[quote="Joel"]ST JOHN KAUSS enplike ke PREVAL ""le malin"" ap prepare yon po bannann pou opozisyon an,li ap kite ARISTIDE tounen anvan 7 fevriye 2011.
Misye titre atik li an ""Preval ou l'étancheité absolue""
Misye enplike tou ke moun pa janm konnen sa PREVAL panse;men li afime se sa PREVAL pral fè.

Se lan espekilasyon ke nou ye.Si PREVAL ta fè sa ,eske se anvan eleksyon yo ou byen apre ke PREVAL ta kite ARISTIDE tounen.
Si se ta anvan eleksyon,ARISTIDE t ap rale tout oksijèn pou lòt politisyen yo.Imajine 1 milyon moun lan ayewopò an;ki chans lòt politisyen yo ta genyen?
Se le 8 Me la a St John Kauss ekri atik lan e misye se youn lan ""entelktyèl"" ki te anti ARISTIDE yo:

http://www.potomitan.info/kauss/preval.php[/quote]

Je l'ai déjà dit qu'il resterait à Préval une dernière carte. Mais attention Joel , Fanmi Lavalas n'existe plus. Allez voir So ann si wou pa vle kwè'm. Aristide retournera dans l'unité...haitienne.

Revelasyon ak Rico

Se ranse n ap ranse.N ap mande pou PREVAL ale.Alòs si se kat sa a li genyen pou l jwe,li pa p fè l?
Zafè ap di ke dosye yo genyen kont ARISTIDE se rans tou;li genyen dosye tou kont advèsè li yo.kilès ki gen fòs pou aplike dosye yo?
Si l tounen ;""all bets are off"".
mesye ,tekitizi;nou pa konnen !Mwen si si nou ta mete PREVAL andanje;mwen si li t ap jwe kat sa a.Li t ap genyen sou tout la liy;foul LAVALAS yo t ap aklame l e li t ap rete lan peyi l.
Mesye san entènasyonal lan ,nou pa vo anyen;nou te pwouve sa lan 2 koudeta yo.Nou paka predi sa k pral rive.
jodi an ,mwen tande mesye opozisyon yo ap braye;yo pa gen fòs vre ;men tou si y ap brase kò yo;PREVAL gen dwa ap ""peel"" po bannann lan pou yo!

Mwen te gen yon kokenn repons. Mais la main du diable n'est jamais loin. Li koupe mesaj mwen paske mwen t'ap ekri en direct. Pa okipe'l, li kwè ke bon moun pa konn ki ès li ye.

Preval ka menen Aristide tounen? Hum. Ala yon rêv, bon ou move. Nou pa lan ranmase vye bri ki ap kouri. Di tou senpleman nou kontan Aristide pat mouri paske li frenk kare kanpe king lan koze Ayiti. Zot mèt kraze detrui tout sa ki rete lan peyi a, li p'ap sis. Ayiti frenk kare gen moun, se tankou yon mine, mais inépuisable, et à ciel ouvert. Tout sa ki rete pou yo fè se kontinye touye. Ayiti pap mouri. Jamè!

Aristide p'ap tounen an Ayiti, mezanmi. Men sa pa vle di ke peyi a lage nèt bay ras Satan ak tout restavèk ti delenkan atoufè li yo. Tankou gen ki reprann fraz sila, peyi a gen rasin.

Ki mele moun si chyen yo gra, sa pa vle di ke yo jwi sante... Arrêtez de parler la bouche pleine.

Martine'

Kòm se reflechi n ap reflechi e ke ni wou,ni mwen paka konnen sa k ap pral pase e ke nou ap ""deal"" an pwobabilite,kite m fè de kout kiyè.
A la papòt kite m di ke politik ke de moun tankou REVELASYON ou byen RICO ap dekri an ,pa ekziste ankò,keseswa ann AYITI ou byen lan rès Amerik Latin lan.
Ak popilarite ARISTIDE ki ap vale teren lan peyi an ""something got to give"".Mwen t ap tande ti mesye LISE TOUSEN yo ki ap pale lan radyo (lan yon radyo GNBis) premye bagay ki sòti lan bouch yo ,yo vle ARISTIDE tounen.
Se yon bagay ekstrawòdinè.Timoun sa yo ,se pou yo ta gen 9,10,11 zan lè koudeta 2004 lan fèt.
Gen yon lòt faktè ,se BREZIL.Kisa BREZIL vin fè lan bagay lan ,nèg gen dwa mande?
Lan yon atik ,New York Times mwen te li ke LULA an kòlè,li pa padone mesye OBAMA yo ki pa t kore rès Amerik Latin lan ,lan anpeche koudeta kont ZELAYA an.Misye bezwen montre ETAZINI ke li pa sèl kòk ki chante lan Amerik lan ankò.Gen yon lòt grann pwisans ki ap monte ,se BREZIL.Yap chache yon kote pou yo ""challenge"" ETAZINI lan Amerik lan.""Suivez mon regard"" sitou ke pi fò twoup militè ann AYITI yo se Brezilyen.
Yon lòt bagay,politisyen GNBis yo se yon bann enkonpetan;pa gen moun ki pran yo oserye.
Pou mesye sa yo ,gen monopol Près lan ann AYITI sa gen plis ke 6zan e pa gen youn ki reyisi devlope yon ""following"" lan peyi an?

Tankou Chinwa yo di ""May you live in interesting times'";Martine,franchman tan k ap vini yo ap trè enteresan!

Yon endividi dwe pragmatik men sa pa vle di pou li vire do bay objektif li.

Tout est possible en Haïti. Dotanplis ke yo enstale ensètitid sou sa ki pwal pase. Mwen konen ke w branche tout tan sou radyo an Ayiti e si se entèvansyon sa yo ki ap fèt, si se refleksyon sa yo jenn moun ap bay, alor neg k'ap di Fanmi Lavalas pa ekziste ankor la se dezenformasyon ke li jis ka fè?

Tout sa mwen di, sè ke lan sityasyon sila, kote tout entèlokitè chaje yo ap evite konfrontasyon ak gwo Zanmi yo, ka gen anpil sipriz lan peyi a. Tout vizitè, tout moun ki te vinn bay èd, tout sa ki koupabl e ki pat mele lan koudEta yo, yo te gen yon oportunite pou konstate ak zye yo ke Aristide se te espwa majorite moun lan peyi a ke li reprezante.

Li lè pou Ameriken jwenn yon contrepoids lan rejyon a. Nèg yo pa rate okazyon demake de politik ameriken an. Sak pase Honduras la, se jis yon dènyè kado ke yo fè Ameriken. Pa gen zafè dikte dirijan ankor pou yo toupizi moun lakay yo. Lula se yon nèg ekstraordinè. Pandan w di sa, m'ap tande ke Ameriken e zot firye kontr pozisyon misye paske li apiye Iran sou kestyon nikleyè.

Yon jou anpil nèg va wè e pi yo va aprann sa yo rele fidelite a prensip. Se swa yon moun pou avansman popilasyon an ou byen pou li kontinye ap aji pou ti enterè sousou li. Atitid plede chanje chemiz sila, se pou sanzave. Mwen-menm, si mwen konkli ke retou Aristide lan pa evidan, sa pa vle di ke mwen jeter l'éponge. Lè m'byen gade, se pa enposibl, gen dwa gen yon bagay Gnbis yo konen trè byen ki fè se yon sèl litani anti-Aristide ke yo kontinye ap resite.

Kanta sa tan k'ap vini an pwal enteresan anpil. Tout moun trankil, tout bese ton yo. Apre sa le monde entier soti konstate ki ap pase an Ayiti, gen ki manyè wont, yo san agiman. Fwa sa se pa ti nouvèl ki ap pale de statistik ke Ayiti gen mizè non, fwa sa a tout moun wè ak zye yo ki malpropte ki ekziste lan peyi sa jiskaske 300.000 moun mouri konsa. Gen de bagay ki revoltan. Nou-menm, nou a lekstrèm lan konfigirasyon maladrès la.

Mwen byen kontan w vini ak zafè IRAN.Gen de obsèvatè ameriken ki ap mande tèt yo ,poukisa BREZIL ap fè kont ak ETAZINI sou zafè IRAN an ?
Repons lan ,se paske l kapab.E IRAN se yon gwo zo,e ou wè kijan BREZIL ap aji.
Se pa yon jwèt non?
LULA nan somè popilarite l.Mesye LULA yo reyalize ke sa ETAZINI ap fè lan zòn lan nefas pou peyi yo mwen pèswade ke yo genyen pou yo konfwonte ETAZINI lan zòn lan e se byen posib ke se ann AYITI yo fè l.
Nou gen dwa wè ,ke LULA rele zanmi l yo ann Afrik di Sid,pale ak yo e voye yon avyon militè pou al pran ti pè,san l pa menm di Ameriken yo sa k ap pase.LULA trè pwòch de mesye ANC yo
Pa bliye tou Baz LULA a kont koudeta ann AYITI an .Mwen menm mwen te deja di ke GNBis yo ap avanse lan majinalizasyon definitiv yo.
E tankou m te di ,ke nou pa ka predi sa ki pral pase;ann gade!

Nou pa vle kwè mwen. Mwen bay Joel defi al mande So Ann pou Fanmi Lavalas. Apre sa vini pale av'm sou fowom lan. Fanmi Lavalas est mort. Je vous le redis encore une ieme fois.

Si ce parti était encore vivant, les chimères n'auraient jamais forniqué avec les GNBISTES .
Qui vivra verra. FL est bel et bien mort.