Mezanmi fè tèt nou plezi, koute mizik saa.

Mwen espere toutmoun konnen SPARROW: pi gran chantè-compositè Kalypso ak Soka.

Dedye a Sanmalis.



http://www.dailymotion.com/video/x4ca41_mighty-sparrow-barack-the-magnifice_music

Sassaye

mon chè mèsi anpil pou dedikas saa ou sot fè m danse Sparrow ak youn mereng pou Barak.Musik saa dwe ap jwe nan tout Flatbush, nan Nostrand , Nan 125 th Street, nan jamaica avenue,nan Miami, nan Atalanta,nan Oakland kaliforni ,nan Orlando, nan washington D>C>tout kote net.

Mwen konnen ou tap renmen mizik la paske m konnen ou fèt pou konnen Sparrow puiske madanm ou soti lan Zile yo.

Mwen ta renmen tout moun nan fowom nan goute mizik saa e tande kisa Sparrow ap di lan chante a.

Mwen te danse Sparrow nan ane 70s yo.Yon bal Sparrow ,se yon eksperyans,li fè w ri ;misye se sa yo rele yon "entertainer".

COLIN POWELL ki se fanatik Calypso ,te di se youn nan pi gran plezi nan vi l ,lè li te rankontre SPARROW pou premye fwa!

Sparrow se yon twoubadou, lan sans clasik.
Se yon atis angaje ki kouvri tout sijè: sosyal e politik e seksyel.

Jiskounyea li kontinye ap fe mèvey , li dwe gen 80 zan.

Mwen te al lan yon espektak misye, lan ete ki sot pase a , Vankouvè.
Mwen pase preske 1è ap pale, bwe manje avè l.
Nèg la se yon gran mizisyen, entelektyèl e powèt.

Li se yon ekspè lan tradisyon kalypso, kote li kapab konpose yon chante pendan yon espektak pou yon fanm, oubyen yon sitiyasyon e menm pou yon nèg ki lèd oubyen dwòl.

Le w ap tande chante saa sou Obama, se yon ekzanp de sa li te toujou ap fè.
Vwa l pa janm chanje, ni talan l.
Sel bagay ki chanje: misye vinn pi gwo avèk laj epi li kale tèt li pou cheve blan l yo pa parèt.

Se yon atis ke tout antiye konnen, renmen e respekte.
Se domaj, ayisyen pa konnen Sparrow byen.

Misye te menm fè yon chante pou Aristid, lan ane 90 yo.