HAITI : Ou Sommes Nous ? Comment Sortir ? Et par quel Moyen???

Rappel du premier message :

La première question est facile. Le séisme est venu dérailler le train de développent qui venait à peine de démarrer.
Project touristique Labadie, Project de Park industriel et la création de 50 mille emplois à l’horizon etc.., la privatisation et la vente en parti de la Teleco.

Maintenant nous sommes dans la merde jusqu’au cou!
C’est nos bras qui émergent et on attend que la communauté internationale nous tire de ce trou puant, écœurant et humiliant.

Rico pense que Haiti a toujours été dans la merde durant ces 2 decenies, mais pas jusqu’au cou quand meme tabernacle ! Pas jusqu’au cou God damn it !

Il exprime responsable le gouvernement en place. Les Lavalaso-Lespwa.
Comment sortir et par quel moyen ??

Citation:

Sasaye di : se avèk gouvenman an plas la pou tout ayisyen mete ansanm pou sove Ayiti. Mwen menm deklare ke dirijan ki la yo kondane pou yo jere sitiyasyon an..

Kami di: Mwen pataje menm ide ak Marc, Bill Clinton avek Loni pare pou travay ak gouvenman aktyel la, min reyalite-a, tout moun ki pa vle akseptel se dwa yo epi tou zafe ayo.

Rico di: Poutan sou forom sa se kote bo palè yon endividi yo vle mete an evidans pou yo bay kat blanch. Pa gen pwoblèm si li vreman bon li dwe sèvi peyi l. Men tonas ke yo mete l nan bonn plas . Se te preske yon minis Plan a vie ki tonbe premye minis nan sikonstans nou konnen yo.

Rico ne veut pas qu’aucun de ces messieurs de ce gouvernement reste après Février 2011 !!
Il nous faut du sang neuf.
Rico pense que Sasaye, Kami, Marc, les autres haïtiens sympathisants et moi-même sont des Résignés !

Nous agissons comme des enfants nés de la merde et on est devenu avec le temps une « fixture ». On est tellement habituer avec cette odeur qu’on pense que c’est naturel.

Bien que Rico ne soit pas venu avec des alternatives, il pense qu’avec ces messieurs en place, on n’en sortira pas et on doit garder la permanence et mettre le feu a leur derrière pour leur faire savoir qu’avant ou après Février 2011, ils doivent définitivement partir.

Si on revient constamment avec les mêmes messieurs, on aura les mêmes résultats !

En d’autre terme, il nous faut du sang neuf !!

[quote="revelation"][quote]
Joel mon fre, yon pep ki edike e gouvenman pa gen travail pou bali, vini tounnen yon bomb a retardeman pou gouvenman sa.
Yon pep edike san travay se yon danje pou sosiete a!!

Premye obligation primodyal gouvenman se kweye djob!!!

Avek travay, yon moun kap edike tet li pou kout li, e jwazi profession li, swa vinn boss mason, charpentye, elektrisyen, cordonye, docte, infimye etc..
Lap chwazi profession li e peye li pou kont li!!

Men si pa gen travay e lajan nan poch, gouvenman te met konstwi 10 mille lekol gratis e si pa gen avenir demain pou yon malere jwen yon job.
Se lave men, siyel a te.
Se yon wont pou jeunn docte ak ingenye nan peyi d'Ayiti ap oblije pedi profession yo nan kondwi taxi, ak vand bolette pou sa mete manje sou tab pou fanmi yo.
Cuba, depi nan denye annee medecine w, job w deja ap tand w paske leta cubain vle lajan edikasion ke li ba w gratis la bak.

Nan universite americain, depi nan senior year denye annee, job fair e konpany travay fe kenken sou campus yo.
Nou diskite problem edikasyon nan peyi d'Ayiti deja Joel .

Edikasyon se pa konstwi lekol a dwat a goch, men yon system de fonksyonnman academik e administrativ avek patisipation parent yo tou..

E pou sa fet fok nou gennyen yon gouvenman ki focus, ki gen vision pou 9 million moun yo. Nou bezwen du sang neuf!!

