN
MOTIVASYON L. LI VREMAN ASID AP VOYE PLON GAYE.
Revenir en haut Aller en bas
Voir le profil de l'utilisateur
Joel
Membre-fondateur
Membre-fondateur


Masculin
Nombre de messages : 15213
Localisation : USA
Loisirs : Histoire
Date d'inscription : 24/08/2006

Feuille de personnage
Jeu de rôle: Le patriote

MessageSujet: Re: Bagay lan ap de plizanpli RED pou YOURI LATOTI   Mar 19 Avr 2016 - 18:31

Antouka ,lan youn lan RA FWA ,YOURI LATOTI VILNERAB.

Yo paka AKIZE MOUN ki ap ATAKE l yo de LAVALAS.

JOSUE MERILIEN se yon GNBis de LONG DAT.

Sa k pi ENPOTAN an ,misye t ap CHACHE ITILIZE KOMISYON TET CHAT li an ,pou l chache KREDIBILIZE TET li kom SENATE epitou detounen ATANSYON MOUN ,pou yo pa FOUYE lan ZAK TETKALE/KALETET yo.

Pa gen MOUN serye ki ap OKIPE KOMISYON sa a ,menm si pres ANMH-FADH lan ta vle bali yon KOUT MEN!
Revenir en haut Aller en bas
Voir le profil de l'utilisateur
Rico
Super Star
Super Star
avatar

Masculin
Nombre de messages : 8954
Localisation : inconnue
Loisirs : néant
Date d'inscription : 02/09/2006

Feuille de personnage
Jeu de rôle: dindon de la farce

MessageSujet: Re: Bagay lan ap de plizanpli RED pou YOURI LATOTI   Mar 19 Avr 2016 - 20:36

joel pa kouri selebre, se memn redit yo

fnalman se twouve bagay nèf ki chita

mouche gen anpil lennemi men se toujou volo

tankou li. swiv byen koman sa pral fini
Revenir en haut Aller en bas
Voir le profil de l'utilisateur
Sasaye
Super Star
Super Star
avatar

Masculin
Nombre de messages : 7734
Localisation : Canada
Opinion politique : Indépendance totale
Loisirs : Arts et Musique, literature kréyòl
Date d'inscription : 02/03/2007

Feuille de personnage
Jeu de rôle: Maestro

MessageSujet: Re: Bagay lan ap de plizanpli RED pou YOURI LATOTI   Mar 19 Avr 2016 - 21:18

Komisyon Latòti an ap fonksyone lan sena a.
-yo deja konvoke epi kestyone Konil.
-Yè, se te tou Lamòt pou l al bay eksplikasyon sou jerans fon Petwokarib.
-Semèn pwochèn,  Kplim pral konparèt.

Kestyon an, e limenm ki te manm konseye Tètkale, ki moun li pral rann kont?

Pou Merilyen:
Eske se li ki te voye metrès li fè malvèsasyon?
Eske akizasyon yo se manti?
Eske yo jwenn ke fanm nan pote lajan lekòl lan ba li.
Si se ta sa, eske sa retire akizasyon yo kont Latòti?

Sèl moun ki kapab demanti akizasyon yo e vini avèk prèv, si l genyen, oubyen asiyen akizatè yo, se Latòti sèlman.
Revenir en haut Aller en bas
Voir le profil de l'utilisateur
Joel
Membre-fondateur
Membre-fondateur


Masculin
Nombre de messages : 15213
Localisation : USA
Loisirs : Histoire
Date d'inscription : 24/08/2006

Feuille de personnage
Jeu de rôle: Le patriote

MessageSujet: Re: Bagay lan ap de plizanpli RED pou YOURI LATOTI   Mer 20 Avr 2016 - 8:09

Wi KOMISYON an sanse ap TRAVAY.

LATOTI fome KOMISYON l ,li mete ZANMI KALETET li yo lan KOMISYON.

Kesyon yo te poze LAMOT yo ,se te tankou CHOUTE BOUL sou yon GADYEN DE BI lan yon GOL 2 MET de LAJ.

Pa p gen GOL.

Pou yo ta bay komisyon sa a yon ti PASEL SERYOZITE se ta pou ke se NEG tankou GABRIEL BIEN AIME ,ki se LAVALAS,ki pou ta POZE
e LAMOT e K-PLIM kesyon.

Se konsa KOMISYON SENA OZETAZINI yo ye.
Pandan ANKET yo t ap fe sou ENSIDAN LIBI an lan SENA AMERIKEN an ,se te SENATE REPIBLIKEN yo ki t ap MITRAYE ILARI ak KESYON.
Se te PWENN FE PA ,se paske MANMZEL ABIL ki fe ke KWOK LAN JANM yo pa t fe MANMZEL tonbe!
Revenir en haut Aller en bas
Voir le profil de l'utilisateur
Contenu sponsorisé




MessageSujet: Re: Bagay lan ap de plizanpli RED pou YOURI LATOTI   

Revenir en haut Aller en bas
 
Bagay lan ap de plizanpli RED pou YOURI LATOTI
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» Bilten #3 volim#2 Pe Janjis sot lan Sid pou kanpay Fanmi Lavalas.
» Ansyen chimè lavalas resikle nan Ucadde ap simaye lanmo nan Plato Santral
» Pwogrè ayisyen lan politik Florid. Bèl bagay.
» Un président découragé, une population affamée, une diaspora inutile
» Barbaries pour crier d'indignation , JE ME SOUVIENS

Permission de ce forum:Vous ne pouvez pas répondre aux sujets dans ce forum
Forum Haiti : Des Idées et des Débats sur l'Avenir d'Haiti :: Haiti :: Espace Haïti-
Sauter vers: