Forum Haiti : Des Idées et des Débats sur l'Avenir d'Haiti
Forum Haiti : Des Idées et des Débats sur l'Avenir d'Haiti
Forum Haiti : Des Idées et des Débats sur l'Avenir d'Haiti
Vous souhaitez réagir à ce message ? Créez un compte en quelques clics ou connectez-vous pour continuer.

Forum Haiti : Des Idées et des Débats sur l'Avenir d'Haiti

FOROM AYITI : Tèt Ansanm Pou'n Chanje Ayiti.
 
AccueilAccueil  GalerieGalerie  PortailPortail  ÉvènementsÉvènements  PublicationsPublications  RechercherRechercher  S'enregistrerS'enregistrer  Connexion  
-37%
Le deal à ne pas rater :
Aspirateur robot Xiaomi Roborock S7 (version 2021) en stock et en ...
504 € 799 €
Voir le deal
Le deal à ne pas rater :
Hansaplast Spray Antiseptique pour enfants – 100 ml
2.88 €
Voir le deal

 

 ANT BONDYE AK RELIJYON - Ki lès ou pi pito?

Aller en bas 
AuteurMessage
jafrikayiti
Super Star
Super Star


Masculin
Nombre de messages : 2236
Localisation : Ottawa
Date d'inscription : 21/08/2006

Feuille de personnage
Jeu de rôle: Bon neg guinen

ANT BONDYE AK RELIJYON - Ki lès ou pi pito? Empty
MessageSujet: ANT BONDYE AK RELIJYON - Ki lès ou pi pito?   ANT BONDYE AK RELIJYON - Ki lès ou pi pito? EmptyJeu 13 Sep 2012 - 23:18

ANT BONDYE AK RELIJYON - Ki lès ou pi pito?

Bondye montre nou lèzòm se yon sèl kòd fanmi / Relijyon preche divizyon pami lèzòm


Citation :
"Kayen te sasinen frè li… epi Seyè a mete yon mak sou li, ki se nen plat epi po nwa…Jiskilè ras sa a gen pou yo sipòte michan madichon sa a ki tonbe sou li a? Madichon an la pou li rete sou yo, epi yo pap janm gendwa pran grad Pastè oudimwens jwi yon pati nan grad sa a, toutotan tout lòt desandan Adan yo poko resevwa promès yo epi jwi benediksyon...grad Pastè a epi jwenn kle grad sa a. Toutotan dènye nan dènye rès pitit Adan yo pa rive jwenn men pou yo jwi yon pozisyon favorab, pitit Kayen yo pa gen dwa resevwa pa menm premye ti grad yo nan zafè Pastè. ." (Journal of Discourses, Vol.7, pp. 290-291)

Nou ranmase tèks sa a nan yon atik Jerald ak Sandra Tanner ki pote tit: Death of the Anti-Black Doctrine. Nou ka jwenn li tou nan jounal The Salt Lake City Messenger, No. 41, Desanm 1979.


ANT BONDYE AK RELIJYON - Ki lès ou pi pito? Kwa_ko10

Sou fèy papye, blan alatèt legliz Mòmon yo chanje règleman rasis anti-Afriken sa a, depi nan ane 1978.

Men, èske ou kwè yo chanje kwayans tout bon vre?
Oudimwens èske se adapte yo adapte yo demannyè pou yo ka kontinye anvayi peyi pèp Afriken yo pi byen, pi dous?

Nou pa abitye rankontre Ayisyen Mòmon?

Konbyen Ayisyen Mòmon ki okouran, se senpman nan ane 1978 sèk
Kretyen blan Etazinyen sa a, aksepte pou moun nwa òdone pastè nan
pami yo?

Èske yo konnen ki rezon yo te bay pou mete f2(fanm menm se bliye
sa!) nwa kanpe lwen?

SOUS: Viv Bondye! Aba Relijyon! paj 124
(Liv 100% Kreyol sa a GRATIS nan lulu.com)
http://www.lulu.com/shop/jafrikayiti/viv-bondye-aba-relijyon/ebook/product-4989889.html
Revenir en haut Aller en bas
Joel
Super Star
Super Star


Masculin
Nombre de messages : 17047
Localisation : USA
Loisirs : Histoire
Date d'inscription : 24/08/2006

Feuille de personnage
Jeu de rôle: Le patriote

ANT BONDYE AK RELIJYON - Ki lès ou pi pito? Empty
MessageSujet: Re: ANT BONDYE AK RELIJYON - Ki lès ou pi pito?   ANT BONDYE AK RELIJYON - Ki lès ou pi pito? EmptyVen 14 Sep 2012 - 6:38

JAF;
Sa k pi rèd lan ;ou ka jwenn anpil MÒMON AYISYEN yo ki te kwè ke bagay sa yo te vre.Te gen tan gen MÒMON AYISYEN anvan SÈKT sa a te renonse ak bagay rasis sa yo.
Se manm jan an tou ou ka toujou jwenn AYISYEN ki te kwè ou toujou kwè lan bagay MADICHON lan la BIB lan.
Ou ta gen dwa di ke se BLAN ou byen EWOPEYEN ki te gen MADICHONLpaske pa t gen pèp ki te soufri anba maladi pase yo.
Tankou ""PLAIE"" 1347 LAN ,lè gen plis ke MWATYE popilasyon EWÒP lan te mouri ant 1347 ak 1349.
Pou nou imajine anplè bagay sa a;jis panse ke PÒTOPRENS ak anviwon l ki gen 3 milyon moun pèdi 1,5 milyon moun lan 2 zan.

Mwen te wè yon ilistrasyon bagay sa a sou HISTORY CHANNEL ki dire 2 ZÈ d tan.Se pou gen KOURAY pou gade l.
E apre sa yo te rele ""PLÈ NWA"" a te fèt kOMANSE pake KÒZ yo te rete .Senpman ,yon VIL tankou PARIS pa t gen EGOU.Lan PARIS ki te gen tan gen plis ke 1 milyon moun lan 14 zyèm SYÈK ,lè moun fin fè bezwen ,yo te jis lage l lan la RI an ;bagay sa a te miltipliye RAT e se RAT ki te pote ""PLÈ NWA"" a.

Epitou ,MITT ROMNEY se MORMON.Donk ,se veye ZO!
Revenir en haut Aller en bas
jafrikayiti
Super Star
Super Star


Masculin
Nombre de messages : 2236
Localisation : Ottawa
Date d'inscription : 21/08/2006

Feuille de personnage
Jeu de rôle: Bon neg guinen

ANT BONDYE AK RELIJYON - Ki lès ou pi pito? Empty
MessageSujet: Re: ANT BONDYE AK RELIJYON - Ki lès ou pi pito?   ANT BONDYE AK RELIJYON - Ki lès ou pi pito? EmptyVen 14 Sep 2012 - 21:26

Anpil moun pare pou yo dakò ak nou lè nou di: blan Ewopeyen fòse nan sibkonsyan tout moun nèt alawonnbadè imaj yon Bondye blan.

Nou konnen imaj nou ap pale a - yon lepè gwo tèt ki chaje ak chive blan epi gwo bab blanch men longè.

Nou abitye wè foto yo nan mize, nan liv, anndan legliz, sou tap-tap Kafoufèy, nan Ounfò Vodoun, anndan Palè Nasyonal Ayiti…toupatou!
ANT BONDYE AK RELIJYON - Ki lès ou pi pito? Leonar11ANT BONDYE AK RELIJYON - Ki lès ou pi pito? Leonar10

Nou tout konnen imaj sa a. Li fè mak anndan sibkonsyan nou, li layite kò li nan lespri nou. Poudayè, anpil nan nou pa fouti fèmen je nou pou nou lapriyè san se pa imaj sa a ki akonpaye lespri nou.


Citation :
"Wi! M ap pale osijè relijyon Krisyanis lan, epi pèsonn pa bezwen fè sezisman. Legliz nan lakoloni yo se legliz moun blan li ye. Legliz etranje a. Li pa mande natif-natal la pou li pran chimen Bondye men pou li pran chimen blan Ewopeyen an, mèt maspinatè a". Frantz Fanon - The Wretched of the Earth (Evergreen Black Cat Edition, 1968, p. 42 – tit orijinal Les damnés de la terre, Maspero 1961 )

SOUS: Viv Bondye! Aba Relijyon! paj 129(Liv 100% Kreyol sa a GRATIS nan lulu.com)http://www.lulu.com/shop/jafrikayiti/viv-bondye-aba-relijyon/ebook/product-4989889.html
Revenir en haut Aller en bas
jafrikayiti
Super Star
Super Star


Masculin
Nombre de messages : 2236
Localisation : Ottawa
Date d'inscription : 21/08/2006

Feuille de personnage
Jeu de rôle: Bon neg guinen

ANT BONDYE AK RELIJYON - Ki lès ou pi pito? Empty
MessageSujet: Re: ANT BONDYE AK RELIJYON - Ki lès ou pi pito?   ANT BONDYE AK RELIJYON - Ki lès ou pi pito? EmptyVen 14 Sep 2012 - 21:31

Èske nou konnen listwa foto sa yo?

