Forum Haiti : Des Idées et des Débats sur l'Avenir d'Haiti
Forum Haiti : Des Idées et des Débats sur l'Avenir d'Haiti
Forum Haiti : Des Idées et des Débats sur l'Avenir d'Haiti
Vous souhaitez réagir à ce message ? Créez un compte en quelques clics ou connectez-vous pour continuer.

Forum Haiti : Des Idées et des Débats sur l'Avenir d'Haiti

FOROM AYITI : Tèt Ansanm Pou'n Chanje Ayiti.
 
AccueilAccueil  GalerieGalerie  PortailPortail  ÉvènementsÉvènements  PublicationsPublications  RechercherRechercher  S'enregistrerS'enregistrer  Connexion  
Le deal à ne pas rater :
CALABRIA Barbecue à charbon
29.99 €
Voir le deal

 

 PÒTAPIMAN PA P VOYE FLÈ !

Aller en bas 
AuteurMessage
jafrikayiti
Super Star
Super Star


Masculin
Nombre de messages : 2236
Localisation : Ottawa
Date d'inscription : 21/08/2006

Feuille de personnage
Jeu de rôle: Bon neg guinen

PÒTAPIMAN PA P VOYE FLÈ ! Empty
MessageSujet: PÒTAPIMAN PA P VOYE FLÈ !   PÒTAPIMAN PA P VOYE FLÈ ! EmptyDim 29 Juil 2012 - 10:49

PÒTAPIMAN PA P VOYE FLÈ !


Èske ou te konnen, ou kapab woule machin sou wout asfalte soti nan site lendepandans lan, Gonayiv, pase nan kapital la, Pòtoprens, epi kontinye nan direksyon sid, pase Leyogàn, Grangwav, Tigwav, Miragwan, Senlwidisid, Vyeboudaken, Aken, Okay, Tòbèk, Pòsali, Damasen, Wòchabato….jouk ou rive nan yon ti kwen paradi ki rele Pòtapiman?

Se domaj bon wout asfalte pa kouvri tout teritwa peyi a. Nou va pale plis sou sijè sa a yon lòt fwa. Anntandan, kite mwen pataje ak nou moso nan eksperyans mwen fenk sot viv la a, ak moun Pòtapiman.

Jou ki te 23 jiyè 2012 la, solèy te gen tan ap pran chimen kabann, lè machin nan te depose Lanmoukaji, Nouini, Bouli, Falière avè m devan papòt Mesye Milou.

Frantz Jean, se konsa manman l ak papa l, te batize li, men tout moun nan Pòtapiman rele Prezidan-Fondatè Konbit pou Pòtapiman (KPP) an : « mesye Milou ». Nan lakou kay « mesye Milou », gen plizyè chèz ak dodin ki enstale anba yon latriye pye bwa. Pami yo gen pye mango, gen pye zabriko. Si se frechè lanati ou t ap chèche apre yon gwo vwayaj, fopaplis! Men, atansyon ! pa kouri al chita konsa konsa. Tout dodin se dodin, men tout dodin pa menm. Gen youn ki rezève. Se pa sila a ki pi nèf osnon pi bèl la non. Si ou gen chans, yo ka kite ou fè yon ti foto sou dodin sa a, apre 2 kout flach, souple remèt mèt zafè, zafè l pou evite malantandi.

PÒTAPIMAN PA P VOYE FLÈ ! Falier11
Poutan, malgre atachman-l a vye dodin li, prezidan KPP a pa yon nèg ki tchak vre. Ojis, se yon Ayisyen ki fè-l ak tout moun. Apre yon solobab, li te mennen nou vizite lokal Lopital Pòtapiman, yon bèl espas tou nèf. Li pwòp, byen pentire epi li ofri moun ki sou chèzwoulant mwayen pou yo sikile san fikilte. Lopital la ki kanpe la a, se rezilta anpil efò, anpil reyinyon, anpil konbit. Men, se poko tout. Manke doktè ak enfimyè, pa gen espesyalis pou zye, pou zo kase, pou fè yon latriye operasyon. Kidonk, Moun Pòtapiman, pa chita sou lorye yo. Se moun ki konnen sa yo bezwen, e yo pa pè travay di jouk yo jwenn bon rezilta.

Granm maten 24 jiyè 2012, Lanmoukaji (12an) ak Nouini (7an), sezi tande mwen reveye yo pou yo ale lekòl. Se pa lekòl regilye, se yon kan KPP mete sou pye, pou premye fwa ane sa a, kote timoun ki te fè mwayèn 75% osnon pi wo, pase plizyè semèn ap amize yo pandan y ap aprann leson lavi ak yon seri pwofesè ki renmen sa yo ap fè a. Anvan yo koumanse travay, yo mete timoun yo an ran, yo lave men yo byen lave, yo manje, epi…, Nouini fonn nan mitan timedam yo.

Lanmoukaji limenm suiv tonton li ak papa li, ki ap suiv de gid eksperimante, sou chimen Gwòt Marie-Jeanne. Anvan nou monte, Dirèktè Saurel esplike nou trouvay syantifik ekstraòdinè ki kontinye ap fèt nan Gwòt Pòtapiman ak nan rejyon sid la an jeneral. Li montre nou eskelèt bèt ki pa ekziste ankò ke yo jwenn lotrejou la a, nan rejyon an.

Tande ak wè se de.

PÒTAPIMAN PA P VOYE FLÈ ! Mariej10
Nou pran chimen Gwòt Marie-Jeanne, sou direksyon gid Pierre Israel. Nou poko fè yon minit ap monte ti mòn nan, mwen mande Pierre pou li kanpe paske mwen vle fè foto bèl peyizaj m ap gade anba a. Li di m….se po ko sa…kontinye monte, ou va jwenn pi bè pozisyon pi wo. M kouri fè yon foto, epi nou kontinye monte ti mòn nan. 30 segond poko pase, m tande Bouli, gran frè mwen, ki di : kèt sa a bèl vre wi! Nou kanpe sou tèt mòn nan, yon ti moman pou nou admire achitekti vil Pòtapiman ki layite douvan bouch lanmè a. Nou bwè de gòjèt dlo, epi trapde nou te gen tan rive devan rantre Gwòt Marie-Jeanne.

Pa gen mo pou esplike mèvèy sila a. Foto ka ede, men se po ko janm sa. Kidonk, mwen envite ou koumanse fè preparasyon pou se pa zòt k ap vini di ou. Eksperyans vizit Gwòt Marie-Jeanne, se youn nan pi bèl eksperyans syantifik mwen viv. Gid yo ba ou bon enstriksyon ak esplikasyon. Lè yo ba ou kas pou ou mete sou tèt ou, kwè m si ou vle, se pa pou « fashion » osnon chèlbè. Se yon eksperyans eksplorasyon syantifik, se yon efò espòtif, se yon eksperyans ou pa gen dwa janm bliye nan vi ou.


Lè nou te retounen nan Kan KPP, li te midi pase, nou jwenn timoun yo ap manje. Nou fè dijesyon ak yo ti chita pale osijè listwa pèp Ayisyen, depi nan Ginen. A 2 zè tapan, se rasanbleman pou di orevwa, nou va wè demen maten zanmi.

Kan KPP tanmen eksperyans sa a pou premye fwa nan ane 2012 la. Men, daprè sa mwen tande nan bouch 35 timoun ki te patisipe yo, ak nan bouch pwofesè ak benevòl ki òganize aktivite sa a, dezòmè, se va yon tradisyon. Nouini di limenm, li ta renmen enskri davans pou Kan KPP 2013. Li di: zanmi li fè, pwofesè li jwenn, mango li manje, ji kann li moulen nan Pòtapiman….anverite, nan Kanada, nan pwen konsa !
PÒTAPIMAN PA P VOYE FLÈ ! Lave_m10

Apre yon jounen aktivite san pran souf, ou ta gen dwa monte kabann ou dòmi. Men, si ou se yon moun ki gen ladapdap menm jan ak mwen ou pa p vle dòmi twò long. Kidonk, evite dodin mesye a, anba pye mango a dekwa pou ou pa ni kabicha nèt ale, ni reveye bridsoukou, ak tèt chaje.

Pòtapiman, pa gen kouran regilye. Sanbletil, ekonomi fanmi yo pa sifizan pou sipòte sistèm gwoup elektwojèn vil la ap itilize jiskaprezan an. Se yon gwo pwoblèm, paske lopital la bezwen plis kouran pou li fonksyone. Se vre sistèm panosolè yo efikas pou moman an, men se paske lopital la poko ap fonksyone nan tout kapasite li.

Pa gen kouran vle di tou pa gen televizyon pou Lanmoukaji ak Nouini gaspiye tan. Apre yon ti repo, nou te gen tan sou plaj dlo dous, tou pre lanmè a. Pa gen lontan, se yon marekaj dlo sal ki te la. Yon ekip moun pote kole ak mesye Milou, epi alèkile se plizyè bèl plaj ki ofri moun Pòtapiman opòtinite pou yo fè fèt, brase komès, pran swen sante fizik ak mantal yo, nan yon espas anti-strès wololoy.

Pou sa nou wè, pou sa nou tande nan Pòtapiman, nou ta ka pase anpil tan ap ekri. Gade, kijan mwen pa di anyen osijè bèl beny nou pran sou plaj piblik Pòsali pandan nou te sou wout. Mwen pa pale n de bèl otèl « Reposoire du Village » kote yo ka kuit yon pla Oma pou ou pou $15. Mwen pa gen tan di plis …paske fòk mwen koumanse planifye retounen m nan Pòtapiman.

N.B. : nan zòn sid la, sou tout wout la, ou ka remake bèlte lanati. Men, konsa tou, nou ka remake jan moun yo pwòp, yo renmen plante bèl ti flè choublak, flanbwayan, ak lorye devan pòt kay yo. Anverite, moun sa yo konnen Ayiti se kinan yo, se pa moun k ap voye flè !

Jafrikayiti
jiyè 2012, Ayiti

Mesi tout ekip Konbit Pou Potapiman an. Nicole, Carole, France, Jean Marc, tout zanmi, fanmi ki te byen akeyi nou epi ede nou pase yon moman inoubliyab ansanm. Souple, vizite: www.portapiment.com


Dernière édition par jafrikayiti le Dim 29 Juil 2012 - 13:38, édité 1 fois
Revenir en haut Aller en bas
Joel
Super Star
Super Star


Masculin
Nombre de messages : 17041
Localisation : USA
Loisirs : Histoire
Date d'inscription : 24/08/2006

Feuille de personnage
Jeu de rôle: Le patriote

PÒTAPIMAN PA P VOYE FLÈ ! Empty
MessageSujet: Re: PÒTAPIMAN PA P VOYE FLÈ !   PÒTAPIMAN PA P VOYE FLÈ ! EmptyDim 29 Juil 2012 - 11:25

JAF;

Sou zafè GWÒT sa a .Lòtrejou mwen t ap gade sou ""HISTORY CHANNEL"" ATIFAK ENDYEN ke DOMINIKEN yo jwenn lan GWÒT ki an REPIBLIK DOMIKÈN yo.Yo jwenn bagay ki gen plis ke 6,700 zan ;yo kolekte ZOSMAN plis ke 1500 ENDYEN ,ki te sou ZIL lan anvan PANYÒL yo te debake;san bliye KRICH,FRANJIPAY ak lòt bagay konsa.
Gen yon yon MIZE ki okipe l sèlman de bagay sa yo.
AYITI fè pati de ZIL lan tou ;mwen pa janm tande anyen ke nèg yo jwenn sou Bò pa nou an sou sivilizasyon ""pre-kolonbyen"" an!
Revenir en haut Aller en bas
jafrikayiti
Super Star
Super Star


Masculin
Nombre de messages : 2236
Localisation : Ottawa
Date d'inscription : 21/08/2006

Feuille de personnage
Jeu de rôle: Bon neg guinen

PÒTAPIMAN PA P VOYE FLÈ ! Empty
MessageSujet: Re: PÒTAPIMAN PA P VOYE FLÈ !   PÒTAPIMAN PA P VOYE FLÈ ! EmptyDim 29 Juil 2012 - 13:36

Frantz Jean (Milou pou moun Potapiman) te refize "reve" vil kote kod lonbrit li antere a gen yon lopital nomal. Li te AJI pou sa te ka tounen reyalite. Anpil moun Potapiman pote kole ak anpil moun lot kote, jiskaske Lopital Potapiman kanpe byen banda l ap bay sèvis. Enèji ki alimante batri lopital la, se yon Ayisyen ki nan syèl la ki founi li. Zot abitye rele li Papa Bondye, osnon Manman Lanati. Se sa menm, enèji solèy la ki alimante kokennchenn lopital sa a.

PÒTAPIMAN PA P VOYE FLÈ ! Lopita10


Zanmi yo, pa gen jwet non la a: La table est servie KPPman!

PÒTAPIMAN PA P VOYE FLÈ ! Medam_10

Met Saurel Deslormes kenbe nan men li eskelet yon bet ki pa ekziste anko nan rejyon an - ojis espesyalis po ko konnen ki kalite bet li ye:

PÒTAPIMAN PA P VOYE FLÈ ! Met_sa10
Revenir en haut Aller en bas
jafrikayiti
Super Star
Super Star


Masculin
Nombre de messages : 2236
Localisation : Ottawa
Date d'inscription : 21/08/2006

Feuille de personnage
Jeu de rôle: Bon neg guinen

PÒTAPIMAN PA P VOYE FLÈ ! Empty
MessageSujet: Re: PÒTAPIMAN PA P VOYE FLÈ !   PÒTAPIMAN PA P VOYE FLÈ ! EmptyDim 29 Juil 2012 - 13:41

joel, mwen te fe ere nan poste teks la. souple kopye mesaj ou an nan lot chenn diskisyon an, sila a ki gen foto yo. Kesyon jesyon gwot nou yo se yon gwo koze!
Revenir en haut Aller en bas
jafrikayiti
Super Star
Super Star


Masculin
Nombre de messages : 2236
Localisation : Ottawa
Date d'inscription : 21/08/2006

Feuille de personnage
Jeu de rôle: Bon neg guinen

PÒTAPIMAN PA P VOYE FLÈ ! Empty
MessageSujet: Re: PÒTAPIMAN PA P VOYE FLÈ !   PÒTAPIMAN PA P VOYE FLÈ ! EmptyDim 29 Juil 2012 - 16:44

Joel ekri:

Citation :
JAF;

Sou zafè GWÒT sa a .Lòtrejou mwen t ap gade sou ""HISTORY CHANNEL"" ATIFAK ENDYEN ke DOMINIKEN yo jwenn lan GWÒT ki an REPIBLIK DOMIKÈN yo.Yo jwenn bagay ki gen plis ke 6,700 zan ;yo kolekte ZOSMAN plis ke 1500 ENDYEN ,ki te sou ZIL lan anvan PANYÒL yo te debake;san bliye KRICH,FRANJIPAY ak lòt bagay konsa.
Gen yon yon MIZE ki okipe l sèlman de bagay sa yo.
AYITI fè pati de ZIL lan tou ;mwen pa janm tande anyen ke nèg yo jwenn sou Bò pa nou an sou sivilizasyon ""pre-kolonbyen"" an!

Joel, mwen efase lot chenn diskisyon an paske mwen te fe ere nan jan mwen te poste li. Pou kesyon ou poze a, se gwo tet chaje. Mesyedam nou yo refize ranmase karakte yo pou yo jere resous peyi a ak ladres tout bon vre. Se kek sitwayen konsekan k ap fe sa yo kapab ak zong yo. Men, alaverite resous ki ta dwe disponib nan bidje leta pou okipe bagay serye, sa pa janm rive mobilize. gen twop fanm deyo pou okipe. Twop ti vwayaj pleziyis pasi pala. Jodi a, enbesil yo ap desann pantalon yo sou channmas nan yon swadizan kanaval, poutan, mwen mache soti channmas rive kafoufey ak yon bougon mayi nan men mwen, m pa fouti jwenn yon poubel pou mwen jete li. Sa vle se on boujwazi ???? k ap eseye neye pwoblem pep la nan tafya. Poutan, se pa konsa sa te oblije ye.

Mwen pa mize vye fre. N a pale pi douvan....
Revenir en haut Aller en bas
Marc H
Super Star
Super Star
Marc H

Masculin
Nombre de messages : 9759
Localisation : Quebec
Opinion politique : Démocrate
Loisirs : soccer
Date d'inscription : 28/08/2006

Feuille de personnage
Jeu de rôle: Le voyeur

PÒTAPIMAN PA P VOYE FLÈ ! Empty
MessageSujet: Re: PÒTAPIMAN PA P VOYE FLÈ !   PÒTAPIMAN PA P VOYE FLÈ ! EmptyDim 29 Juil 2012 - 18:04

Jaf

Mwen kontan wè wou te vizite moun lakòt yo , tout zonn sayo se zonn zansèt mwen: de saint Jean Du sud en passant par Wochabato jisko zanglè . Mwen genyen anpil bon souveni de mon enfans lan zone sayo .
Revenir en haut Aller en bas
jafrikayiti
Super Star
Super Star


Masculin
Nombre de messages : 2236
Localisation : Ottawa
Date d'inscription : 21/08/2006

Feuille de personnage
Jeu de rôle: Bon neg guinen

PÒTAPIMAN PA P VOYE FLÈ ! Empty
MessageSujet: Re: PÒTAPIMAN PA P VOYE FLÈ !   PÒTAPIMAN PA P VOYE FLÈ ! EmptyLun 30 Juil 2012 - 16:33

MonchE, se pa ti bEl zOn sa a bEl. LanmE a kalm, li bEl, li pwOp. Men, pi plis pase bElte lanati, se jantiyEs moun yo ki frape atansyon mwen. Pandan dEnye vwayaj sa a, mwen te jwenn plizyE okazyon pou konfime Depi nan Ginen bon NEg ap ede NEg!

Souvnidanfans pa sifi, kounye a, fok nou travay pou nou kreye souvni tou nEf. Li pa akseptab pou pitit Ayiti ap mouri kokobe nan peyi etranje tandiske remEd tout maladi yo soufri chita la a nan 27 750 kilomEt kare Dessalines kite pou nou an.

Li lE pou nou sispann voye flE. Peyi nou ka yon paradi....si nou remete li sou fondasyon orijinal Papa Dessalines te mete l la. PATAJE RICHES YO AK TOUT PITIT PEYI A!!!!!!
Revenir en haut Aller en bas
Contenu sponsorisé




PÒTAPIMAN PA P VOYE FLÈ ! Empty
MessageSujet: Re: PÒTAPIMAN PA P VOYE FLÈ !   PÒTAPIMAN PA P VOYE FLÈ ! Empty

Revenir en haut Aller en bas
 
PÒTAPIMAN PA P VOYE FLÈ !
Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
Forum Haiti : Des Idées et des Débats sur l'Avenir d'Haiti :: Haiti :: Espace Haïti-
Sauter vers: