Mwen tande yon pastè pwotestan lan Radyo Metwopole ki di depi janvye 2009, Bondye te mande l pou l fè yon seri de bagay sinon yon gwo malè ta plral rive.
Dapre li se sa k rive.

Li mande, epi li sanble ke gouvenman an ba l pèmisyon pou l fè l, pou tout peyi a fè yon jènn (Jeune) pandan 3 jou.

Li mande pou chaque komin, chak depatman leta, chak oganizasyon sosyete sivil, chak gwoup politik, chak legliz. Tout moun sayo voye yon reprezantan vinn la priyè sou pelouz palè a, pou ekzosize peyi a.

Li mande pou yo rejte tout move kontra ke yo genyen.

Pou yon nèg rive lan eta saa, pou ap mande moun ki deja grangou, ap chèche manje depi 2 semèn, pou yo al fè jènn ankò. Komsi yo pa t lan jènn deja.

SASAYE,
Mwen sot tande malandren sa yo sou Radyo Signal FM ap repete menm bagay sa yo.
Gen yon moun ki te di ,se pou nou veye ke fòs fè nwa ,reyaksyonè sa yo ,pa pwofite de malè ki tonbe sou peyi an ,pou yo lonje enfliyans yo.
Pwotestantism ki gen plis fòs ann Ayiti an ,se pwotestantism mesye lan Sid Etazini yo ,se yo ki ap fonde mesye sa yo.
Nou di PREVAL pinga ,pinga bay vateryen sa yo otorizasyon pou yo al sou pelouz Palè an.
Si l ta fè sa ,se pou l ta bay BEAUVOIR otorizasyon pou l fè yon seremoni VODOU devan Palè an tou.
Men pi bon bagay lan ,se pa bay pèsonn otorizasyon!

Joel,

Mwen mete fraz la an gra pou souliye ke nèg yo retounen avèk mo REJETE a.

Nou pa bezwen rekonstwi peyi a avèk restavèk sayo.

Sasaye,

Mwen twouve ke tit sijè w la ekzajere. Li t ap pi bon si ke w te ekri: "Yon pastè Ayisyen sanble..."

Joel, wou genyen dwa pa kwè nan Bondye, men se pa lapèn pou w ap chouje moun ki pa panse menm jan ak wou.

Citation:

Nou di PREVAL pinga ,pinga bay vateryen sa yo otorizasyon pou yo al sou pelouz Palè an. Si l ta fè sa ,se pou l ta bay BEAUVOIR otorizasyon pou l fè yon seremoni VODOU devan Palè an tou.

Jan de deklarasyon sa yo se ti dife volan, se timoun k ap mande pou pa yo. Se pa sèl pwotestan ak Vodouwizan ki genyen an Ayiti. Fòk li t a bay mizilman yo tou, katolik elatriye... Ayiti bezwen lapriyè tou.

Pandan tan sa a, m ap denonse ak tout fòs mwen, nenpòt mon ki konprann ke Ayiti te genyen "kontra", mwen tande sa nan bouch anpil Ayisyen ki menm di ke se mechanste nou ki mete nou nan sa, ala moun sa yo inyoran konpè.

Thunder,

Si w repete mo "sanble"a, alò se semantik wa p fè.

La prèv sè ke lan dènye paragraf w a, wou montre ke ou konprann sa map denonse a.
E wou denonse l tou.

Thunder;

Ou di ke se pou gen la priyè,se dwa w ;se dwa pa m tou pou m di ke la priyè sa a se tan pèdi.
Lè lan 2 dènye ane sa yo ,tranbleman de tè te devaste la Chine ak Japon,mwen pa t wè ke yo te chita lan la priyè.
Sa yo te fè ,se te twouse ponyèt yo pou yo rebati.
Legliz pwotestan ta ka pab kanalize tan fidèl li yo ,lan travay volontè ,o lye ke y ap la priyè!

Yon lòt bagay ,se lan milye pwotestan an mwen plis tande bagay zafè "kontra" a ,mwen pa plis tande sa sa lan milye katolik yo.
Mwen konnen ke legliz katolik te konn pale konsa lontan wi ,men yo pa preske pale konsa ankò.
M ap ajoute ,ke pwotestantism ann Ayiti an ,ki se yon pwotestantism entegris ,se yon danje pou peyi an.
Lan yon peyi ,tankou BREZIL gen yon alyans taktik ant Vodou ak katolik yo, pou yo evite danje legliz pwotestan yo,m ap mande si 2 branch relijyon sa yo ann Ayiti ase entelijan pou yo fè menm bagay lan

Joel,

Nan peyi sa yo, gin pwofesyonel ki pou ede moun ki epwove yo tel ke sikolog, sikyat etc. Ayisyen gin selman religyon.

Podyab moun yo. Yo gin pwoblem manje, lougarou(?), kadejak, voler,etc. epi yo pa bezwen la priye, moncher foli va pran yo.

Mwen nan travay mwe paka pale plis.