Men poukisa nouvèl kandidati Wyclef la simen tout panik sa a. Pa gen lontan m'ap pale de katastróf politik, m'ap di ke nou pito lan voye labou olye ke nou fè atansyon a mesaj y'ap voye bay nèg lan peyi a.

M'ap sonje yon bri ki te kouri apre tranbleman de tè a ke Wyclef ap volè lajan sou do Ayisyen ak YELE jis apre misye te finn di ke si yo ba'l fè distribusyon moun yo ap koute'l ak disiplin. Gen yon entèlokite ki te obsève e si akizasyon vol sa a pat yon fason pou yo di'l kanpe lwen.

Apa li papa, men mi, misye retounen fwa sa pou li di ke li vle prezidan lan ti lakou mafya a.

Pou mwen se pa yon kestyon de lang ke misye pa pale byen. Pou mwen Wyclef pa pale okin lang byen. Men tout sa se ranse n'ap ranse. Mwen kwè ke se divèsyon Wyclef vinn fè paske gen yon bagay yo rele divize vót. Alor m'ap pale ipotetikman byen ke mwen pa renmen fè ipotèz.

An nou chita tande reaksyon ofisyèl tout nèg ki te la anvan yo ki t'ap batay onètman ou menm ki t'ap goumen jis pou pouvwa an Ayiti. Poukisa tout reaksyon sa yo lan radyo alós ke pèsonn panko tande yon mo ki soti lan bouch Wyclef. W ta di yon lót tranbleman de tè e pi tèt tout moun chaje. Ayayay, y'ap travay nou tout bon wi e si nou gade lan montr a'n n'a wè li trèz è.

Se pa yon canular ankor, men pou mwen se jis yon strateji pou teste politisyen lakay yo. Tonton kandida, neveu kandida, talè nou tande ke ForumAyiti prezante kandida pa'l. E mwen byen kontan ke mwen pa ka vote fwa sa a.

Pèsonèlman mwen kwè ke 'Clef pati sou sa yo rele yon ego trip kèlke swa motif ak moun ki trenen'l lan gwo koze. Tankou yon provèb Tibeten di: "Ô petit lapin, ne crains pas que le ciel te tombe sur la tête."

An verite, tankou yon lót koze di: e bondye e demon ta dlo lan zye si yo te konn tray Ayiti ap pase. Hum!