Rappel du premier message :

Yo di yo t ap bay yon kominike sou refòm edikasyon an,ann AYITI.
Eske nou tande ki refòm ki ap fèt.Frankofou yo ka kriye wi.
Si se PAUL VALLAS ki responsab refòm lan vre,se yon nonm ki pa betize non.Se misye ki ap refòme sistèm Edikasyon an ,lan CHICAGO ak NEW ORLEANS.
Eske Franse pral bwachat?

http://www.nytimes.com/2010/08/17/opinion/17tue1.html?ref=opinion

sassaye

Zafè Dada Serena se yon bagay ekstraordinè papa.

Ahhh Malis,
Ou wè sa tou?

Fanm saa ka touye yon nèg wi !!!!!

M'pa si telman renmen gade Beisbos, se plis leu sou terren wap jwe jwet sa bel. Fok ou kalkile ak ki vites lap bal lap a vini e moman presis pou frappe bal lan.

sassaye

sa w di ya se pa yon figi de speech non kondi meriken yo di ya.Si fanm saa pa fwad kondi nou di epi li vle ba yon nonm randman vre li ka rete kè w wi .men kondi pwoverb la di ya puisqu'il faut mourir,mourrons pour un plaisir vraiment excitant.Mwen sonje anna creole wi.

Mwen sonje anna creole wi.

Mwenmenm tou.
Li toujou lan kè m.

ALEX;

Bagay lang franse sa a se yon pichon,yon pongongon sou do pèp ayisyen an.Plis m ap aprann ,plis mwen rann mwen kont ke retire franse kòm lang edikasyon an,paka tann.Si nou renmen AYITI.nou vle pwogrè ,se pou nou leve kanpe.
Gen moun ki vle konpare nou ak peyi afriken an ;yo di ki adopte franse kòm lang edikasyon.Diferans lan sè ke peyi afriken sa yo ,genyen ki genyen 10,20,30 lang diferan.
Noumenm se yon sèl lang nou genyen;nou tout pale l;nou tout konprann li.

Franse yo tou te gen yon pwoblèm lang.ABE GREGWA di ke an 1794 ,franse yo te pale 36 lang ou byen patwa ,jan li te rele yo an;yo te bezwen yon lang pou inifye franse yo ,donk yo chwazi lang franse an ke se te moun ki te rete a rebò PARIS yo ki te pale l.Malgre sa sa pa t fasil.

Se menm ABE GREGWA sa a ki apre endepandans anmède AYISYEN yo ,jis yo vin adopte lang franse an kòm lang nasyonal.Pwofesè ALYSSA GOLDSTEIN (CALIFORNIA STATE UNIVERSITY) ki se yon admiratè ABE GREGWA di ke misye pa t sezi ,lan ki traka li t ap vin mete AYITI ak zafè lang franse sa a.Sikonstans yo te diferan an FRANS.
Lang FRANSE an te sèvi pou l ini pèp franse ;tandis ke noumenm li sèvi pou l divize nou;paske nou te gen pwòp lang pa nou ,ke nou tout te pale.

ALEX ak SM
Lespri nou ouvè sou kesyon sa a ;mwen envite nou li ,premye chapit liv sa a ""HISTOIRE DE LA LANGUE FRANÇAISE DES ORIGINES A 1900""
Na wè ke agiman ke ABE GREGWA te ize an AVRIL 1794 yo pou franse te vin sèl lang nasyonal ,nou ta ka ize yo pou KREYÒL lan jounen jodi an.

http://gallica.bnf.fr/ark:/12148/bpt6k5843550k.image.r=ABBE+GREGOIRE.f31.langEN

Joel

se byen malere teks la pa klè ,men se yon bagay ki enpotan pou tout ayisyen ta li .Sou facebook, map diskite ak 2 twa jenn ayisyen sou kestyon saa mwen raple yo ke franse pat pale o debi nan sendoming kom ou aprann mwen li dim ke li pa ka konprann sa mwen ap di ya paske se blan franse ki te nan koloni ki jan fè yo pat pale franse.mwen dil ke se kreyol ki te toujou lang nan Sendomeng li refize kwè.malgre ke mwen di li ke se pa tout kote an frans menm o 17eme syek ke yo te pale franse.

men bagay saa se yon bagay ke ayisyen ki reyisi ka kole 2 mo franse pa vle tande non m paske se sel sa ki fè yo konprann yo siperyè lot moun ;kom ou di la lang saa se divise li divise ayisyen plis ke tout bagay.

SM;

Se pa yon tèks non;se yon liv BIBLIYOTÈK NASYONAL franse an.Se sou GALLICA.
Se jis lan ane 1880s yo ke franse vin lang tout franse an FRANS.
Tankou moun sou FACEBOOK ki ap vin di w ke franse se te toujou lang yo pale an FRANS;se toujou menm rans lan y ap repete;y ap repete anba bouch tankou granmoun ann AYITI konn di.
Evidans yo la ;dokiman yo la se jis chèche pou yo fè yon ti chèche.

Pa genyen absoliman;absoliman okenn dout ke se KREYÒL ki te lang koloni SENDOMENG;mwen ta renmen manm fowòm lan ou byen vizitè yo pwouve m le kontrè.
Menm apre lendepandans tankou m di l PWOFESÈ ALYSSA GOLDSTEIN di ke ABE GREGWA se lèt apre lèt li te ekri e KRISTÒF e PETYON pou l konvenk yo pou yo fè FRANSE vin lang nasyonal.
Sa k pi rèd lan ,anvan lendepandans moun lan koloni yo pa t gen konplèks ki genyen jounen jodi an kont KREYÒL lan .

SM;

Men yon tèks enteresan ke yon Matinikèz ki rele JEANNE ETIENNE EKRI:

http://www.potomitan.info/bannzil/litterature.html

Jowèl,
Mesi pou tèks saa.
Li dekri ekzaktemen sitiyasyon lengystik Ayiti.
Li ta bon pou nou tout wè imaj lan konsa.

Mwen repwoduy li akoz deskripsyon an. men tout trete Jane Etienne nan se yon edikasyon pou ayisyen ak tout kreyolofònn.

.......................................................................



La Diglossie

On peut très grossièrement définir ce dernier terme comme la situation d’une communauté linguistique qui possède deux idiomes, l’un dite langue haute qui est utilisée pour les besoins communicatifs nobles et liés à l’écrit (administration, justice, église, école etc…),

l’autre dite langue basse qui est utilisée pour la communication quotidienne et qui fonctionne principalement à l’oral.

Le français est, en l’occurrence, la langue haute et le créole, la langue basse.

Il ne s’agit pas là, toutefois, d’une situation figée: une espèce de conflictualité permanente règne entre les deux idiomes selon le principe que
"de mal krab pa ka viv adan an menm twou".

Chacune essaie de déborder de sa niche communicative, d’empiéter sur le domaine de l’autre: le français tente de pénétrer notre oralité quotidienne tandis que le créole s’efforce de percer à l’écrit.

Il est clair que si rien n’est fait pour pacifier les relations entre les deux langues qu’à plus ou moins long terme, la plus forte finira par l’emporter.

Le pot de fer gagnera fatalement contre le pot de terre.

Et, dans le cas qui nous concerne, tout le monde sait très bien qui est le pot de terre.

Joel

Yon fwa ankò mwen di w mèsi .mwen swete jenn gason ak jenn fanm ki konprann ke w pa ka eksprime okenn ide abstrè an kreyol li teks saa.men bagay nap pale de refome edikatyon an ayiti ;lekol ayisyen kreye yon paket alyene ki pa konn listwa lang yo men ki ka site tout otè fransè yo pou montre ki jan yo konnen.ou jwen ayisyen jis jodya ki ap diw ke kreyol se pa yon lang epi se kreyol ke yo itilise plis pase tout lang.epi sa pa moun sot non ki ap di bagay saa.

SASAYE;
Lan kontèks antiy franse yo ,mwen sipoze ke lè JEANNE ETIENNE ap fè analoji ""pot de fer et pot de terre"";manmzèl konsidere franse kòm pòt an fè e kreyòl kòm pòt an tè.
Li pa ka otreman ,paske mesyedam sa yo pa gen kontwòl total sou lang yo pale;si w konsidere yo se sitwayen franse.
Noumenm menm se yon ti gwoup anraje ki kanpe kont kreyòl lan.Yo asyeje e pwoblèm yo genyen sè ke ak enfliyans ameriken ki ap ogmante pwoblèm pou yo kenbe sipremasi franse an ogmante.
Mwen pa di se yon bon bagay ou byen yon move bagay;men ameriken yo pa konsidere franse tankou lang ayisyen.

Mwen pa ka tann poum wè ki refom ekspè yo pral pwopose pou yo fè nan edikatyon an ayiti;li lè pou yo ba ti moun an ayiti zouti ki ka sèvi yo pou yo ka viv byen.Edikatyon pa selman aprann syntaks lang franse ekri disertatyon an franse.Fok genyen laboratwa nan lekol yo.se pou nou pwofite de moman saa pou nou rele anmwe nou pa vle edikatyon pèpè ya ankò.Sim vle vinn yon konstriktè kay sanm pa injenyè fok genyen yon lekol poum ka ale etidye konstriktyon, sim vle vinn yon kiltivatè san ke mwen pa ale damyen se poum genyen oportunite. sa sim vle se pechè ke mwen vel ye se poum genyen oportunite sa.ba pitit pep la lekol pou yo aprann yon metye.Yon elektrisyen yon mekanisyen o Zeta Zuni pa genyen oken konpleks.Ki sa ki di ke yon moun ki ka kole 2 mo franseu genyen plis valè pase yon bon boss tayè, yon bon boss ebenist, yon bon boss kordonye, yon bon boss charpantye,yon bon boss mason?se pa doktè,avoka, injenyè agronom ,nurse ki fè devlopman yon peyi.Nou beswen bon elevè tou, nou beswen bon pechè tou,nou beswen bon mekanisyen ,bon elektrisyen, bon plombye tou.bon teknisyen laboratwa tou, Wi nou beswen anpil profese pa sleman profesè ki pou montre ti moun li ak ekri men profesè ki pou montre ti ayisyen yon metye tou.