Pouvwa an Ayiti se pa yon zafè mens. Alor nèg mèt kontinye reve ke yo ka met la paix antr ènmi mortel.

Chak Ayisyen ka ede peyi. Plen fason pou sa. Men se toujou fè atansyon pou pa al alimante la jalouzi lan tchè makomè.

An Ayiti, gen anpil divizyon nou ta di ki pa aparan. Poutan protestan bezwen suplante katolik, e se pa pou anyen yo se premye jodi a ki leve lan deng vodouwizan. Sèl sa ki onèt yo ki ka kanpe ouvètman ap apiye Aritid. An Ayiti, nèg ak fanm, yo tout lan manti. Gen anpil gran katolik tankou Prof la ki pa renmen Aristid pou jès li te poze sou kestyon relijyon a poutan gwo mambo te manipule yo lan fè yo kwè ke yo pwal chita sou pouvwa pou lontan...

Wyclef Jean. Mwen devan televizyon m'ap gade Wyclef nayivman k'ap di ke li mande pou l'fè distribisyon denrées yo ak garanti ke moun yo ap disipline, moun yo ap koute'l pou yo pa lan bouskulad... Mwen te voye yon e-mail bay li pou di'l ke se pa rol li, pou li pa bliye ke se dezod ki jistifye prezans neg yo. Pita 'Clef pwal konprann ke li deja ap menen yon kokenn aksyon, e ke li pa bezwen al jwe sou teren zót, prezidan, opozisyon, marines ou byen kokomakak. 2 jou apre 'Clef fin kritike inaksyon ou aksyon delibere Marines yo, nou tande yo pote'l yon coup lè yo kouri bri ke li ap sèvi ak lajan zèv li a pou prop tèt li. Hum! Si yon neg ap seye devine kote sa soti, l'ap jwenn plizyè repons, e tout valabl. (lol)

Pou nèg ki sonje lan film Spike Lee Malcolm X la, lè Malcolm X te pran tèt protestatè ki t'al reklame soins médicaux pou yon Nwa ke la polis te blese lan arestasyon, polisye blan yo te reaji: "Yon sèl nèg sa a gen trop pouvwa." Alor, 'Clef pa mele lan bizniz Cesar, tande.

Se menm reyaksyon ki mete Aristid la, paske se sèl loi constitutionnelle ki comme prévue te ka fè misye remèt pouvwa a. Li tro popilè. Alor se pou yo disuade Ayisyen ke pouvwa popilè pa vle di anyen. Se pou yo toujou ka montre ke se yon bann moun lage.

Dumarsais Simeus. Mwen te kontr kandidati'l tankou mwen ta frè'l e mwen ta di'l ke li pwal tonbe lan trivyalite ak nèg sa yo apre tout sa li akonpli lan vi'l. Pouvwa an Ayiti, se pa yon bagay ki mens. Avèk misye se te byen senpl, yo te vini ak agiman sitwayènte a e temps li te rezide lan payi a. Men ofon, ki sa Simeus te ka fè malgre tout bonne volonte'l. Jodi a misye kontinye ap okipe'l de zèv li lan kote l'soti.

*Se jis pou amize'm dimanch apre-midi sila. Mwen byen kontan pou yo. Tout sa ki kite vye santiman ap travay yo, m'ap tou di yo ke dènye sakreman gratis.