Forum Haiti : Des Idées et des Débats sur l'Avenir d'Haiti
Forum Haiti : Des Idées et des Débats sur l'Avenir d'Haiti
Forum Haiti : Des Idées et des Débats sur l'Avenir d'Haiti
Vous souhaitez réagir à ce message ? Créez un compte en quelques clics ou connectez-vous pour continuer.

Forum Haiti : Des Idées et des Débats sur l'Avenir d'Haiti

FOROM AYITI : Tèt Ansanm Pou'n Chanje Ayiti.
 
AccueilAccueil  GalerieGalerie  PortailPortail  ÉvènementsÉvènements  PublicationsPublications  RechercherRechercher  S'enregistrerS'enregistrer  Connexion  
Le Deal du moment : -35%
Charmast Batterie Externe 23800mAh 4 Sorties et 2 ...
Voir le deal
19.49 €
Le Deal du moment : -42%
Pompe à air électrique et portable ...
Voir le deal
28.99 €

 

 Ann Analize Temwayaj ki nan Rapo Sena a sou Lanmo Jij Joseph

Aller en bas 
AuteurMessage
jafrikayiti
Super Star
Super Star


Masculin
Nombre de messages : 2236
Localisation : Ottawa
Date d'inscription : 21/08/2006

Feuille de personnage
Jeu de rôle: Bon neg guinen

Ann Analize Temwayaj ki nan Rapo Sena a sou Lanmo Jij Joseph Empty
MessageSujet: Ann Analize Temwayaj ki nan Rapo Sena a sou Lanmo Jij Joseph   Ann Analize Temwayaj ki nan Rapo Sena a sou Lanmo Jij Joseph EmptyLun 19 Aoû 2013 - 8:41

Berlens Joseph (alyas Ti Sourit)

” se denpi nan lane 1999 mwen konnen jij la. Li voye m lekòl, mwen rann li sèvis, mwen t ap jere yon sibèkafe pou li, enpi li vin mande m pou m akonpanye l lè l ap monte potoprens… Abitid jij la, nan jou travay, se soti bò 6 zè nan maten li ale nan biwo, jis rive 4-5 kè apremidi. Li pa janm dòmi pòtoprens, se kabarè li dòmi. Se jij la ki toujou kondi machin li, li pa gen chofè.

Souvan se ak Mèt Madisten l ap pale sou konsèy kòman pou l abòde dosye ki konsènen madanm ak pitit Michèl Mateli, ansanm ak minis yo ki dwe parèt nan tribinal.

Nan jedi 11 jiyè 2013 nan maten, jij Sèj te nan tribinal la, li di fòk li ale kabarè, enpi li dwe mande madanm li otorizasyon pou l al rankontre ak minis jistis la menm jou apremidi a. Dwayen an rele jil Sèj bò 2 zè apremidi konsa pou yo pran randevou nan pakè a. Rive nan pakè a, machin dwayen an pa gen ni chofè, ni sekirite, li gen yon kòstim ble sou li, yon chemiz blan ak yon kòl wouj. Motè machin dwayen an te deja ap mache. Dwayen an, se yon moun ki pale sou pwent lang. Machin dwayen an, se yon Nisann patwòl blan ak vit tente. Dwayen an di Sèj, li pa bezwen ale ak sekirite, l ap monte nan machin dwayen an. Li te bò 3 zè, 3 zè edmi nan apremidi… Lè yo deplase, gen 2 lòt machin ki derape dèyè yo.


Lè yo retounen bò 6 zè apremidi konsa, jij Sèj mande m pou m pran diri a ki te nan machin li pou m mete l nan machin dwayen an. Diri a se 10 mamit nan yon sak angrè jo n, ki make agro-sèvis. Pandan nou sou wout pou ale kabarè, m tande jij Sèj pale ak mèt Madisten. M tande jij Sèj di l ap retounen kanada. Li di mèt Madisten se nan biwo mèt Gari Lisad li te rankontre ak otorite yo. M tande l site non minis jistis la Jan Renèl Sanon, prezidan Mateli, premye minis la Loran Lamòt ak yon lòt mesye ankò ki te nan rankont la. Lòt mesye a, se yon mèt, m pa sonje non l. Sou wout la, pandan plizyè fwa telefòn jij Sèj sonnen, m tande l di dwayen, kòmkwa se ak dwayen an l ap pale.

Lè l rive aswè menm jedi a, li di m al achte gatorèd pou li ak yon galon dlo. Pandan lannuit la, li pa janm ka dòmi, li gentan bwè tout galon dlo a, li di m li santi vant li cho.

Nan vandredi 12 jiyè 2013, nan maten, Jij Sèj di m dwayen an di l bezwen l ijan. Pat gen tribinal jou sa lakòz tanpèt Chantal. Lè jij Sèj rive nan tribinal la, li fin pale ak dwayen an, m wè jij Sèj rele plizyè lòt jij pou l pale ak yo, tankou : jij Lama Belizè, jij Wilnè Moren, jij Bèj O. Sipri, majistra Yanik. Li pale ak yon madanm ki pa jij, m tande l rele l Keti ou byen Ketli.

Li te bò 2 zè apremidi jij Sèj di nou prale kabarè, soti kabarè pou n ale lestè. Lè nou rive lestè, li pran madanm li, pitit li Jesika pou nou retounen kabarè, paske jij Sèj te di l pral mennen madanm li kay doktè samdi13 jiyè 2013 nan maten.

Pandan lannuit la, mwen pa dòmi nan menm chanm lan ak Sèj, se Jesika pitit fiy li a, ki gen 11 lane, ki vin rele m nan chanm kote m ap dòmi an, bò inè di maten pou l di m papa l malad. Lè m desann jij Sèj di m l ap mouri, li pa ka pale byen, l ap pèdi langaj li, li poupou sou li, li pipi sou li, li sye anpil, zye l koule dlo, li di l pa wè byen, li wè doub, li eseye pran papye pou l ekri, li pa ka ekri, men l lage, li vin pèdi konesans. Madanm li gentan fè demach machin lapolis. Lapolis di yo pa gen gaz nan machin yo, se nan machin jij Sèj nou blije monte, se pote nou pote jij Sèj ki kontinye poupou sou li, li vomi nan machin li, sou tout rad li ak sou rad nou k ap pote l la. Nou te prale ak li nan lopital Petifrè, men polisye a di lopital Bèna Mez pi pre. Nou rive nan lopital la bò 2 zè edmi dimaten. Yo konsilte l, yo fè analiz pou li. Se sèl souf jij la k ap monte. Apre yo fin fè analiz la, yo di l pral mouri. Se bò 7 tè edmi nan aswè jou samdi 13 jiyè 2013 la jij la mouri nan lopital Bèna Mez. Apre lanmò a, fanmiy lan deside pran mò a pou n rantre ak li lestè pou n mete l nan mòg “Merite”. M pa konnen ki kote mò a ye konnyè a.

Ketly Julien

” Nan kad apui ak kabinè enstriksyon yo pou yon òganis founi materyèl biwo ak sèvis entènèt, mwen te twouve m nan tribinal premye enstans pòtoprens la jou vandredi 12 jiyè 2013 bò midi edmi konsa. Jij Sèj te nan kare dwayen an, lè m kwaze ak li. Lè m gade l, li di m li bezwen m ijan, jodya menm. Mwen al fè ti pale ak li nan koulwa a.

Mwen di l : m pa konprann vizaj ou, sanble w malad, ou merite yon ti repo. Mwen wè vizaj li blèm, tankou yon moun ki fatige anpil. Mwen di l m pa ka rete. Li ensiste, li di m se jodya pou n pale. Mwen di l m ap retounen pita. Efèktivman mwen retounen, li te deja bò 2 zè edmi nan apremidi menm jou vandredi 12 jiyè a nan biwo jij Sèj. Grefye a te absan. Li di m te gen yon premye rankont nan semenn lan pou planifye yon lòt rankont ak minis jistis la nan biwo mèt Gari Lisad. Mwen reponn li : m pa kwè w te ale nan rankont la Sèj. Li di m : pitit, m nan ka, se bagay lanmò. Li di m, se pa sèlman mèt Gari Lisad ki te nan rankont la ak minis jistis la. Te genyen tou prezidan an Michèl Mateli, ak premye minis la Loran Lamòt.

Li di se premye fwa m twouve m nan sitirasyon parèy. Li di pandan Michèl Mateli ap pale ak li, li fè eksprè krache ki soti nan bouch Mateli ap tonbe sou vizaj mwen, enpi l ap pase dwèt li devan vizaj mwen pandan l ap fè m menas, ak tout kalite pawòl pou eseye imilye m.

Jij Sèj kontinye pou l di m, li eseye eksplike yo dosye a pa nan men l ankò, men yo egzije l pou l mete bout nan dosye a pou pita madi 16 jiyè 2013 la. jij Sèj rakonte m, se sèlman mèt Gari Lisad ki te yon ti jan pran pitye pou li, apre sa, tout lòt yo te agresif ak li. Pou sa ki konsènen Mateli, li te mechan ak anpil move pawòl. Alòs mwen menm Ketli, mwen mande jij Sèj, kòman li te fè ale nan rankont la. Li reponn mwen, se Dwayen Remon Jan-Michèl ki te konseye l, ki te akonpanye l, enpi se nan machin dwayen an ansanm ak dwayen an li te ale.

Enpi li di m : Ketli, m santi m ka mouri. Gen bagay ki pi grav toujou, Se lòd yo pase dwayen an ki dakò pou dosye a fini madi 16 jiyè 2013. Sèj kontinye pou l di : Alò, m t ap gade kòman m te ka kontoune kesyon an, pou m te ka mande moun yo, kidonk ‘Sofya ak Olivye Mateli, ansanm ak Minis yo pou yo ta desann nan tribinal la pou m ta fè yo peye amand si yo pa vini, enpi m ta chèche yon jan pou depoze dosye a.

Alò, mwen Ketli, m pwopoze jij Sèj, pou m ekri tout deklarasyon l yo sou papye, mwen antann ak li m ap anrejistre l, m ap filme l enpi pou m gaye dosye a nan laprès pou pwoteksyon l…. Li dakò. Nou pran randevou pou m pase lakay li lestè jou samdi 13 jiyè 2013 bò 8 tè nan maten….. Anvan lè samdi 8 tè maten rive, mwen rele Jij Sèj, se yon dam ki reponn pou di Jij Sèj malad, li lopital. Alò mwen rele dwayen Remon Jan Michèl. Li pa reponn. Mwen rele l ankò, li pa reponn. Se jis dimanch 14 jiyè 2013 dwayen an rele m pou l di se legliz li te ye, se sa ki fè l pat ka reponn. Mwen tou pwofite di dwayen an, jij Sèj te gentan di m se li menm dwayen an ki te òganize rankont la, enpi se li menm dwayen an ki te akonpanye Sèj nan rankont la. Dwayen an pa reponn anyen. Li pito pale de dosye materyèl biwo ak entènèt nou te tanmen pale vandredi a. Mwen rele jij Bèna Senvil ki di m wi, li konfime se dwayen an ki mennen jij Sèj nan rankont lan. Jij Bèna Senvil menm dakò ak mwen fòk gen komisyon ankèt ki monte pou fikse responsablite yo….

Mwen menm Ketli, mwen pa t ap pale nan radyo. Se lè m tande deklarasyon dwayen Remon Jan Michèl nan radyo, kote l deklare pat janm gen rankont, mwen santi m endiye, se sa ki fè nan dat madi 16 jiyè 2013 mwen deside di tout sa m konnen de dosye a nan radyo. Mwen dispoze parèt devan tribinal pou m temwaye..

Doyen Raymond Jean Michel : “ mwen resevwa nou ak yon doub chapo : kòm majistra asi, ak kòm administratè…

Asiz kriminèl louvri nan dat 08 jiyè 2013. Jij Sèj vini kote m pou l di m li bezwen m nan dat madi 9 jiyè 2013 nan biwo m pandan m ap resevwa jire yo ak tout difikilte sa reprezante. Jij Sèj ensiste pou l di m se ijan, enpi se konfidansyèl, paske se yon sitiyasyon ki dwòl.. Li te anviwon 10 zè 30 nan maten.. Mwen pwopoze l pou n ale yon kote pou n pale, san sekirite, san chofè. Nou ale, bò midi edmi konsa, nan tèminis ri pave nan ansyen tribinal travay la. Jij Sèj rakonte m li viktim de otorite deja, kote nou ye a pa ofri ase sekirite pou n pale, pito nou ale lòt kote. Alò, mwen ale ak li nan rèstoran Table de Cajus, dèyè mize a. Jij Sèj poze m kesyon pou l mande m, èske m pa resevwa okenn kout fil. Mwen reponn : non. Jij Sèj di m Mèt Nyoutonn Senjis ak mèt Andre Michèl evoke atik 400 an, sepandan avoka gouvènman an pa replike pou di pèsonaj sayo pa ka deplase konsa. Lè n fin pale, nou retounen nan pakè a, nou pa manje nan restoran an.

Nan dat mèkredi 10 jiyè 2013, bò inè apremidi, batonye a di nou dwe fè yon bagay, paske ministè edikasyon dekrete alèt wouj lakòz ouragan Chantal. Mwen blije sispann tout odyans pou 48 èdtan. Mwen rantre lakay mwen bò 3 zè edmi nan apremidi. Radyo m koute, se radyo Alelouya FM.

Nan dat jedi 11 jiyè 2013 bò 9 vè nan maten, CSPJ rele m pou l otorize m reprann aktivite tribinal la. Nan anviwon 10 zè edmi nan maten, CSPJ rele ankò pou verifye si m rive nan tribinal la.

Bò inè edmi pou rive 2 zè apremidi, Jij Sèj rele m, li di m l ap vini kote m. Li te nan biwo a deja denpi maten, li te ale. M pat wè l. Lè jij Sèj rive nan pakè a, li te bò 3 zè 25 apremidi, li gare machin li. Mèt Rigo Diplan te nan pakè a, men l pat wè m. Bò 3 zè 35 nan apremidi, jij Sèj monte nan machin mwen, enpi l di m ann ale menm ti kote a ankò, kivledi nan restoran Table de Cajus. Jij Sèj poze m menm kesyon an ankò, èske m pa janm resevwa okenn apèl ni dirèk ni endirèk ki soti nan pouvwa egzekitif la. Mwen reponn li : non. Nou pase apeprè 15 a 20 minit nan paking restoran an ki pat gen anpil machin, enpi nou retounen nan pakè a. Nou pa janm rantre anndan restoran an. Lè n retounen, mwen depoze jij Sèj nan paking tribinal la, enpi 2 mesye yo ki te ak li yo mete yon sak ki gen 10 mamit diri, soti nan machin li pou mete nan machin mwen.

Nan dat vandredi 12 jiyè 2013, bò inè edmi nan apremidi, mwen rankontre nan pakè a ak Ketli Jilyen ansanm ak Jaklin Chal, moun Miyami Erald sou pwojè finansman materyèl biwo ak entènèt. Se IMED ak USAID ki ofri finansman an. Jij Sèj rantre plizyè fwa omwen 7 a 8 fwa nan biwo a pandan m ap pale ak medam yo.

Vè 3 zè 25 nan apremidi menm jou vandredi 12 jiyè a, jij Sèj rele m pandan m te nan tribinal la, pou l di m li ale lestè. Li bay mwen nimewo telefòn prive madanm li. Mwen kite biwo m bò 4 trè edmi pou rive 5 kè apremidi, enpi mwen rive lakay mwen bò 5 kè edmi pou rive 6 zè aswè. Ant 6 zè edmi ak 7 tè aswè mwen ale legliz. Se nan legliz batis Chekina, nan dèlma 33 m mache. M pa konn bwè gwo alkòl, menm konn bwè ti byè Prèstij mwen, ak yon byè ki rele “prezidennte”

Nan dat samdi 13 jiyè 2013 nan maten mwen mennen madanm mwen al priye gantye boje. Mwen rele jij Sèj, mwen pa jwenn li. Mwen rele ankò, se yon vwa fanm ki reponn, se madanm jij la ki di m jij la mete telefòn li nan chaj, lè l retounen l ap rele m, li te deja 9 vè 30 nan maten. Mwen rele ankò, san repons. Apre m ensiste, yo reponn mwen pou di m jij Sèj lopital Bèna Meuz. Lè sa li te 11 zè edmi nan maten. Mwen di m ap vin wè l lopital la. Antretan, mèt Madisten rele m pou l enfòme m sou maladi jij Sèj, li di m se emoraji ki pi pre lanmò. Bò 8 tè 45 nan aswè yo rele m pou di m jij Sèj mouri. Mwen rele mèt Madisten ki konfime m lanmò a.

Dimanch 14 jiyè 2013, mwen rele Ketli Jillyen ki di m jij Sèj te di l se mwen ki te mennen l nan yon rankont ki gen prezidan Mateli ladan l, alòske se pandan 2 sèl fwa m rankontre ak prezidan Mateli. Se nan dat 17 oktòb 2012 nan seremoni pon wouj la ak nan dat 26 desanm 2012 pou m te al salye prezidan an. Anplis, mwen jij denpi lane 2001, mwen ponkò janm ale nan kabinè mèt Gari Lisad. Mwen nome sibstiti komisè pòtoprens nan dat 9 oktòb 1976, apresa nan tribinal travay nan dat 10 jen 2001, apresa jij syèj nan tribinal sivil nan dat 31 janvye 2003, enpi m nome dwayen nan dat 16 mas 2012.
M pa janm konnen jij Sèj soufri okenn maladi.

Maitres Bernard St. Vil et Berge O. Surpris : Jij Sèj te ale nan rankont la. Nan rankont la, jij Sej di se yon sèl moun ki te mwen agresif, se mèt Gari Lisad, apresa tout lòt yo te brital. Li manifèste dezi pou l retounen kanada. Li te mande pou l syeje madi 16 jiyè 2013 pou l te eseye retounen sou desizyon l te deja pran. Li te mande nou konsèy si l posib pou l retounen sou desizyon an. Nou te di l li pat dwe ale nan reyinyon an. Jij Sèj te panike, li pale ak tout moun sou dosye a, menm moun ki pa nan domèn dwa. Li rele Fanfan. Gen plizyè moun ki te wè lè l te prale nan reyinyon an, tankou Fatal, tankou polisye Djonni

Rachelle Acélat Joseph : “ nan dat jedi 11 jiyè 2013 la, Sègo al nan travay. Li rele m bò 2 zè apremidi pou l di m li pral nan reyinyon lakay mèt Gari Lisad, pou l al rankontre ak minis jistis la. Mwen di l pa ale. Li di m pa enkyete m paske se dwayen an k ap mennen l, li fè dwayen an konfyans. Lè l sot nan rankont la, li rele m bò 7 tè aswè. Nan aswe jou jedi a Sègo rele m li di m li pa ka rakonte m sa k pase nan reyinyon an kounye a paske li sispèk gen moun kap koute sa lap di nan telefòn li an. Li dim lap prete yon lot telefòn pou l ka rele m. Li al dòmi kabarè.

Vandredi 12 jiyè 2013, Sègo al nan travay. Lè l vin chèche nou lestè nan apremidi, menm vandredi 12 jiyè a, moun ki te nan machin lan, se mwen menm madanm li, m chita dèyè ak pitit nou an Jesika, ansanm ak Andèson ki te vin desann machinn lan lè l rive boudèt, enpi ti Sourit chita devan. M te gen pou m ale kay yon doktè dèmatològ nan samdi maten 13 jiyè. Denpi vandredi apremidi li te kòmanse rakonte m sa k te pase jou jedi nan reyinyon an. Li di m nan apremidi jou jedi 11 jiyè a, dwayen an bouke rele l pou mande l kote l ye, paske moun yo ap tann li. Li di m, li mande dwayen an ki kote moun yo ap tann li, eske se nan pakè a. Dwayen an reponn pou di non se pa nan tribinal la, se nan kabinè mèt Gari Lisad. Lè Sègo rive nan tribinal la, li di m dwayen an te deja sou volan machin li, enpi dwayen an di l pa ka ale ni ak chofè ni ak sekirite. Li di m se yo 2 sèl ki te nan machin lan. Ti Sourit ak Djonni rete ap tann li nan pakè a. Li di m lè l rive nan reyinyon an li wè mèt Gari Lisad, minis Jistis la Jan Renèl Sanon, Michèl Mateli, Loran Lamòt ak mèt Vandal. Li di m, Mateli agrese l pou l di l : ki bò w konn wè madanm ak pitit prezidan al jije. Minis jistis la li menm, li di se mèt Vandal ki lakoz, paske l te mal plede dosye a. Sègo di anfas presyon l ap pran, li blije dakò l ap fè yon koreksyonèl espesyal pou pase dosye a jou madi 16 jiyè 2013 la. Lè l fin dakò a, mesye yo mande l kisa l ap bwè. Li reponn li pa bezwen anyen. Dwayen an di : « ou ka bwè yon ti bagay, paske m konnen w renmen Sòmting. » Mwen di l, li pat dwe bwè ni manje nan men moun sayo. Enpi l reponn pou l di m : mwen deja bwè l. Apresa Sègo di m li pa santi l ka kontinye rete dòmi menm kote li abitye dòmi yo, li santi lavi l andanje, li vle retounen ale nan peyi kanada. Anvan l te kite rankont la, Sègo di m mèt Gari Lisad renmèt li yon ti kat ki gen adrès ak nimewo telefòn li. Mèt Gari Lisad ekri ak bik, yon nimewo espesyal sou kat la menm lè a, anvan l renmèt li kat la.

Nan aswè vandredi a, li te vle nou ale nan relasyon seksyèl, men m pat vle. Mwen kouche sou yon ti kabann ak Jessica, Sègo li menm, li kouche sou yon lòt kabann tou pre. Pandan lannuit la, bò inè dimaten konsa, Sègo leve pou l al pipi, m tande bokit la tonbe yon premye fwa, pandan l bese pou l pran bokit la, bokit la tonbe ankò. Mwen gentan leve pou m soutni l, paske l panche pou l tonbe, mwen mete l sou kabann mwen te kouche a. Lang li vin lou. Mwen rele mèt kay la ki rete tou pre. Mwen fè Jesika gentan al rele ti Sourit ki dòmi nan chanm anlè a, enpi m ale nan komisarya polis la pou m jwenn sekou pou m jwenn machin pou mennen m ak Sègo lopital. Machin polisye yo pa gen gaz, mwen bay yo kle machin Sègo a. Pandanstan, Sègo poupou sou li, li vomi, li sye anpil. Mwen rele plizyè nan fanmiy li ki nan peyi kanada ak nan peyi dayiti. Gen nan fanmiy ki di m ale nan lopital kanape vè ak li, gen lòt ki konseye m ale lopital Petifrè ak Sè ou byen lopital kominotè. Gen yonn nan polisye yo nan machin lan ki di m lopital Bèna Meuz la pi pre, al ladan l pou premye swen.

Chak ane Sègo toujou fè tout kontwòl kò l. Li pa janm soufri ni tansyon, ni sik, ni kolèstewòl. Doktè Sèj Vètilis konn kontwole tou.

Lè l rive lopital Bèna Meuz la, li kontinye vomi, yo pran san pou fè analiz, yo di l pa soufri sik ni kè, se tansyon l ki wo. Yo bay li piki, yo mete sewòm pou li. Sègo mouri, Sègo pèdi lavi l

Mezanmi, se mwen ak Jesika ki pèdi…. Tanpri ede m jwenn jistis souple…..


Dernière édition par jafrikayiti le Lun 19 Aoû 2013 - 12:40, édité 1 fois
Revenir en haut Aller en bas
jafrikayiti
Super Star
Super Star


Masculin
Nombre de messages : 2236
Localisation : Ottawa
Date d'inscription : 21/08/2006

Feuille de personnage
Jeu de rôle: Bon neg guinen

Ann Analize Temwayaj ki nan Rapo Sena a sou Lanmo Jij Joseph Empty
MessageSujet: Re: Ann Analize Temwayaj ki nan Rapo Sena a sou Lanmo Jij Joseph   Ann Analize Temwayaj ki nan Rapo Sena a sou Lanmo Jij Joseph EmptyLun 19 Aoû 2013 - 8:43

Annou li detay chak temwanyaj sa yo pou nou ka eseye konprann ki lès k ap bay manti, ki lès k ap di verite nan dosye grav sa a...

Jaf
Revenir en haut Aller en bas
Marc H
Super Star
Super Star
Marc H

Masculin
Nombre de messages : 9760
Localisation : Quebec
Opinion politique : Démocrate
Loisirs : soccer
Date d'inscription : 28/08/2006

Feuille de personnage
Jeu de rôle: Le voyeur

Ann Analize Temwayaj ki nan Rapo Sena a sou Lanmo Jij Joseph Empty
MessageSujet: Re: Ann Analize Temwayaj ki nan Rapo Sena a sou Lanmo Jij Joseph   Ann Analize Temwayaj ki nan Rapo Sena a sou Lanmo Jij Joseph EmptyLun 19 Aoû 2013 - 12:22

jafrikayiti a écrit:
Annou li detay chak temwanyaj sa yo pou nou ka eseye konprann ki lès k ap bay manti, ki lès k ap di verite nan dosye grav sa a...

Jaf
Eske Amnisti international genyen kopi temwanyaj sayo. li ta bon ke nou bay yo'l ak tradisyon an francè pou yo ede'n nou fe suit necesè tankou ansyen premye ministre Alexis konseye nou fè.
Revenir en haut Aller en bas
jafrikayiti
Super Star
Super Star


Masculin
Nombre de messages : 2236
Localisation : Ottawa
Date d'inscription : 21/08/2006

Feuille de personnage
Jeu de rôle: Bon neg guinen

Ann Analize Temwayaj ki nan Rapo Sena a sou Lanmo Jij Joseph Empty
MessageSujet: Re: Ann Analize Temwayaj ki nan Rapo Sena a sou Lanmo Jij Joseph   Ann Analize Temwayaj ki nan Rapo Sena a sou Lanmo Jij Joseph EmptyLun 19 Aoû 2013 - 12:51

Odela enpotans pou oganizasyon entènasyonal jwenn temwanyaj sa yo, se pou moun ki gen emisyon radyo, li temwanyaj sa yo pou ede chak sitwayen konnen kisa moun yo deklare ak pwop bouch yo, epi eseye konprann sa k ap pase nan peyi yo.

Nan kafou Ayiti ye la a, sa ki pi enpotan se pou Ayisyen sispann aji tankou zonbi devan reyalite peyi li.

Yon rapo konsa te dwe disponib an KREYOL depi okomansman jouk nan rekomandasyon. Zafè pwodui yon dokiman ki gen moso franse, moso Kreyol la se yon sentom maladi k ap wonje sosyete a. Se pou neg yo depanse lajan sa mande pou rapo a konplè nan tout lang ki ka itil.

Antouka, mwen ap ankouraje nou li diferan temwanyaj yo epi analize yon seri eleman tankou diferans ant sa Dwayen Jean Michel di - komkwa se Jij Sej ki t ap plede rele li mande li rankont....tandiske selon lot temwen yo se okontrè Dwayen an ki t ap plede rele Jij Joseph pou di li "moun yo" ap tann li. Gen omwens yon mantè sou kesyon sa a. E relve telefon selilè ta sipoze ede rezoud ti kesyon sa a byen vit. Dwayen an di se pou 15-20 minit yo te pale nan estasyonman restoran an, tandiske Ti Sourit di se jis vèzon 6è edmi yo retounen nan estasyonman pakè a. Kidonk, se te yon rankont ki te dire plizyè èd tan. Se swa Ti Sourit ap bay mantio oubyen Dwayen an ap bay manti.

Gen anpil lot eleman ki merite analize tankou ki opotinite moun ki temwanye yo te genyen pou youn te pale ak lot anvan yo rankontre komisyon an epi pou temwanyaj youn enfliyanse pèsepsyon lot.....kontradiksyon ant sa yo rakonte bay komisyon an ak lot deklarasyon yo ta fè nan laprès elatriye...

Tout jan rapo sa a merite atansyon serye. Se pa voye monte k ap wete n nan sezon lobèy nou anbreye la a!

Jaf
Revenir en haut Aller en bas
Marc H
Super Star
Super Star
Marc H

Masculin
Nombre de messages : 9760
Localisation : Quebec
Opinion politique : Démocrate
Loisirs : soccer
Date d'inscription : 28/08/2006

Feuille de personnage
Jeu de rôle: Le voyeur

Ann Analize Temwayaj ki nan Rapo Sena a sou Lanmo Jij Joseph Empty
MessageSujet: Re: Ann Analize Temwayaj ki nan Rapo Sena a sou Lanmo Jij Joseph   Ann Analize Temwayaj ki nan Rapo Sena a sou Lanmo Jij Joseph EmptyLun 19 Aoû 2013 - 13:40

Jaf
Mwen dako ave'w 100% ,

men poukisa mwen insiste sou pataj infomasyon ak intènasoynal nan. Paske se yo ki kontrole ayiti pendan nap pale la . Paske se yo tou ki te mete Martelly nan Palè.

Se vre fok nou infome tout ayisien sou sak kap pase an ayiti jounen jodia an . se sel fason nou ka sansibilize nan desod kap fett an ayiti sou Martelly .Mwen konprann et aprouve demach sila.

Lit sa fok menen byen. Fok nou fè presyon sou donneu d'ordre MArtelly yo .

Map gade agiseman MArtelly ak konparey li yo e sa fè mwen anpil pou'm wè kouman prezidan an pa bay okenn inpotans ak sak kap di an ayiti. Se banboche lap banboche ak lajan ayiti.

Revenir en haut Aller en bas
Marc H
Super Star
Super Star
Marc H

Masculin
Nombre de messages : 9760
Localisation : Quebec
Opinion politique : Démocrate
Loisirs : soccer
Date d'inscription : 28/08/2006

Feuille de personnage
Jeu de rôle: Le voyeur

Ann Analize Temwayaj ki nan Rapo Sena a sou Lanmo Jij Joseph Empty
MessageSujet: Re: Ann Analize Temwayaj ki nan Rapo Sena a sou Lanmo Jij Joseph   Ann Analize Temwayaj ki nan Rapo Sena a sou Lanmo Jij Joseph EmptyLun 19 Aoû 2013 - 13:52

Options

Jafrikayiti Jean Elissaint Saint-Vil
KLIKE POU OU KOUTE
http://cod.ckcufm.com/programs/36/13226.html


Ayiti, apre dans... - Rendez-vous Haitien Playlist - 2013-08-18
cod.ckcufm.com
Nan emisyon sa a, jenn Ayisyen sou channmas bay opinyon yo sou Carnaval des Fleurs 2013. Jafrikayiti pale ak Majistra North Miami, Lucie Tondreau. Yon jenn pwofesyonel nan Fondasyon Dokte Aristide pou Demokrasi ki rele Hebreux prezante travay Ligue des Jeunes. Jafrikayiti li kek temwanyaj nan rapo k...
Revenir en haut Aller en bas
Joel
Super Star
Super Star


Masculin
Nombre de messages : 17053
Localisation : USA
Loisirs : Histoire
Date d'inscription : 24/08/2006

Feuille de personnage
Jeu de rôle: Le patriote

Ann Analize Temwayaj ki nan Rapo Sena a sou Lanmo Jij Joseph Empty
MessageSujet: Re: Ann Analize Temwayaj ki nan Rapo Sena a sou Lanmo Jij Joseph   Ann Analize Temwayaj ki nan Rapo Sena a sou Lanmo Jij Joseph EmptyLun 19 Aoû 2013 - 14:59

monhaiti a écrit:
jafrikayiti a écrit:
Annou li detay chak temwanyaj sa yo pou nou ka eseye konprann ki lès k ap bay manti, ki lès k ap di verite nan dosye grav sa a...

Jaf
Eske Amnisti international genyen kopi temwanyaj sayo. li ta bon ke nou bay yo'l ak tradisyon an francè pou yo ede'n nou fe suit necesè tankou ansyen premye ministre Alexis konseye nou fè.
[b]

monhaiti

Sa pa yon pwoblèm ankò ;lan zafè ke bagay lan an KREYÒL.Tradiksyon GOOGLE TRANSLATE yo de pliz an pli KLÈ epitou gen plis MOUN ki pale ou byen ki konprann KREYÒL ke w ta sipoze.
Bagay ki ekri an KREYÒL sèlman de mwenzanmwen yon PWOBLÈM /b]
Revenir en haut Aller en bas
Marc H
Super Star
Super Star
Marc H

Masculin
Nombre de messages : 9760
Localisation : Quebec
Opinion politique : Démocrate
Loisirs : soccer
Date d'inscription : 28/08/2006

Feuille de personnage
Jeu de rôle: Le voyeur

Ann Analize Temwayaj ki nan Rapo Sena a sou Lanmo Jij Joseph Empty
MessageSujet: Re: Ann Analize Temwayaj ki nan Rapo Sena a sou Lanmo Jij Joseph   Ann Analize Temwayaj ki nan Rapo Sena a sou Lanmo Jij Joseph EmptyLun 19 Aoû 2013 - 15:09

Mèsi Joel, men kite'm di'w ke traduksyon google yo pa bon. yo mal fett

Mwen ta prefere wou pale de dosye Jij lan ke lanj kreol. Kouman wou ka eden'nou avanse ak dosye sa .
mèsi pou konpreyansyon'w
Revenir en haut Aller en bas
Joel
Super Star
Super Star


Masculin
Nombre de messages : 17053
Localisation : USA
Loisirs : Histoire
Date d'inscription : 24/08/2006

Feuille de personnage
Jeu de rôle: Le patriote

Ann Analize Temwayaj ki nan Rapo Sena a sou Lanmo Jij Joseph Empty
MessageSujet: Re: Ann Analize Temwayaj ki nan Rapo Sena a sou Lanmo Jij Joseph   Ann Analize Temwayaj ki nan Rapo Sena a sou Lanmo Jij Joseph EmptyLun 19 Aoû 2013 - 16:01

Se pa de LANG KREYÒL m ap pale.Mwen fè EKSPERYANS GOOGLE yo.Yo pa si mal ke sa.
Mwen konn tradwi JOUNAL BREZILYEN yo an KREYÒL.Mwen konn konprann yo e mwen pa pale PÒTIGÈ.

Sa mwen vle di tou sè ka si yon BAGAY an KREYÒL ,pa konprann Òganizasyon entènasyonal yo pa p konprann yo
Revenir en haut Aller en bas
jafrikayiti
Super Star
Super Star


Masculin
Nombre de messages : 2236
Localisation : Ottawa
Date d'inscription : 21/08/2006

Feuille de personnage
Jeu de rôle: Bon neg guinen

Ann Analize Temwayaj ki nan Rapo Sena a sou Lanmo Jij Joseph Empty
MessageSujet: Re: Ann Analize Temwayaj ki nan Rapo Sena a sou Lanmo Jij Joseph   Ann Analize Temwayaj ki nan Rapo Sena a sou Lanmo Jij Joseph EmptyLun 19 Aoû 2013 - 19:42

Mezanmi, gen anpil bagay grav ki soulve nan dokiman sa a. M ap fè nou remake anplis temwanyaj mwen repwodui pi wo a, gen plizyè lot ki nan dokiman an, san bliye Minis Jistis la ki limenm tou deklare swadizan rankont 11 jiyè a se zèv imajinasyon opozan gouvènman an. Nou va founi je gade temwanyaj sa ak plizyè lot anko pi douvan.

Pou kounye a, m ap attire atansyon nou sou kèk lot fraz nan dokiman an ki merite nou analize yo byen analize. Annou li:

Citation :
un des témoins raconte que le lundi 08 Juillet 2013, en rentrant à Port-au-Prince, le juge a été stoppé sur la route nationale # 1, à hauteur de l’Arcahaie, par une véhicule tout terrain, pick-up de couleur blanche. Il s’est arrêté un peu plus loin que l’autre véhicule qui se positionnait dans la direction du Nord mais sur le côté de la circulation allant vers le Sud. Ainsi, les deux véhicules se trouvaient sur le côté de la circulation allant vers le Sud.

Alors, le tout terrain de couleur blanche qui se positionnait vers le Nord a fait demi tour et est revenu s’arrêter juste à côté du véhicule du juge. Le chauffeur fait baisser sa portière droite et s’adresse au juge qui a fait baisser sa portière gauche : « Tu m’empêches de dormir, pas vrai ? » Une conversation s’ensuivit au cours de laquelle de sérieuses menaces ont été proférées à l’égard du juge. Il arrive que ce chauffeur a été identifié comme étant le président Martelly lui-même. Il était au volant et avait deux agents de police en uniforme de l’USGPN à l’arrière. L’un d’eux a photographié les trois occupants du véhicule du juge.

Après la série d’injures et de menaces, le véhicule est reparti vers le Sud, mais le juge eberlué ne pensait qu’à sa mort. Il a confié à son agent de sécurité Johnny et à son cousin Berlens qu’ils étaient sur le point de mourir.

Ce jour-là, le juge qui ordinairement allait à son bureau en longeant la Route Neuve, puis le Boulevard La Saline et l’Avenue Harry Truman jusqu’au palais de justice au Bicentenaire, a du emprunter la nationale # 1 jusqu’au centre-ville évitant ainsi la Route Neuve puisque le chauffeur du véhicule de l’Arcahaie lui avait dit : « Je m’informe de tous tes déplacements, de tes horaires, et de tes démêlés. Tu ferais mieux de régler cette affaire au plus vite pour que ma famille retrouve son calme. Tu ne sais pas que j’aime mon épouse et mes enfants ? »
Sous:  Rapport de la Commission spéciale d‟enquête sur la mort troublante du Juge Jean Serge Joseph http://www.radiokiskeya.com/spip.php?article9711

Ki lès ki bay temwanyaj sa a? Pou kisa yo pa bay presizyon sa a nan rapo Sena a?

Si sa ki ekri la a se verite, sa ta vle di non sèlman Martelly ap bay manti lè li di li pa janm te rankontre Jij la, men se plizyè fwa li te fè malere a menas. 8 jiyè, se 3 jou anvan swadizan rankont 11 jiyè a. Èske se premye seri menas 8 jiyè yo ki esplike panik te gen tan anpare ni Jij Jean Serge Joseph, ni Dwayen an ki t ap plede mande misye pou yo rankontre pou klase dosye a vit-e-prese?

E si Martelly panike nan eta sa a, jiskaske l ap riske pran volan machin ale fè moun menas piblik, devan plizyè temwen tankou polisye ki te avèk li yo, sa vle di misye pèdi loloj li, osnon li sou enfliyans gwo dwog. Sanbletil, Komisyon an pa te kapab kesyone polisye Martelly yo. Si se sa, nou anfas yon sitiyasyon ekstrèmman grav e mesyedam yo te dwe pran tout dispozisyon pou asire sekirite polisye sa yo ki vin tounen temwen jenan nan koze sa a.

Tout jan ou vire lobèy sa a, se voksal sou voksal...

Jaf
Revenir en haut Aller en bas
Marc H
Super Star
Super Star
Marc H

Masculin
Nombre de messages : 9760
Localisation : Quebec
Opinion politique : Démocrate
Loisirs : soccer
Date d'inscription : 28/08/2006

Feuille de personnage
Jeu de rôle: Le voyeur

Ann Analize Temwayaj ki nan Rapo Sena a sou Lanmo Jij Joseph Empty
MessageSujet: Re: Ann Analize Temwayaj ki nan Rapo Sena a sou Lanmo Jij Joseph   Ann Analize Temwayaj ki nan Rapo Sena a sou Lanmo Jij Joseph EmptyLun 19 Aoû 2013 - 22:44

Jaf

Sa se kote manfouben ayisien sa ki fè Ayiti konsa . Kouman yon profesyonel tankou JIJ Joseph ki etidye Montreal fè tonbe nan tenten konsa. Poukisa li pat avèti publik tout bagay sayo , de tout menas sa yo lap sibi. Li pa pran okenn foto. Je m'arrête la.C'est trop frustrant .

Revenir en haut Aller en bas
jafrikayiti
Super Star
Super Star


Masculin
Nombre de messages : 2236
Localisation : Ottawa
Date d'inscription : 21/08/2006

Feuille de personnage
Jeu de rôle: Bon neg guinen

Ann Analize Temwayaj ki nan Rapo Sena a sou Lanmo Jij Joseph Empty
MessageSujet: Re: Ann Analize Temwayaj ki nan Rapo Sena a sou Lanmo Jij Joseph   Ann Analize Temwayaj ki nan Rapo Sena a sou Lanmo Jij Joseph EmptyLun 19 Aoû 2013 - 23:13

Marc, fok ou pa nayif non kanmarad, Jij la gen dwa fè anpil erè vre men, nan sikonstans misye t ap opere la a, se pa senp denonsiyasyon ki t ap bay rezilta.

Pa bliye jan eskadwon lanmo te rantre anndan Legliz Sakrekè gwo lajounen, yo poze zago yo sou defen Antoine Isméry, devan je tout "obsèvatè entènasyonal", yo ekzekite Izméry epi lage kadav li nan lari a....epi, apre anpil efo pou arete epi jije kriminèl yo, se lave men siye atè. Granmesi GNB, se menm kriminèl sa yo ki opouvwa nan moman an.

Kolon an ap pwoteje tchoul li yo, jiskaske li jwenn bon rezon pou li deklare dat ekspirasyon yo rive, epi li ranplase yo ak lot payaya parèy yo.

Jisteman, gade analiz yon lot konpatriyot ekri sou dosye a:
Citation :

Les États-Unis d’Amérique, la France, le Canada, et, à un degré moindre, le Brésil, s’investissent énormément dans cette énième occupation illégale d’Haïti sous couvert humanitaire – hyperbole des néo colons, des pharisiens qui font de l’or leur dieu. Mais les vraies raisons, on les connait toutes déjà. Pour maintenir et ne pas perdre le contrôle de leur sale entreprise, il leur faut trouver les moins scrupuleux des citoyens de la Nation pour en faire des commandeurs. C’est ce qui explique la présence de Joseph Michel/MichaelMartelly et Co. au pouvoir aujourd’hui. Et, jusqu’à date, les néo colons ne se sont pas trompés et n’ont pas à se plaindre, car leurs chiens de garde nationaux leur obéissent à l’œil et au doigt, leur permettant de se conforter dans le pillage en catimini des richesses du pays. Jamais dans l’histoire de la nation haïtienne un gouvernement ne se montre aussi insensible à l’honneur national.

Alors, les maitres ne se doivent-ils pas de protéger à tout prix leurs vils commandeurs ?

http://moycorner.wordpress.com/2013/08/15/la-mort-du-juge-jean-serge-joseph-et-si-les-maitres-veulent-proteger-leurs-commandeurs/
Revenir en haut Aller en bas
Marc H
Super Star
Super Star
Marc H

Masculin
Nombre de messages : 9760
Localisation : Quebec
Opinion politique : Démocrate
Loisirs : soccer
Date d'inscription : 28/08/2006

Feuille de personnage
Jeu de rôle: Le voyeur

Ann Analize Temwayaj ki nan Rapo Sena a sou Lanmo Jij Joseph Empty
MessageSujet: Re: Ann Analize Temwayaj ki nan Rapo Sena a sou Lanmo Jij Joseph   Ann Analize Temwayaj ki nan Rapo Sena a sou Lanmo Jij Joseph EmptyLun 19 Aoû 2013 - 23:31

Jaf

Sepa nayif non . Mwen konstate ke aysien manfouben men nan tout sa yap fè.
Revenir en haut Aller en bas
Joel
Super Star
Super Star


Masculin
Nombre de messages : 17053
Localisation : USA
Loisirs : Histoire
Date d'inscription : 24/08/2006

Feuille de personnage
Jeu de rôle: Le patriote

Ann Analize Temwayaj ki nan Rapo Sena a sou Lanmo Jij Joseph Empty
MessageSujet: Re: Ann Analize Temwayaj ki nan Rapo Sena a sou Lanmo Jij Joseph   Ann Analize Temwayaj ki nan Rapo Sena a sou Lanmo Jij Joseph EmptyMar 20 Aoû 2013 - 7:01

JAF;

Yo konnen ki lès ki ekzekite IZMERY ;se pa pawòl an lè;se pa tankou KAKAKÒK ki ap voye monte depi yon MOUN ki pa gen koneksyon ak LAVALAS mouri.

BOUBOUL limenm ;mwen ka rele JAN MARI VINCENT BOUBOUL paske mwen te konnen misye lè li te ADOLESAN ;FANMI l te lwe KAY lan men PAPA m;yo konnen kilès ki te touye l ;WIKILEAKS te di kilès.
Non sèlman y ap flannen ;genyen ki gwo OTORITE.
Nou paka bliye LOVENSKY PIERRE ANTOINE lè gen NÈG ki te konsidere ke l te twò CHO devan bann lè misye te ap mande ANRAJE ,ap mande retou ARISTIDE.

Mwen sonje lan lanne 1970s yo te gen yon gwoup ki te rele ATIS ENDEPANDAN;MICHEL ROLF TROUILLOT ak KORALEN te konn ekri chante pou yo .
Te gen yon REFREN lan youn lan chante yo ki te di ""MACHANN DOULÈ YO LA ,Y AP VANN A BON MACHE""
Revenir en haut Aller en bas
jafrikayiti
Super Star
Super Star


Masculin
Nombre de messages : 2236
Localisation : Ottawa
Date d'inscription : 21/08/2006

Feuille de personnage
Jeu de rôle: Bon neg guinen

Ann Analize Temwayaj ki nan Rapo Sena a sou Lanmo Jij Joseph Empty
MessageSujet: Re: Ann Analize Temwayaj ki nan Rapo Sena a sou Lanmo Jij Joseph   Ann Analize Temwayaj ki nan Rapo Sena a sou Lanmo Jij Joseph EmptyMar 20 Aoû 2013 - 9:01

Mwen koprann fristrasyon ou Marc, Men sok ou fè atansyon pou ou pa tonbe nan blame viktim nan. Kritik ou ap fè la a ta valab si jij la te vivan toujou. Kounye a, se responsablite pa nou pou nou ede popilasyon an jwenn enfomasyon fyab epi verifyab nan mitan tout voye monte k ap fèt yo.

Joel, monchè Lovinsky se yon kanmarad mwen pap janm bliye. Mwen te wè misye kèk jou anvan kriminèl yo disparèt li. Misye te konnen yo t ap pèsekite li e li te konn pran anpil prekosyon menmsi li pa te janm sispann ede kanmarad ki te pran nan nas represyon Gwo Jera a.

Nou pa ka chanje kriminèl fè yo tounen moundebyen men nou ka anpeche yo sal memwa viktim yo lè nou pran responsablite nou pou nou raple kèk verite osijè viktim yo.

Wi, eskadron lanmo yo, FRAPH yo pap janm ka efase defen Jean-Marie Vincent, Antoine Izméry, Guy Malary, Lovinsky Pierre-Antoine, Jean Dominque, Pè Gérard Jean-Juste nan memwa pèp Ayisyen. Respè pou yo tout tan gen tan!
Revenir en haut Aller en bas
Marc-Henry
Administrateur
Marc-Henry

Masculin
Nombre de messages : 6204
Localisation : Canada
Opinion politique : Démocrate
Loisirs : Lecture et Internet
Date d'inscription : 20/08/2006

Feuille de personnage
Jeu de rôle: Lobbyiste

Ann Analize Temwayaj ki nan Rapo Sena a sou Lanmo Jij Joseph Empty
MessageSujet: Re: Ann Analize Temwayaj ki nan Rapo Sena a sou Lanmo Jij Joseph   Ann Analize Temwayaj ki nan Rapo Sena a sou Lanmo Jij Joseph EmptyMar 20 Aoû 2013 - 13:16

Pendan ke nap denonse bagay yo , fok nou fè prevansyon tou wi pou sa pa rive yon lot fwa. Fok leu nou job konsa fok dokimante tout sa nou wèe ki etranj nan travay nou . Se konsa nou travay bo isit poukisa nou pa kontinye konsa leu nap travay an ayiti?
Monshe map tann yo fouke tout moun ki responsab de prè ou de lwen lan mô jij la.

Bagay sa pa dwè pa pase tankou yon let nan pos.

_________________
Solidarité et Unité pour sauver Haiti
Revenir en haut Aller en bas
https://www.forumhaiti.com
jafrikayiti
Super Star
Super Star


Masculin
Nombre de messages : 2236
Localisation : Ottawa
Date d'inscription : 21/08/2006

Feuille de personnage
Jeu de rôle: Bon neg guinen

Ann Analize Temwayaj ki nan Rapo Sena a sou Lanmo Jij Joseph Empty
MessageSujet: Re: Ann Analize Temwayaj ki nan Rapo Sena a sou Lanmo Jij Joseph   Ann Analize Temwayaj ki nan Rapo Sena a sou Lanmo Jij Joseph EmptyVen 23 Aoû 2013 - 22:00

"Li di pandan Michèl Mateli ap pale ak li, li fè eksprè krache ki soti nan bouch Mateli ap tonbe sou vizaj mwen, enpi l ap pase dwèt li devan vizaj mwen pandan l ap fè m menas, ak tout kalite pawòl pou eseye imilye m".

Alewè temwanyaj Ketli Julien, devan komisyon Sena a osijè lanmo Jij Jean Serge Joseph.


Kounye a, yo di komisyon Depite yo rive a menm konklizyon Komisyon Sena a te anonse nan rapo pa li a. Èske mesyedam yo ap bay Miki okazyon pou li krache nan figi yo tout, oudimwens bagay sa a pral oblije verite blayi, epi apre....?
Revenir en haut Aller en bas
Joel
Super Star
Super Star


Masculin
Nombre de messages : 17053
Localisation : USA
Loisirs : Histoire
Date d'inscription : 24/08/2006

Feuille de personnage
Jeu de rôle: Le patriote

Ann Analize Temwayaj ki nan Rapo Sena a sou Lanmo Jij Joseph Empty
MessageSujet: Re: Ann Analize Temwayaj ki nan Rapo Sena a sou Lanmo Jij Joseph   Ann Analize Temwayaj ki nan Rapo Sena a sou Lanmo Jij Joseph EmptySam 24 Aoû 2013 - 8:08

Se pou DEPITE yo fè ATANSYON.
Nou pa p di yo pou yo gade entegrite yo ;paske mesye sa yo pa wè bagay yo konsa.
Politisyen AYISYEN sa yo ,gen yon mòd ap di se POLITIK y ap fè ;yon eskiz pou yo fè tout bagay ki SAL.

Sèl bagay yo gen dwa di yo ,eske enterè yo se pou yo epole MATELI?
MATELI pa t la ,yo pa t konn kote li te ye ;eske se LAJAN l li ta l sere?
Se espekilasyon ;men nou pa konnen.
Ak katafal LAJAN ki lan BIDJÈ pou PALÈ NASYONAL ;ak lajan TAKS sou APÈL TELEFONIK yo ke yo pa fin twò konnen ki jan yo depanse;MATELI gen LAJAN pou l sere wi.
Se sa sèlman y ap di mesye LACHANM yo ;MATELI ""boule""' (lan SANS AMERIKEN an) li pa p itil nou anyen ankò.
Monte lan BATO an ak MATELI ,li ka KOULE ansanm ak nou ;MESYE LÈ DEPITE!
Revenir en haut Aller en bas
Sasaye
Super Star
Super Star
Sasaye

Masculin
Nombre de messages : 8252
Localisation : Canada
Opinion politique : Indépendance totale
Loisirs : Arts et Musique, Pale Ayisien
Date d'inscription : 02/03/2007

Feuille de personnage
Jeu de rôle: Maestro

Ann Analize Temwayaj ki nan Rapo Sena a sou Lanmo Jij Joseph Empty
MessageSujet: Re: Ann Analize Temwayaj ki nan Rapo Sena a sou Lanmo Jij Joseph   Ann Analize Temwayaj ki nan Rapo Sena a sou Lanmo Jij Joseph EmptySam 24 Aoû 2013 - 18:57


Eske genyen yon rezilta ofisyèl sou otopsi ki fèt Monreyal lan?
Petèt mwen manke l men mwen pa wè l okenn kote.
Revenir en haut Aller en bas
Contenu sponsorisé




Ann Analize Temwayaj ki nan Rapo Sena a sou Lanmo Jij Joseph Empty
MessageSujet: Re: Ann Analize Temwayaj ki nan Rapo Sena a sou Lanmo Jij Joseph   Ann Analize Temwayaj ki nan Rapo Sena a sou Lanmo Jij Joseph Empty

Revenir en haut Aller en bas
 
Ann Analize Temwayaj ki nan Rapo Sena a sou Lanmo Jij Joseph
Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
Forum Haiti : Des Idées et des Débats sur l'Avenir d'Haiti :: Haiti :: Espace Haïti-
Sauter vers: