Rappel du premier message :



Rythme commerciale de Nemours Jn Baptiste


sa fè la penn pou yo volè mizik nou epi yap mete ke se yo menm ki fè mizik ak pawol yo.

Oh, mwen jis wè sa J... ekri sou kestyon an.

Wi J..., m' menm ap tande dènye album Salif Keita. Misye se yon fós.

Kite mwen fè yon konfidans. Lè mwen te antre lan peyi Kanada, mwen pat janm pense ke mwen ta wè kantite pwason k'ap vand. (lol) Oh boy! Mwen pat stupid non men mwen te aprand toutsuit ke Ayiti pat le centre du monde pou jan mwen te fyèr. (lol)

Cela dit, je m'étais arrêté de consommer les poissons d'eau douce à cause de la pollution (rien que ceux qui viennent de la mer) avant que je ne devinsse végétarien. Pour revenir à la musique, moi, je pense que je suis né trop tard. Men erezman, lan mitan tout brui ki t'ap fèt avan midi pou pase plak mini jazz, mwen te tou jenn e mwen te toujou ap atand pi ta pou tande stasyon radyo ki t'ap jwe ansyen ou lót musik ki pat menm Nemours ou Sicot.

Mwen t'ap li konpatryót ki t'ap pale de nèg yo te kwaze lan muzik lakay. E byen, mwen ka te pi jenn, men m'ka situe'm lan espri lepok sila san problèm.

Carimi s'était fait volé la chanson Por Favor par ce groupe du curaçao qui avait fait partie du Top 10 néerlandais.

Jamais colo.

Chantè saa se Francisco Pacheco.

Johnny Pacheco se yon pionye Salsa.
Manm fondate FANIA ki lanse jan mizikal saa lan lemond antye.
Tout peyi adopte Salsa ki yon stil mizikal ki trè sofistike e ki kapab adapte ak tout mizik.
Gen okès senfonik ki fè aranjman salsa pou konpozisyon Moza, Bak, Betovenn.
Sa se yon omaj ke òkès yon peyi enteprete mizik yon lòt ki enpresyone yo.

Youn lan pi gran plezi m se lè mwen te tande ak de zorèy mwen, yon mizisyen mwen pat menm konnen ap jwe yon mizik ke m konpoze.

Tout òkès ayisyen jwe mizik meriken, franse, brezilien, dominiken etc... tou sa anrichi konesan ak eksperyans mizisyen an.

Lan ane 80 yo te genyen yon atis dominiken trè popilè, mwen bliye non l, li te fè anpil adaptasyon sou mizik Michèl Degròt.
Lè mwen asiste spectak misye lan Vankouvè, li dedye m youn ladan, "la sirèn diaman".
An pasan, Juan Luis Guerra pa yon ti koken.
Li se yon gran mizisyen.

Natirèlman dwa dotè fèt pou respekte e gen lwa ki pou pini vyolasion.

Harry Belafonte mete lyrik angle lan refren "Choucoune". li popilarize moso saa,
men li pa t vole l.
Moun ki te volè moso an se yon konpozitè ameriken yo rele Norman Luboff.

Mwen te lan yon magazen mizik lan Nouyòk, lan ane 70 yo, pou al achte patisyon. Mwen dekouvri yon piblikasyon "yellow bird" e se non misye ke yo te mete kom konpozitè.
Mwen te mande anraje, mwen ekri editè plizyè jounal pou m mete pawòl saa deyo.
Pèsonn pa reponn e yo pa t mete atik mwen an lan lèt o zeditè.
Se te epòk Divalye, kimoun ki ta kapab pran kòz lan.

Harry Belafonte mete mizik ayisyen lan yon nivo mondyal ke li pa t ye.
Li te chante Ayiti Cheri, Mèsi Bondye, tou.

Nemou te yon lidè eksepsyonèl sou tout sènn ann Ayiti, paske misye reyisi fè yon nouvo jan pase lan mantalite ayisyen ki pa tolere chanjman.
Mwen te konnen Nemou pèsonèlman.
Se pa nèg ou ta kapab fè zanmi avè l.
Li te gen plis karism ke konesans mizikal.

Webè Siko se te yon gran saksofonis, li te pase Santral.
Nemou pa t lekòl lan Santral.
Li ta p swiv la fanmi Guigna ki te gran mizisyen.
Li te rete lan katye yo lan Ri dè fronfò.
Yafa ki se moun Okap, te yon bon saksofonis tou.

Nèg ki te fè sisksè okès Nemou an te Jilyen Pol, Richa ak Kwetzè Dirozo.
Nèg sayo rekonèt ke Nemou apropriye travay yo.

Konpa dirèk se te yon fenomèn sosyal ki te gen anpil soutyen pouvwa makout lan.
Se te anbyans kote tout makout al plan plezi epi fè pwomosyon Divalye e al montre ki fanm yo genyen. Misik saa te popilè anpil lan pouvwa militè yo tou.
Se la ostilite ak konpetisyon ant makout e militè te konn parèt.

Kounyea Ayiti genyen lwa ki pwoteje pwopriyete entelektyèl.
Toutotan ke yon mizisyen pa mete non l anba konpozisyon yon lòt, li kapab jwe l,
depi l rekonèt kimoun ki konpozitè l.

Epi lanpwen oken fòt jan òkès dominiken an jwe mizik Nemou an.
Yo pa oblije enteprete l menmjan ak Nemou.
Estil Nemou an depase par konsepsyon nouvo epi enstrimantasyon anplis de chanjman teknolojik avèk teknik anrejistreman.
Nou pa kapab blame nouvèl jenerazyon ayisyen yo ki jwe konpa pi modèn ke Nemou.

"Merengue" se te yon adaptasyon "Meringue" ayisyen ke solda ayisien te pote pandan okipasyon Dominikani an. Gen yon estil merengue ke yo rele "el karabine" ki defini karabinye ayisyen yo.
Menjan "El negrito del Batey" ke ayisyen te konn ap jwe epi danse, se te yon afron a ayisyen ki te lan Batey yo.
An revanch, Konpa komanse e base sou rit "Tipico Cibaeno" ki te vinn
jwe an Ayiti pandan tout vakans ete 1956.

Palan de ""karabinye"" sa a ,mwen te tande ke se yon dans ke DESSALINES ak ofisye LAME REVOLISYONÈ yo te konn danse ak karabin yo an bandoulyè.

Mwen sonje tou ,mwen te li yon atik sou jounal NEWYORK NEWSDAY.Yo t ap pale de jan mizik ki rele DANZON ki popilè lan AMERIK DI sid ak lan MEKSIK ,san pa bliye KIBA.
Mwen sonje otè atik lan te di ke dans sa a ,mizik sa a sòti lan salon OKAP.Se te franse ki t ap kouri pou revolisyon ayisyen an ki te ale ak mizik lan,
lan KIBA AK RÈS Amerik Latin lan.

Pou m fini ,gen yon movèz nouvèl,sanble RODRIGUE MILLIEN malad grav

http://www.lenouvelliste.com/article.php?PubID=1&ArticleID=81192

Sa fè kèlk jou ke nouvèl Rodrigue Milien malad la sorti men pa gen anpil detay ki bay apa ke misye san senk. Tout fason nou gade, se yon move nouvèl. Misye te fè kè moun kontan men jodi a gen k'ap ekri ke misye se te yon sigal...

Senegalè yo renmen mizik lan ,paske se mizik yo ki tounen vin jwenn yo.
Sitou YOROUBA yo;de Amerik di nò ,an wetan MEKSIK,3/4 mizik lan AMERIK lan se dorijin YOROUBA.
yo gen anprent yo lan ""rock and roll"",BLUES,mizik lan zile KARAYIB lan KOLONBI;lan BREZIL menm se pa pale.
Se sa k fè KOUPEKLOUWE te popilè konsa ann AFRIK;misye te tounen ak mizik yo,ba yo!

An palan de ""danzon""ki se yon koripsyon de ""dansons"" mizik yo di ki sòti OKAP lan.Yo di ke KRISTÒF te kontinye tradisyon sa a lan wòyom Nò an ;yon bagay ke ""obskirantif an chèf"" yo te rele BWAYE an vin sispann.
Tande mizik sa a ""SOY MATANCERO"",se yon mizik ki preske klasik:

http://danzon.com/eng/sounds/sounds.htm

Joèl, mèsi pou danzon lan.
Okès ki devlope estil saa ki gen yon Flit, 3 ou 4 Vyolon, 3 chante ki chante a linison, Piano, seksyon ritmik ki gen konga ak timbal se ARAGON.

Okès saa se gwoup ki pi fame lan Kiba.
Li fè menm pakou ak Jaz de jènn ayisyen an eksepte ke li sisviv 60 ane.
Jodya pi fo mizisyen ki ladan n se pitit mesye ki te la o komansman yo.
Gen nèg ki ap jwe lan okès saa pandan 50 an.

Se danzon ki anjandre Cha Cha Cha.
Yo komanse yonn nouvo stil, kote yo te vin akselere rit lan.
Youn lan mizisyen yo remake ke pandan moun yo ap danse, bwi soulye yo te fè yon son cha cha, se la non Cha Cha Cha a soti.

Men klasik Betovenn "senfony nimero 5" ke òkès filamonik Oslo jwe menmjan ak Kiben:
http://www.youtube.com/watch?v=3_sSnLmJN78

Nou pakapab di skandinav yo volè mizik kiben ni volè konpozisyon Betovenn.
Se pou nou rekonèt ke mizik inivèsèl, plis li pratike, plis li evolye.

Na tande Moza tou an salsa.

http://www.youtube.com/watch?v=kGrAYt2gtks&feature=related

BON BAGAY:
SE LEWÒP,LAMERIK,LAFRIK ki rankontre ansanm!