Konbyen Kretyen ki okouran lepè bab blanch sa a se Leonardo da Vinci ki itilize potre li kom potre "bondye", "Jezi", "Sen kwètmakwèt" elatriye...?

Ou pa kwè m?

E si se blan an ki di l, ou ap kwè?

Tyeke la a: http://www.kleio.org/en/history/famtree/sforza/323.html
Revenir en haut Aller en bas
Joel
Super Star
Super Star


Masculin
Nombre de messages : 17047
Localisation : USA
Loisirs : Histoire
Date d'inscription : 24/08/2006

Feuille de personnage
Jeu de rôle: Le patriote

ANT BONDYE AK RELIJYON - Ki lès ou pi pito? Empty
MessageSujet: Re: ANT BONDYE AK RELIJYON - Ki lès ou pi pito?   ANT BONDYE AK RELIJYON - Ki lès ou pi pito? EmptySam 15 Sep 2012 - 12:00

JAF;
Tit DISKISYON an w lan se ANT BONDYE AK RELIJYON-Ki lès ou pi pito.
Dr NEIL DE GRASSE TYSON limenm di ,nou pa menm bezwen lan konsiderasyon sa a.
Petèt ou ka tande pale de li.Misye se DIREKTÈ HAYDN PLANETARIUM lan MUSEUM OF NATURAL HISTORY lan NEW YORK.Lè SENA AMERIKEN an bezwen KONSÈY sou EKSPLORASYON LESPAS,se misye yo rele ;DEMOKRAT ak REPIBLIKEN
Misye tou responsab EMISYON ki rele NOVA NOW lan PBS ,televizon piblik lan.
Lan anpil lan kozman li yo ,misye toujou ap fè remake ki TÒ fondamantslis mizilman koze a mond ARAB lan.
Ant peryòd 800 a 1100 se te ARAB yo ki te domine mond syantifik lan.Yo te envante ALGÈB,ESTATISTIK ,VEKTÈ ke nou ize lan JENI ,elt,elt.
Ou ta di ke lan epòk sa a yo te gen yon avans omwens 300zan sou EWÒP ,paske se lan peryòd EWOPEYEN yo rele RENESANS lan ke yo kòmanse ap ize ide sa yo.
TYSON di tout bagay t ap mache byen jiskaske yon NÈG yo te rele AL-GHAZALI vin di ke MATEMATIK se travay DYAB se kwè lan ALLAH ki ap regle tout bagay .Depi ARAB yo te vin kwè lan bagay sa a ,pwogrè syantifik sispann lan monn ARAB lan.
Gen yon bagay misye di tou.Yo fè yon ""survey"".Sou 100 SYANTIS ,85 pa kwè lan BONDYE e 15 kwè.Misye ap mande ki sa ki ""wrong"" a 15 pou san sa a?

Revenir en haut Aller en bas
jafrikayiti
Super Star
Super Star


Masculin
Nombre de messages : 2236
Localisation : Ottawa
Date d'inscription : 21/08/2006

Feuille de personnage
Jeu de rôle: Bon neg guinen

ANT BONDYE AK RELIJYON - Ki lès ou pi pito? Empty
MessageSujet: Re: ANT BONDYE AK RELIJYON - Ki lès ou pi pito?   ANT BONDYE AK RELIJYON - Ki lès ou pi pito? EmptySam 15 Sep 2012 - 13:37

Mèsi Joel,

Prezantasyon Tyson lan enteresan. Men, mwen ta renmen wè ki repons, ki deba ki fèt apre prezantasyon misye a.

Se vre, si se moun ki deja bay legen, an lagan, nou kite nan laboratwa syantifik yo, pa gen ase dekouvèt k ap fèt. Move reflèks lage tout sa nou pa konprann sou do fos ekstraterès yo, se yon bagay negativ. Mèzalo, sa pa vle di pou syantifik yo adopte yon atitid awogan devan rès popilasyon an. Antouka, n ap viv yon peryod enteresan anpil nan listwa limanite. Gen dekouvèt ki fenk fèt sou dosye ADN ki fè yo revize anpil teyori. Siman, pral gen gwo chanjman nan jan nou konsevwa lavi moun, limit moun, sou planèt la. E, menmsi kwayans nan relijyon p ap nesesèman disparèt, gen ajisteman k ap inevitab.
Revenir en haut Aller en bas
jafrikayiti
Super Star
Super Star


Masculin
Nombre de messages : 2236
Localisation : Ottawa
Date d'inscription : 21/08/2006

Feuille de personnage
Jeu de rôle: Bon neg guinen

ANT BONDYE AK RELIJYON - Ki lès ou pi pito? Empty
MessageSujet: Re: ANT BONDYE AK RELIJYON - Ki lès ou pi pito?   ANT BONDYE AK RELIJYON - Ki lès ou pi pito? EmptySam 15 Sep 2012 - 19:37

DOUB MANTI FÈ DEKABÈS - Manti#2 = Blan se Bondye!

Men, se pa yon sèl manti ki fofile nan imaj Bondye blan sa a ki tache nan lespri nou.

Premye manti a (Bondye blan), se yon estrateji mastèbrenn pou kale yon dezyèm manti (blan se Bondye) ki pi enpòtan toujou pou moun ki lotè manti yo. Objektif alalong lan se pou dekrete: Blan se Bondye!

Apa ou di ki diferans?

ANT BONDYE AK RELIJYON - Ki lès ou pi pito? Viv_bo11

De manti yo sanble, yo konekte. Men yo pa menm. Tankou de marasa, yo chak gen objektif yo, yo chak gen aksyon (enpak) pa yo.

Premye manti a (Bondye blan) pèmèt dezyèm manti a (Blan se Bondye) fè chimen li ansoudin nan lespri nou.

Men dezyèm nan limenm, si ou bwè li, li riske fè ou pèdi tout bonnanj ou, tout baz espirityèl ou nèt alkole.
ANT BONDYE AK RELIJYON - Ki lès ou pi pito? Leonar12
LEONARDO DA VINCI as Jesus Christos

ANT BONDYE AK RELIJYON - Ki lès ou pi pito? Leonar13
LEONARDO DA VINCI as Jesus with son Francesco as angel


Dernière édition par jafrikayiti le Dim 16 Sep 2012 - 8:05, édité 1 fois
Revenir en haut Aller en bas
jafrikayiti
Super Star
Super Star


Masculin
Nombre de messages : 2236
Localisation : Ottawa
Date d'inscription : 21/08/2006

Feuille de personnage
Jeu de rôle: Bon neg guinen

ANT BONDYE AK RELIJYON - Ki lès ou pi pito? Empty
MessageSujet: Re: ANT BONDYE AK RELIJYON - Ki lès ou pi pito?   ANT BONDYE AK RELIJYON - Ki lès ou pi pito? EmptyDim 16 Sep 2012 - 8:02

Depi dikdantan yo konnen se Leonardo da Vinci, Michelangelo ak lot atis ewopeyen yo ki anmize yo mete potre yo toupatou bay pèp kolonize adore kom bondye.

Sa fè afè yo paske, alalong, se yo tout ki resevwa adorasyon sa a.

Jounen jodi a, nenpot blan ka debake Ayewopo Potoprens pye atè do touni, li mande pou li rankontre ak prezidan peyi a, gen anpil chans y ap fè lenesesè pou li. Se rezilta doub manti ki fè dekabès la. Bill Clinton ki ap fè e defè nan peyi a sètansi, se rezilta menm dekabès sa a.

Kidonk, pwosesis dekolonizasyon mantal la, se yon bagay nou dwe alimante, ranfose epi kore nètalkole. Fok li fèt sou baz faktyèl, ak evidans moun pa ka kontredi men fok li fèt ak kouraj epi san pran souf.

Dotanplis, se toupatou sou planèt la gen moun debyen k ap travay nan konbit kase chenn sa a. Gade ki jan yon kanmarad fenk ede mwen dekouvri travay djanm Dr. Ray Hagins ap fè nan mitan Afriken-Ameriken yo...

Revenir en haut Aller en bas
Joel
Super Star
Super Star


Masculin
Nombre de messages : 17047
Localisation : USA
Loisirs : Histoire
Date d'inscription : 24/08/2006

Feuille de personnage
Jeu de rôle: Le patriote

ANT BONDYE AK RELIJYON - Ki lès ou pi pito? Empty
MessageSujet: Re: ANT BONDYE AK RELIJYON - Ki lès ou pi pito?   ANT BONDYE AK RELIJYON - Ki lès ou pi pito? EmptyDim 16 Sep 2012 - 15:57

Sèl bagay mwen pa fin dakò ak HAGINS ;se poukisa ou bezwen rele sa w pa fin konprann ""GOD"" ou bondye .Tankou NEAL TYSON di l lan ,poukisa nou pa di nou poko gen done yo?
Epitou ou rele l ""dye"" ou nenpòt lòt bagay ;sa sèvi a ki sa?
Sosyete AZYATIK tankou JAPON ak la CHINE kote pa gen anpil plas pou ""DYE"" ou ""dye ""sa yo ,yo pa fonksyone?
LA CHINE gen 3 ou 4 mil an konsa?
Eske noumenm moun se pa yon koleksyon de 4 ""enzyme"" sa yo nou ye A-G-C-T e ke nou jis aranje diferaman de lòt espès.
Paske ,nou gen anviwon 50% yon pye bwa ki te la 300 ou 400 milyon lanne (mwen pa sonje ) anvan nou e pwogresyon sa nou gen an komen ak yon RAT ki parèt petèt 70 a 80 milyon lanne anvan ,se petèt 80 % e ensi d swit ;espès ki parèt ant 10 milyon ,5 milyon,3 milyon ,1 milyon lanne anvan nou ;nou genyen ADN ki 85%,90 %..jis ke ADN yon chenpanze anviwon 98.5 idantik a pa nou an.
Mwen kwè ou se yon SYANTIS ,pa sa JAF ;""keep an open mind"";mwen konn tande emisyon w yo sou RADYO ou gen yon gran talan ""vilgarizè"" ki sanble ak talan moun tankou NEAL TYSON.
LÈ SENATÈ yo pa egzanp ,DEMOKRAT ak REPIBLIKEN,vle konprann sa ki ap pase lan LESPAS ,se TYSON yo envite ;li gen dwa fè yon timoun 10 zan konprann sa l ap di;e de bagay ki sanble konplike tankou ""black hole"" elt"".

KIBEN yo ak ti mwayen ke yo genyen ap fè MIRAK lan MICRO-BIYOLOJI.Y ap resevwa kontra lan men CHINWA yo pou etidye VAKSEN ESPESYAL e si w pa kwè lan EVOLISYON mwen si ke w pa p ka fè anpil pwogrè lan ""field "" sa yo;pran valv lan yon ""ko-chon"" pou enplante yo bò KÈ yon moun ;ou ka fè sa paske diferans yo minim!

TANPERATI KÒ NOU 98.5 DEGRE FAHRENHEIT ,se pa pa AZA non .Se DJÒB KE espès ki te vini anvan nou yo fè 300,400 milyon lanne ap pèfeksyone ap ;lè potko gen MAMÈL e se ZE menm yon DINOZÒ te ponn.
Mwen te wè kijan CHINWA yo ize bagay sa yo pou yo repeple yon zòn lan SID la CHINE ak KROKODIL ki te fin disparèt lan ZON sa yo e kouman yo kontwole konbyen MAL ak FEMÈL yo pwodwi e kouman yo ize ENKIBATÈ pou yo fè sa.
Revenir en haut Aller en bas
jafrikayiti
Super Star
Super Star


Masculin
Nombre de messages : 2236
Localisation : Ottawa
Date d'inscription : 21/08/2006

Feuille de personnage
Jeu de rôle: Bon neg guinen

ANT BONDYE AK RELIJYON - Ki lès ou pi pito? Empty
MessageSujet: Re: ANT BONDYE AK RELIJYON - Ki lès ou pi pito?   ANT BONDYE AK RELIJYON - Ki lès ou pi pito? EmptyDim 16 Sep 2012 - 18:06

Joel, mwen panse diferans ant Hagins ak Tyson se yon bagay ki lojik. Mesye yo pa gen menm fomasyon. Referans yo pa menm.

Onivo koze ADN nan, men yon atik ki fenk parèt semenn ki sot pase yo...

Bits of Mystery DNA, Far From ‘Junk,’ Play Crucial Role
http://www.nytimes.com/2012/09/06/science/far-from-junk-dna-dark-matter-proves-crucial-to-health.html?pagewanted=all

Gen anil koze nou po ko konprann osijè ekzistans nou, alevwa pou linivè, komansman li, elatriye.

Nan moman an, li klè, ti bondye etnosantrik, jalou, chaje ak ensikirite yo dekri nan tradisyon jideyokretyen an, bondye Abraram Izarak ak Jakob la, se yon sipèstisyon etnosantrik ki pa ka reponn kesyon fondamantal sa yo. Men, sa pa vle di non pou mwenmenm sa elimine posiblite ou gen antite ekstra-terès (lespri) konseptè ki te alabaz ekzistans linivè ak tout sa ki ladan l. Itilizasyon mo "bondye" a ka kreye konfizyon, men se petèt yon etap nan devlopman konreyansyon limanite.
Revenir en haut Aller en bas
Joel
Super Star
Super Star


Masculin
Nombre de messages : 17047
Localisation : USA
Loisirs : Histoire
Date d'inscription : 24/08/2006

Feuille de personnage
Jeu de rôle: Le patriote

ANT BONDYE AK RELIJYON - Ki lès ou pi pito? Empty
MessageSujet: Re: ANT BONDYE AK RELIJYON - Ki lès ou pi pito?   ANT BONDYE AK RELIJYON - Ki lès ou pi pito? EmptyDim 16 Sep 2012 - 19:12

JAF ou wè ke gen yon NÈG ki di ke ""JUNK DNA"" ke yo dekouvri an se yon ""enormous ressource"" ;sa vle di depi yo konprann pou ki sa yo la ;sa ap sèvi anpil ,anpil.
Epitou CRICK ak WATSON se tou lòt jou la a ,an 1953 yo pibliye rechèch sou dekouvèt ""double helix"" lan ,bagay ki pwograme ki jan nou ye an.
Sa poko menm gen 10 zan ke VENTER dekode yon ""genome"".CRICK ak WATSON te fè dekouvèt yo an ,paske yo te gen aksè ak ""electronic microscope"" e VENTER limenm vin gen aksè a ""SIPÈ KONPITÈ"".
Mwen si ke ""in due time "" y ap jwenn poukisa ""junk DNA"" yo la.
Se yon repons mwen t ap eseye bay.Men pou zafè ""ET SIPRÈM"" ,ekzistans ANTITE an ;mwen kwè se yon pèt de TAN ;paske lan opinyon m se senkant kòb ak de gouden si li ekziste ou pa.
Se pou tèt sa ,""en mon humble opinion"" talan ""kominikatè"" w, mwen panse ki konsiderab,san se pa flate m ap flate w,ka ize pou lòt bagay.
Revenir en haut Aller en bas
Le gros roseau
Super Star
Super Star


Masculin
Nombre de messages : 9664
Localisation : Usa
Loisirs : sport ,internet,stock market
Date d'inscription : 21/08/2010

ANT BONDYE AK RELIJYON - Ki lès ou pi pito? Empty
MessageSujet: Re: ANT BONDYE AK RELIJYON - Ki lès ou pi pito?   ANT BONDYE AK RELIJYON - Ki lès ou pi pito? EmptyMar 18 Sep 2012 - 11:20

Kouman pou yon moun fè renmen yon nonm ki chita nan royaume li epi lap tann 99% moun sou la tè mouri poul reveye yo yon jou .jije yo epi ba yo yon pè lebrun eternelman.Chinwa japonè indyen ,afriken mulsuman,boudhist tout a pral pran pè lebrun etenrlman paske yo parekonet jesi kri. se komsi se yon ti boule ki di li pa vle personn pran sa w twouve nan la ri. epi li ale kote yon paket ti moun ap jwe epi li lage yon paket 50 kob a tè, siret, epi apre li di ti moun mwen pral fout bat nou paske mwen te di nou piga nou ranmase bagay a tè, genyen ti moun ki dil kote nou rete pa genyen radyo ni television ki di nou pat janm tande lod saa kote nap viv la ;li di se pa regadem map fout boule nou tout.

ni relijyon ni bon dye se 2 opium ke yo kreye pou moun rich fè pov pè.moun ki rich yo di pov yo: lap pi fasil pou yon chamo pase pa je yon zegwy ke pou yon rich rantre nan royom bon dye e pi tout moun rich yo vle vinn pi rich.Pastè ,pè tout ap batpou yo vinn pi rich pou yo ka fè fornikatyon pi byen nanpwen yonn ki ap vann byen yo pou yo vinn pov.pap la ap bwè bon jan diven malere pa ka menm jwen dlo pou yo bwè an ayiti e an afrik.Mwen panko janm tande yon Pap ki di an nou vann tout ble tablo ki genyen nan vatican pou nou ba pep kap soufri yo manje ak dlo ak swen sante.

PaT Robertson di se ak dyab noiu te fè pak pou nou te soti anba esklavaj blan franseeu se pousa bon dye ap pini nou konsa. ki donk bon dye ye kontan nou te nan esklavaj se sak fè li pat janm okipe nou pandan plisyè syek lè franseeu ,espayol. angle yo tap bat nou ,koupe pye nou si nou chache sove.Ki janm fè rnemen yon papa ki dim sm pa obeyi lap boulem eterneleman ak yon pè Lebrun men ki pa janm nan kay la malgre mwen fè tout vi nou nap mandel poul vini sove nou anba satan kel kreye.Li tou pwisan ,li ka kreye e detwi tout bagay men li kite Satan ak tout pwisans li poul fè nou komet peche de fason poul ka ba nou pè lebrun lè nou mouri.
Revenir en haut Aller en bas
Joel
Super Star
Super Star


Masculin
Nombre de messages : 17047
Localisation : USA
Loisirs : Histoire
Date d'inscription : 24/08/2006

Feuille de personnage
Jeu de rôle: Le patriote

ANT BONDYE AK RELIJYON - Ki lès ou pi pito? Empty
MessageSujet: Re: ANT BONDYE AK RELIJYON - Ki lès ou pi pito?   ANT BONDYE AK RELIJYON - Ki lès ou pi pito? EmptyMar 18 Sep 2012 - 13:37

Pou moun ki pa t wè Pwofil CRAIG VENTER sou 60 MINUTES.
Gade kijan ak elegans li ,misye reponn dènye kesyon repòtè an poze l lan fen entèvyou an.
Pou moun ki pa konnen se CRAIG VENTER ak gwoup SYANTIS ki ap travay pou li yo ,ki an premye DEKODE GENOME lan.
Kounye an ,misye pral pi lwen misye ap kreye ""la vi atifisyèl""

http://www.cbsnews.com/video/watch?id=7369820n&tag=mncol:1st:1
Revenir en haut Aller en bas
Le gros roseau
Super Star
Super Star


Masculin
Nombre de messages : 9664
Localisation : Usa
Loisirs : sport ,internet,stock market
Date d'inscription : 21/08/2010

ANT BONDYE AK RELIJYON - Ki lès ou pi pito? Empty
MessageSujet: Re: ANT BONDYE AK RELIJYON - Ki lès ou pi pito?   ANT BONDYE AK RELIJYON - Ki lès ou pi pito? EmptyMar 18 Sep 2012 - 15:33

mwen pat panse froum saa te enteresan konsa non.
Revenir en haut Aller en bas
jafrikayiti
Super Star
Super Star


Masculin
Nombre de messages : 2236
Localisation : Ottawa
Date d'inscription : 21/08/2006

Feuille de personnage
Jeu de rôle: Bon neg guinen

ANT BONDYE AK RELIJYON - Ki lès ou pi pito? Empty
MessageSujet: Re: ANT BONDYE AK RELIJYON - Ki lès ou pi pito?   ANT BONDYE AK RELIJYON - Ki lès ou pi pito? EmptyMar 18 Sep 2012 - 16:15

Chita pale 60 Minutes fè ak Venter a enteresan vre. Mwen abitye suiv travay Venter epi kontwovès ki gen nan milye syantifik la. Ojis, mwen pi vit ka fè Venter konfyans pase yon seri lot moun ki ap pouse manipilasyon jenetik nan zafè pwodiksyon manje, epi ki pran poz yo ap suiv prekosyon leta tabli yo, pandan an reyalite se Mosanto ak lot konpayi k ap pouse yo pi devan.

Tankou misye di, menmsi li ka gen asirans sa l ap fè a pa gen danje, li pa ka di sa lot moun ap fè san danje.

An reyalite, se yon kafou tou nèf ki louvri devan nou la a. Menm jan nou wè evènman k ap pase alantou Videyo ki pase Mohammed nan betiz yo, ede nou sonje ki jan anpil moun siseptib sou kesyon relijyon an. Se konsa tou, gen lot evenman k ap montre nou lojik relijye a ap oblije bat ba nan anpil sosyete ki te mache opa sou baz relijyon.

Pou kisa sa ta dwe deranje yon moun si yon lot moun di li pa kwè se yon ekstraterès ki te kreye lavi sou latè?

Konsa tou, sa pa deranje m si gen moun ki kontinye kwè mit tout kalite. Lesansyèl se pou nou pa anpeche yon lot moun viv akoz kwayans sa yo.
Revenir en haut Aller en bas
Le gros roseau
Super Star
Super Star


Masculin
Nombre de messages : 9664
Localisation : Usa
Loisirs : sport ,internet,stock market
Date d'inscription : 21/08/2010

ANT BONDYE AK RELIJYON - Ki lès ou pi pito? Empty
MessageSujet: Re: ANT BONDYE AK RELIJYON - Ki lès ou pi pito?   ANT BONDYE AK RELIJYON - Ki lès ou pi pito? EmptyMar 18 Sep 2012 - 19:21

Jaf,

Mon chè mwen pa konn ki jan poum remersye w pou konesans ou fèm fè ak kalite koken chen gason saa ki rele Dr Ray Hagins.Misye genyen yon series ki rele "idiotic concepts of religion" Ke mwen sot ap koute la ki fèm reyalise ke mwen se te yon ti moun ki te entèlijan paske depi lem te konn ap tande prech pastè nan legliz batist o Cap tap fè sou Genesis mwen te konprann ke bagay sa yo pa fè sans.Ankor yon fwa mèsi se vre depi nan ginen bon neg ap ede neg parey yo.Li te tan pou nou retire frè ak sè nou nan esklavaj mantal ssa ke yo rele relijyon an.
Revenir en haut Aller en bas
jafrikayiti
Super Star
Super Star


Masculin
Nombre de messages : 2236
Localisation : Ottawa
Date d'inscription : 21/08/2006

Feuille de personnage
Jeu de rôle: Bon neg guinen

ANT BONDYE AK RELIJYON - Ki lès ou pi pito? Empty
MessageSujet: Re: ANT BONDYE AK RELIJYON - Ki lès ou pi pito?   ANT BONDYE AK RELIJYON - Ki lès ou pi pito? EmptyVen 21 Sep 2012 - 7:59

Citation :
lè m te konn ap tande prèch pastè nan legliz batist o Cap tap fè sou Genesis mwen te konprann ke bagay sa yo pa fè sans

Anreyalite se pa wè tout lot moun yo pa wè koze yo pa fè sans - se yon kondisyonman sikolojik ki koumanse depi ou fèt epi ki kontinye nan anviwonman ou ki fè yo rann li difisil pou yon moun pran chans kesyone bagay sa yo

Sèvo ou di ou se yon estipidite pou yon Ètsiprèm kreye inivè a nan 6 jou apre sa pou li - REPOZE li - Kisa ki rive apre li fin REPOZE li?

Koze kase kot Adan pou kreye Èv - Pèp pi pito - Pèp madichonnen - fann lanmè 2 bout - rete solèy sou kous li - bati moniman ki prèt touche syèl - Tout se bagay sèvo nou te deja alète nou pou di - Otan bagay sa a pa fè okenn sans! Men lè ou sonje presyon sosyal - konsekans kesyonman sa a vin parèt twop devan je ou - epi ou pa poze kesyon demeplè - konsa manti enbesil sa yo kontinye ap pwopaje repete ranfose nan sibkonsyan moun

Se menmman parèyman ak tout imaj blan Ewopeyen sa yo ki lojikman pa ta dwe rantre nan okenn kwayans desandan Afriken - paske si gen yon pèp ki ta dwe konprann divinite pa ta ka asosye ak blan Ewopeyen tousèl - se pèp Afriken ki te kanpe anfas blan esklavajis yo pandan plizyè syèk pou konbat yo sou tout kalite chan batay! Poutan nou remake foto sa yo kanpe kinnalaganach toutpatou nan peyi nou

Kidonk se pa yon kesyon entèlijans - se yon kesyon fos pou konbat presyon sosyal - presyon gwoup
Revenir en haut Aller en bas
Contenu sponsorisé




ANT BONDYE AK RELIJYON - Ki lès ou pi pito? Empty
MessageSujet: Re: ANT BONDYE AK RELIJYON - Ki lès ou pi pito?   ANT BONDYE AK RELIJYON - Ki lès ou pi pito? Empty

Revenir en haut Aller en bas
 
ANT BONDYE AK RELIJYON - Ki lès ou pi pito?
Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
Forum Haiti : Des Idées et des Débats sur l'Avenir d'Haiti :: Haiti :: Espace Haïti-
Sauter vers: