Ayiti cheri
Lotrejou swa mwen fè yon rêv
Ki dous tankou mango doudous
Ki dous tankou siro myèl kap file nan gòj
Ki dous tankou flè banda dizè kap degaje lodè
Ki dous dous dous dous dous tankou dous lèt
Mwen te wè lannuit nan somèy rèv mwen
Yon bèl deyès bèl fanm zye lakansyèl
Li te menm di mwen non li ki se Ayiti Cheri
Mwen pantan koudfoud mwen tonbe damou
Kòmanse fè bon jennjan galan pawòl dous ak jedou
Chans mwen te briye tankou solèy manmzèl tonbe damou tou
Nan gwo akolad jimo marasa lèv li te rankontre ak lèv mwen
Tout kò mwen tap fè chèdepoul, tout kè ak nanm mwen tap fremi
Briskeman li te kanpe, poze men sou pwatrin mwen fikse mwen drèt nan je
Toudousman li louvri bouch li tonbe poze mwen kesyon
Li di mwen eske wou se yon gason kanson total ki genyen yon rèv?
Mwen te reponnm li tout rèv mwen se wou mwenm ak pou wou menm
Li di mwen se yon fanm rèv dòmi nan rèv leve nan rèv mache nan rèv
Si wou renmen mwen ak tout kè wou mache anba chapo rèv mwen :
Aspirasyon mwen se Endepandans
Ideyal mwen se libète
Bi mwen se egalite
Objektif mwen se fratènite
Finalite mwen se linyon fè lafòs
Destinasyon mwen se demokrasi
Li te presize li di kè ak rèv mwen makònen fè yon sèl
Kè mwen se Endepandans
Lanmou mwen se libète
Santiman mwen se egalite
Emosyon mwen se fratènite
Tandrès mwen se linyon fè lafòs
Karès mwen se demokrasi
Li di mwen ankò se tèt ki mennen kò, men se kò ki pote tèt
Si pa genyen kò pa genyen tèt ni pa genyen rèv nonplis
Kò mwen se matyè lajan
Fòs mwen se ekonomi
Kapasite mwen se aksyon travay
Pouvwa mwen se mèt mwen ekzistans
Mèt desten mèt lavni mèt lavi
Sens des choses
Il me voit débattre sur les grands enjeux sociaux
Table ronde en compagnie des sociologues
Il me traite de savant
Il conclut la note sur Grande-chose
Il me voit conter des blagues aux enfants
Il me traite de fou ignorant
Il conclut la note sur Petite-chose
Grande-Chose, Petite-chose
Même la paille de choses vaut quelque chose
C’est parce que nous percevons avec l’œil de nos préjugés
Nous sommes incapables de sonder le mystère du sens des choses.
Accueil 