Se pa vre?
Yonpèp ki edike ka kreye travay li pou kont li.
Lè w ap di pou moun yo ta mason,elektrisyen elt..
Sepa vre ,moun ki an chaj yo ,sitou moun ou ta renmen an chaj yo ,lave lespri moun yo pou fè yo konprann ke gen yon bagay ki "wrong" si yo travay ak men yo.
Tout tan nou nan zafè de entelektyèl.
Se sa ki fè ,pandan premye okipasyon ameriken an ,lè yo te entwodwi yon kanpay tankou yo te fè l apre abolisyon esklavay lan ,gouvènman ayisyen an te refize enplemante kanpay lan.
Gouvènman ameriken an te di yo ,sispann montre timoun yo Laten ,Grèk ak Literati e koumanse montre yo metye lan lekòl segondè yo.Dantès Bellegarde,gwo entelektyèl devan letènèl ,te foure pwojè sa a lan yon tiwa.
Apre lendepandans ,VIETNAM, lè moun yo te grangou ,peyi an te devaste ,preske tout lajan peyi sa a se lan edikasyon yo te depanse ;se te kreye lekòl,se te lan pwogram alfabetizasyon ,apre sa ranfòse e bati inivèsite.
Gade VIETNAM kounye an,yo di li genyen pou li yon lòt La Chine ,byen ke popilasyon yo pa konparab.
Ke gen djòb,ke pa gen djòb se edike popilasyon an,se pou gen yon "mind set" yon obsesyon pou regle bagay sa a yon fwa pou tout.
Se pou nou ize imajinasyon nou;premye bagay ki pou fèt e fò k pa gen OKENN ESKIZ,se pou tout moun konn li ak ekri lan peyi an.
SE PREMYE PA A ,SE TOUJOU PREMYE PA A;se konsa tout peyi devlope.
Se sa nèg lan ,mwenbliye non l ,te di devan komisyon SENA AMERIKEN ,jis apre tranbleman de tè an!
Se edikasyon,edkasyon,edikasyon!

Gin yon baz de fomasyon pou edikasyon an Ayiti pou moun aprann nan lekol ki pale franse. Min pa gin sa pou lang kreyol. Eske edikasyon nasyonal apwove yon gramer kreyol deja, paske reg gramatikal inpotan nan yon lang? Se pa ap di edike aprann li ak ekri epi pa gen zouti pou fel.

Yo pa kapab aprann mass pep la li ak ekri an franse non, si se sa bagay 6 mwa-a se bliye sa.

Se pou yo te fel minm jan ak anpil peyi arab yo, klass primer yo nan lang maman, sekonder nan lang franse.

_________________
Comme toi, il n'en est qu'un, deviens donc qui tu es.

"Ceux qui ont le pouvoir de faire le mal et qui savent ne pas le faire sont des Seigneurs" (Shakespeare)

kami a écrit:

Gin yon baz de fomasyon pou edikasyon an Ayiti pou moun aprann nan lekol ki pale franse. Min pa gin sa pou lang kreyol. Eske edikasyon nasyonal apwove yon gramer kreyol deja, paske reg gramatikal inpotan nan yon lang? Se pa ap di edike aprann li ak ekri epi pa gen zouti pou fel.

Yo pa kapab aprann mass pep la li ak ekri an franse non, si se sa bagay 6 mwa-a se bliye sa.

Se pou yo te fel minm jan ak anpil peyi arab yo, klass primer yo nan lang maman, sekonder nan lang franse.

Kami,
Mwen pa menm wè sa lang franse an vin fè lan bagay sa a.
Ou konnen sa m panse sou bagay sa a;nou pa bezwen lang franse an ,se yon pèt de tan.
Mwen kwè ou tande zafè edikasyon bileng lan lan Nouyòk.Timoun ki fèt sòti ann Ayiti yo ,kontinye lekòl yo an Kreyòl ,pandan y ap aprann angle.
Bagay sa a bay bon rezilta,rezilta eksepsyonèl menm Gen anpil ti ayisyen ki gen mastè degre se konsa yo te edike ;mwen kwè ke EDWIDGE DANTICAT ke yo rekonèt tankou youn lan pi bon "teknisyen' lang angle an se konsa li te edike.

Kami,
Alfabetizasyon an se an kreyòl li fèt,se sa k fè anpil "entelektyèl sansi' yo kont li ;paske yo rekonèt ke si pèp lan aprann li an kreyòl,yo pa p bezwen lang franse an ankò.
Se yon danje sa ye pou nèg ki ap manje paske y ap voye lang franse an monte!

Joel,

Mwen pa kont alfabetizasyon an kreyol, o kontrer se pou ti moun te aprann lekol nan 6 premyer ane yo omwen an kreyol konsa ti moun nan va aprann pi byen, epi apre sa ya va aprann franse kom 2e lang epi ak lot lang tou tankou angle ki vini popiler an ayiti, yeswa map tande nan telehaiti yon moun cite soley kap di "merin" tankou amerikin.

Mwen kwe tout pwoblem nou an Ayiti se paske peyi an gen 2 lang. Men kijan edikater yo pral anseye an kreyol puiske pagen liv an kreyol. Eske nou gen liv gramer, eske nou gen liv aljeb, geometwi, istwa, etc., tout travay sa yo sipoze fet dabor epi pou antame ak kreyol kom lang manman ki pou itilize selman nan lekol primer yo. Sa se sam panse.

_________________
Comme toi, il n'en est qu'un, deviens donc qui tu es.

"Ceux qui ont le pouvoir de faire le mal et qui savent ne pas le faire sont des Seigneurs" (Shakespeare)

Kami,
Se paske tankou mwen di w la ,gen nèg tout plim tout plimaj ki deside bay lang Kreyòl lan poto,ki fè ke travay sa a pa fèt deja .

Te gen yon nèg ki t ap viv lan "Switzerland" ki te koumanse tradwi chedèv literati mondyal yo an Kreyòl,sa te gen omwens 25 an de sa.Mwen pa konnen si misye vivan toujou.
Tradwi liv an Kreyòl lan ,se pa yon bagay ki twò konplike ,paske Kreyòl se yon lang ki deja genyen yon vokabilè laj.
Mwen wè yon Gwadloupeyen ki tradwi yon trete de estatistik an Kreyòl gwadloupeyen.
Lan Plato Santral ,mwen kwè lan CANGE ,lekòl se an Kreyòl li fèt ,jiska sètifika ;e yo jwenn ekselan rezilta .Yo anseye franse tankou yon lang etranje ,e preske tout timoun yo pase lan ekzamen sètifika a.
Se refize wi ,mesye yo refize fè lekòl lan an Kreyòl ;tankou Kreyolis MIT yo di l ,mesye ke mwen di ap manje ak lang franse an ,twouve ke lang kreyòl lan se yon menas pou yo.

Si lang franse an pa gen prestij ke l toujou genyen an ,mesye sa yo chire!
KAMI
Li atik sa a ke "trezò nasyonal" nou an Dr Yves Dejean te pibliye lan yon revi espesyalize "Chemins Critiques"
Atik sa a ap reponn anpil lan kesyon w yo:

http://www.tanbou.com/2002/fall/CreoleEcoleRationalite.htm

Star Nombre de messages: 392 Date d'inscription: 24/08/2006

Kami, Joël, Revelation e tan dotr entèrvenan o ForumHaïti konpran'n nesesite, obligasyon, Leta ayisyen pou akorde la priyorite a LEDUKASYON. Byen !

An prensip, Ledukasyon, te dwe de lwen, la plu gros depans de Leta.

Kami mete aksan sur le fèt ke pou ansèyman transmètr, pratike, an kreyol nap bezwen dè manuèl de referans partikulyèrman la gramèr kreyol. Elle a parfaitement raison !

Propozisyon pou ti moun yo antame, fè, etud fondamantal (primèr) yo an kreyol enplik yon travay de "longue haleine" (san pran soufl), yon travay de fourmi.

An amon, Lengwist yo nan peyi a, gen yon rôl trè zenportan a jwe. Se a travèr Mèda'm e Mèsyeu sa yo ("de gens de lettres, de savants") reyuni nan yon "Sphère", nan yon "Société", nan yon "Académie" plu presizeman, yo tap kreye tout zouti nesesèr pou pèrmètr uzaj, aprantisaj de la "langue" kreyol.

"Langue" kreyol tap pral chita sou yon veritabl baz. Akademi an, lengwist nou yo konsidere ko'm etan manbr pèrmanan nan enstitusyon an, ta dwe surveye, kontrole, "flux d'entrée de mots" nan diksyonèr kreyol la.

San zotorizasyon savan sa yo, nanpwen moun, kondi Revelation, kap kapabl vi'n pote-mete nan diksyonèr sa a !

Tout livr tap tradwi an kreyol.

Ministèr de ledukasyon nasyonal ta pral gen nan "main" li, de baz solid, pou li alfabetize,eduke, jenès ayisyè'n nan, nan "langue" matèrnèl yo.

Kote kulturèl : Sa tap yo exselant choz, le fèt ke Ayiti se le peyi o mond w, gen plus moun ki parle kreyol. Ensi, manuèl skolèr yo, peyi a gen enterè a loriji'n yo.

Kote oryantasyon vèr lexteryèur : Avèk "langue" kreyol unikman, potansyèl devlopman nou tap trè limite. U'n otr "langue" (fransè, anglè, espanyol, ...) o mwen, ap revele endispansabl pou pèrmètr nou komunike avèk abitan dotr peyi ki pa pratike le kreyol.

Amoph

Amoph,
Ou twò entelijan pou w ap repete bagay sa yo.Se bagay nèg ap repete depi dikdantan.Pa gen rasyonalite lan bagay sa a .Silvouplè li atik Dr Yves Dejean an ,ke mwen bay adrès li an.
W ap pale de akademi Amoph.Konbyen lang ki genyen akademi.Ann Ewòp se 2 zou twa.e youn ladan yo se lang franse an.
Mesye sispann imite franse se bagay sa yo ki foure nou lan twou kote nou ye an ,gen moun an Frans ki ap mande pou yo aboli Akademi franse an ,paske li se yon andikap pou lang lan.

AMOPH,
ESKE LANG ANGLE AN GEN AKADEMI?
LI PA GENYEN.KIDIDONK PASKE FRANSE GENYEN AKADEMI E ANGLE PA GENYEN ,FRANSE PI BON PASE ANGLE?

Se lizaj ki detèmine si yon mo angle ou pa angle .Eske w konnen ke mo "DECHOUKAJ" lan lan diksyonè angle ,tou senpman paske gen anpil moun ki ap viv OZETAZINI ki konnen sa mo sa vle di.
Yon lòt bagay mwen kwè ke genyen 120 mil mo lan diksyonè franse an ,Angle menm genyen plis ke 600 mil e yo ajoute plis ke 2 mil mo chak ane lan leksik angle an.
Se pou mwen konkli pou m di ke nou pa bezwen imite franse ,lan ka sa a imite angle ak ameriken yo pito.
Depi yo di yon mo ke anpil moun lan popilasyon an ka konprann sa l vle di,mo sa a se kreyòl.

Epi mesye lang franse an se yon aksidan wi li ye pou nou.Se l'ABBE GREGOIRE wi ki mete nou nan penitans franse sa a,si nou vle na pale de sa apre!

Star Nombre de messages: 392 Date d'inscription: 24/08/2006

Joël,

Leta ta mande pou lekol yo an Ayiti utilize kreyol ko'm unik "langue" daprantisaj nan seksyon fondamantal (seksyon primèr).

Otorite yo ta nome w responsabl an chèf yon tèl gran projè de reform, ki diferant mezur w tap mete an viguèur pou aten'n objektif sa a avèk suksè ?

Sachan ke, se sou tout tèritwar Republik la, nan tout lekol yo, prensip de lwa a dwe adopte.

Amoph

Non Amoph,
Mwen pa pou ke lang Kreyòl lan se lang daprantisaj pou seksyon primè an sèlman.
Kreyòl te dwe sèl lang edikasyon de matènèl a Inivèsite.
Yves Dejean se pwofesè lan Fakilte Lengwistik aplike ann Ayiti.
Misye di ke li entèdi etidyan yo ize franse lan klas li.Misye di depi l te kòmanse fè sa ,sa gen plis ke 20 an ,elèv yo bay plis randman;yo pi alèz lan diskisyon lan klas lan e elèv li yo briye plis lan fakilte an.
Pa gen nesesite pou yo ize franse lan edikasyon ann Ayiti,okenn nesesite.
Timoun yo gen dwa aprann franse kòm dezyèm lang.
E mwen deja di w AMOPH ke lan CANGE,lan Plato Santral lan se an Kreyòl sèlman yo fè lekòl.Timoun yo aprann franse tankou yon dezyèm lang e preske tout reyisi lan ekzamen sètifika.

Pa gen anyen pou aprann,bagay yo deja ap fèt ;men m ap ajoute se pa lan lekòl primè sèlman ,Kreyòl dwe ize lan tout degre edikasyon ann Ayiti.
Ou gen dwa bay timoun yo chwa pou yo aprann franse ak angle depi klas matènèl.
se konsa yo fè sa lan peyi eskandinav yo,lekòl fèt an Nòvejyen ou byen Swedwa ;men preske tout moun pale angle (kòm yon dezyèm lang) lan peyi sa yo.
Amoph
Pa bliye ke se lan lekòl ,preske nou tout ann Ayiti aprann franse!Pa bliye sa

Citation:

Joel di: Pa bliye ke se lan lekòl ,preske nou tout ann Ayiti aprann franse!Pa bliye sa

Joel mon fre, le yon malere grangou, li palè tout lang!
Pandan seisme sa, m;tande ayisyen kap pale chinwa!

Donk kominikasyon fe pati integrand lakay etre himen le li nan bezwen!

Sa pep Ayisyen bezwen konnyen la se INFOMASYON mon fre!! Pep la bezwen infome sou fason ke peyi a dirije,

Infome yo sou fason pou yo jwen djob?? eske gen biwo toupatou nan peyi a pousa?
Infome sou fason pou yo jwen kay.
Infome yo sou dwa sivil e politik yo pou predater pa pran avantaj sou yo!

Yon pep ki infome se yon pep edike!!

Star Nombre de messages: 392 Date d'inscription: 24/08/2006

Joël,

Nou byen dakor ladsu, kour yo dispanse an kreyol nan tout etablisman skolèr nan peyi a.

Nou pa tande w sur loriji'n manuèl pedagojik, skolèr nou pral bezwen yo ?

Koman nou lè prokure nan yon laps de tan rezonabl ?

Koman parvenir a ranplase ouvraj skolèr nou yo, ekri an fransè, par dotr ouvraj du mê' m janr ekri an kreyol ?

O nivo matèrnèl -----> Anfan de 3 ans à 6 ans :

Ale lekol pou yo jwe, dekoupe, kole, kolorye, pendr (badijone), aprandr rete chita pandan kèlke minu't konsekutiv, ... du'n par.

An plus, yo dwe aprandr ekoute, obeyi a tout sa enstitutris (pwerikultris) nan sal de klas la ordone yo, yo dwe exprime yo otan ke yo vle (fè brwi, pleure, kouri monte kouri desan'n tout la journe, ...).

Manje, bwè, ...

Juske la, pap gen problèm !

O nivo primèr w seksyon fondamantal ------> De 6 ans à 12 ans :

Outr matematik (Aritmetik); ti moun yo gen kour distwar, geografi, ijyè'n, sivik e moral, "sciences" fizik e naturèl, ... du'n par.

Dotre par, yo gen par ordr krwasan : Leson de lektur (aprandr a lir), ekritur (aprandr a ekrir), lektur kourant, gramèr e exzèrsis gramatikal, conjuguezon, ortograf (dikte), ortograf dakor, ortograf duzaj, analiz gramatikal, elokusyon, portrè, deskripsyon, narasyon (rakonte), redaksyon, akrostich, stilistik,...

Profesèur e elèv yo te kon'n reyalize travay sa yo avèk "langue" e manuèl ekri an fransè nou pral mande yo pou yo utilize "langue" e manuèl kreyol pou akonpli mê'm tâch la.

Kestyon nap poze nou, jodya, èske "langue" kreyol la sufiza'mman byen strukture, byen elabore pou asure yon tèl tranzisyon ?

Nou te evoke mo AKADEMI yèr, ki tap pèrmètr lengwist nou yo trouve yon lyeu, yon kadr de reyu'nyon de travay trè zagreabl, pou emètr dè zide clèr e presiz ki, plu tar, ap pèrmètr yo debouche sou yon konsansus entèlektuèl (tèren dantant) pou poze dè jalon, lè premyèr pyèr nan konstruksyon, elaborasyon "langue" kreyol nou an.

Answit, yo dwe kreye de veritabl ouvraj de referans, pedagojik.

Sè jan de lètr asosye, an konsèrtasyon, a "de nombreux" profesèur ki byen metrize kreyol nan peyi Dayiti ap kapabl fourni, sorti, tout tip de manuèl kreyol nesesèr pou konble vi'd "langue" e manuèl fransè yo ta pral gen tandans lese swit a experyans sa a.

"Langue" kreyol la, u'n fwa byen strukture, byen elabore, byen vivant, tap konsidere ko'm patrimwa'n nou.

Nou dwe garde diksyonèr kreyol nou presyeuzman pou evite dè ka de polusyon.

Par exanpl : Academisyen nou yo dwe veye an pèrmanans pou anpeche nenport mo de nenport kèl otr "langue" w ankor nenport kèl mo farfelu pa vi'n ajoute, foure, kor li nan diksyonèr kreyol nou.

Si nou kite la vwa libr a tout moun ki vle etofe, garnir, diksyonèr kreyol ayisyen avèk dè mo ki sorti tout kote, "langue" kreyol nou an gen dwa vi't retounen yon vrè dialèkt !!!

LANGUE KREYOL LA DWE ABSOLUMAN SIRKONSKRI, PROTEJE !!!

O nivo segondèr w seksyon humanite ------------> De 12 ans à 18 ans :

Nou pap atarde nou sou tout lot matyèr yo !

Adolesan yo pandan lè 3 premyèr ane segondèr revwa la matyèr (fransè surtou) dè 2 dèrnyèr ane primèr progresivman plu pouse. Pwi, lè 4 dèrnyèr ane segondèr konsakre a la disèrtasyon.

O nivo univèrsitèr :

Si posibl, nou gen enterè chwazi etudye nan yon univèrsite ki anseye nan "langue" nou plu metrize a ("langue" nou tande, lir, ekrir, parle sans tro de difikulte).

Amoph

Mwen pa kwe tradiksyon franse=kreyol ka yon pwoblem epi tou map mandem eske se yon gwo travay paske la relijyon katolik jusjonye-a poko twadwi Labib an kreyol toujou.

Mwen ta panse ke gen anpil pwofeser ki byen kore nan lang kreyol lan pou ta ede nan tradiksyon an. Sitou ke gen anpil ki pap travay.

An atandan yo taka itilize liv franse yo, tankou nan yon lekol ke Joel te mensyone.

Epi tou mwen yon tijan dakor ak Joel pou lide Akademi an. Mete dezoutwa ayisyen ansanm toutaler yo pa dakor, pral gen joure, epi tou akademi an tou kraze.

_________________
Comme toi, il n'en est qu'un, deviens donc qui tu es.

"Ceux qui ont le pouvoir de faire le mal et qui savent ne pas le faire sont des Seigneurs" (Shakespeare)

Citation:

Kami di: Mwen pa kwe tradiksyon franse=kreyol ka yon pwoblem epi tou map mandem eske se yon gwo travay paske la relijyon katolik jusjonye-a poko twadwi Labib an kreyol toujou.

Tradiksyon kreyol LaBib la fet deja e T-Neg te banou reference site la.
Men m'pa si si se relijyon katolik ki fe tradiksyon sa yo.

Tradiksyon kreyol sa byen fet!!
M'epathe e emerveille devan bel kout kreyol La Bib sa..
e nou ta souwete ke T-Neg vini banou referens sa anko.

Tradiksyon LaBib an kreyol sa se premye pa nan edikasyon pep nou.
Dekabes!
Konesans academik e spirityel.

Revelation,

Mwen konen sa map pale.

LEGLIZ KATOLIK POKO GEN YON TRADIKSYON LABIB POU LEGLIZ LI.

Katolik pa sevi ak labib ke pwotestan yo tradwi an, pou katolik li pa complet paske li manke ladanl.

Labib pwotestan gen 66 liv, Labib katolik gen 72 liv antou donk 45 liv nan ansyen testaman epi 27 nan nouvo testaman. Nan pa powtestan yo manke Tobi, Judith, Sagesse, Sirach, Baruch, and 1e et 2e liv Maccabees.

_________________
Comme toi, il n'en est qu'un, deviens donc qui tu es.

"Ceux qui ont le pouvoir de faire le mal et qui savent ne pas le faire sont des Seigneurs" (Shakespeare)

Citation:

Amoph di : An prensip, Ledukasyon, te dwe de lwen, la plu gros depans de Leta. Ministèr de ledukasyon nasyonal ta pral gen nan "main" li, de baz solid, pou li alfabetize,eduke, jenès ayisyè'n nan, nan "langue" matèrnèl yo.

Pou’m kontinye ribrik sa : HAITI : Ou Sommes Nous ? Comment Sortir ? Et par quel Moyen??? E pou’m apwiye sa Joel, Amoph, Kami e lot kamarad ki vle di 2 mo sou zafe edikation pep la pandan period de rekonstriktion peyi a,
Nou ta renmen we konbyen kob leta pral reseve nan budje rekonstriksyon sa pou edikasyon pep la.

Yo di ke edikasyon konte che, men nou kap di avek tout konfyans ke si pep la te edike nan lwa konstriksyon kay, nan souyen sante e prekosyon preventif pa tap gen tout kay tombe sa yo, pa tab gennyen tout moun mouri sa yo, pa tap gen tout pye koupe sa yo, pa tab gen tout depans sa yo konnyen la. Nan long term neglijans ignorans koute pli che.

Donk edikasyon gen yon wol pou jwe nan developmen e rekonstriksyon peyi a e nou ta remen mande yon dezyemm fwa si Leta gen yon plan de rekonstriksyon system edikasyon nou yo pou integre yon fason rapid rapid, majorite pep la??.

Nou te remake pandan seisme sa blan ki vini avek diksyone kreyol nan men yo, kap fe efo pale kreyol, kap ekri preskrypsyon an kreyol pou pep la, yo te memm gen tradikte la pou kominike ak malad yo!

Sa montre yon sign de kolaborasyon e de respe pou yon pep kap soufri. Sa fe’m mal anpil pou’m we blan missionne kap pale kreyol rek pi byen passe yon mamb elite ayisyenne.
Blan santi yo a lez e fe anpil efo pou viv e kominike avek pep nou an.

Dokte ak phamasyen ayisyen nou yo pa ekri preskripsyon yo en kreyol byen ke yo explike malad la maladi yo, men si malad la gen 3 a 4 medikaman pou’l pran nan jounnen an, si li pa gen yon moun la ki pou di li ki yes nan medikaman yo pou pran e kombyen fwa pou’l pran yo pou jounen an, malad la kap fe erre e memm mouri a koz de ignorans sa.

Avek zafe seisme sa pral gen plis ke 1 million moun ki pral we dokte e ki pral nan phamasy pou achte medikaman chak jou Bondye mete.

Blan yo pral fe paket yo e al fe wout yo e kite peyi a e nou ta souwete ke sektion medical nan peyi d’Ayiti, dokto, infimye, phamasist,laboratwa teknisyen etc pran responsabilite yo an men e fe yon efo pou edike pep la nan langue manman yo pou yo pa kontinye mouri nan move kondisyon.

Citation:

Dokte ak phamasyen ayisyen nou yo pa ekri preskripsyon yo en kreyol byen ke yo explike malad la maladi yo, men si malad la gen 3 a 4 medikaman pou’l pran nan jounnen an, si li pa gen yon moun la ki pou di li ki yes nan medikaman yo pou pran e kombyen fwa pou’l pran yo pou jounen an, malad la kap fe erre e memm mouri a koz de ignorans sa.

Etid yo te fe nan lekol ak inivesite nan ki lang li te ye?

Nan ki liv kreyol yo te apran-n metye famasi ak dokter?

Epi tou, Ayisyen ki pa pale franse, kapab li franse, konpran-n franse tou.

Citation:

Donk edikasyon gen yon wol pou jwe nan developmen e rekonstriksyon peyi a e nou ta remen mande yon dezyemm fwa si Leta gen yon plan de rekonstriksyon system edikasyon nou yo pou integre yon fason rapid rapid, majorite pep la??.

Poukisa ou mete edikasyon nan premye plan rekonstriksyon peyi-a? E lagrikilti minm, kote plas li nan rekonstriksyon an?

Mwen panse ke:

Premye pwen ki impotan pou develope peyi-a se lagrikilti;

2e pwen an develope les infrastrkti ki kapa pemet nou gin lumye, akse a populasyon an, konstriksyon;

3e pwen an se edikasyon ke wap pale-a;

Si 2 pwemye fakter sa yo pa ranpli, nou pap ka avanse avek 3e pwen an.

_________________
Comme toi, il n'en est qu'un, deviens donc qui tu es.

"Ceux qui ont le pouvoir de faire le mal et qui savent ne pas le faire sont des Seigneurs" (Shakespeare)

» Qui sommes nous
» Qui sommes nous?
» l'histoire de pourquoi nous sommes bleu
» Poème du Moyen-Âge
» La mode à la fin du Moyen-Age

HAITI : Ou Sommes Nous ? Comment Sortir ? Et par quel Moyen???

HAITI : Ou Sommes Nous ? Comment Sortir ? Et par quel Moyen???

Sujets similaires

Sujets similaires