Forum Haiti : Des Idées et des Débats sur l'Avenir d'Haiti
Forum Haiti : Des Idées et des Débats sur l'Avenir d'Haiti
Forum Haiti : Des Idées et des Débats sur l'Avenir d'Haiti
Vous souhaitez réagir à ce message ? Créez un compte en quelques clics ou connectez-vous pour continuer.

Forum Haiti : Des Idées et des Débats sur l'Avenir d'Haiti

FOROM AYITI : Tèt Ansanm Pou'n Chanje Ayiti.
 
AccueilAccueil  GalerieGalerie  PortailPortail  ÉvènementsÉvènements  PublicationsPublications  RechercherRechercher  S'enregistrerS'enregistrer  Connexion  

 

 ÈSKE DESSALINES TE FÈT AYITI OSNON ANN AFRIK?

Aller en bas 
2 participants
AuteurMessage
jafrikayiti
Super Star
Super Star


Masculin
Nombre de messages : 2236
Localisation : Ottawa
Date d'inscription : 21/08/2006

Feuille de personnage
Jeu de rôle: Bon neg guinen

ÈSKE DESSALINES TE FÈT AYITI OSNON ANN AFRIK? Empty
MessageSujet: ÈSKE DESSALINES TE FÈT AYITI OSNON ANN AFRIK?   ÈSKE DESSALINES TE FÈT AYITI OSNON ANN AFRIK? EmptyJeu 25 Sep 2014 - 21:12

DESSALINES TE FÈT AYITI OSNON ANN AFRIK?

Gen yon diskisyon enteresan fouyadò Ayisyen Norluck Dorange tanmen sou paj Facebook li sou tèz kòmkwa Dessalines te fèt sou kontinan Lafrik, tandiske anpil otè Ayisyen, tankou Madiou, di se Ayiti Dessalines te fèt.

https://www.facebook.com/notes/norluck-dorange/dessalines-te-f%C3%A8t-an-afrik-se-bato-negriye-ki-te-mennen-l-ayiti-pa-gen-moun-ki-k/789548524443221

Se yon diskisyon enpòtan daprè mwenmenm, paske bagay yo pa klè vre - menmsi gen moun ki vle pran pozisyon kategorik sou kesyon an. Se fòs evidans ki ta dwe gid nou, olye pou se ta ki lès ki pale ak plis konviksyon.

Antouka, men kèk dokiman referans mwen panse ki ta ka itil nan kad rechèch sa yo:

1) Nan premye relve sa a, n ap remake (n) nan plas non fanmi Dessalines. Se konsa yo idantifye nèg ansyen esklav nan bazdone an. Nou va remake tou prenon an, se Jacque (san okenn "s" alafen). Natirèlman, bagay sa yo varye tout tan selon ki moun k ap ekri dokiman an. Nan relve sa a, daprè nòt ki ekri yo, 24 jen 1806 Dessalines batize yon timoun tigwav, ki pote moso nan prenon madanm li "Marie-Claire". Yon timoun ki fèt nan ane 1800. Nan nòt yo, moun ki fè relve a di Lanperè siyen (kesyon: kijan li siyen ojis?) - men, marenn nan pa siyen paske li pa te prezan.

Sous: http://www.agh.qc.ca/ (baz Achiv Nasyonal Ayiti)

ÈSKE DESSALINES TE FÈT AYITI OSNON ANN AFRIK? Jacque11


2) Nan dezyèm relve sa a, n ap remake, daprè nòt ki ekri yo, 22 jen 1806 (2 jou anvan li te ale batize timoun TiGwav la), Dessalines batize yon timoun Jakmèl, Marie-Marthe Bernard, ki fèt nan mwa mas1806. N ap remake yo di Lanperè siyen kòm parenn epi, papa a, Jean-Charles Bernard, siyen tou.

Men, remake nan nòt yo, relve a di Dessalines te genyen 45 ane, li te fèt nan ane 1761. Sa depaman ak dat 1758 nou abitye ak li nan liv yo. Li ta bon, si yon moun ki Ayiti ta pran foto relve akbatèm Marie-Marthe Bernard lan, pou verifye si se nan dokiman an menm yo ekri laj Dessalines ak ane li te fèt. Menm jan ak lòt laj moun ki idantifye yo. Konsa tou, li ta bon pou nou konfime kisa ki ekri nan langaj dokiman an. Èske Lanperè te idantifye tèt li kòm Jacques I osnon Dessalines?

ÈSKE DESSALINES TE FÈT AYITI OSNON ANN AFRIK? Jacque10

Sous: http://www.agh.qc.ca/ (baz Achiv Nasyonal Ayiti)


3) Twazyèm relve sa a pa gen okenn relasyon ak Dessalines. Mwen pataje li ak nou pou montre kijan nan bazdone AGH la gen plizyè fwa yo idantifye moun ki fèt ann Afrik, lè enfòmasyon sa a disponib. Men, se pa yon bagay ki fèt sistematikman. Sa vle di, se pa paske yo pa di yon moun te fèt ann Afrik ki vle di li pa te fèt ann Afrik.

Natirèlman, li klè, nou pa ka di si se 1, ni 2, ni 10 nèg ki te pote prenon Jacques nan yon dividal pati nan peyi a, nan menm moman Dessalines te sou yon bitasyon. Kidonk, sa ki ka bay asirans 2 premye relve mwen pataje ak nou yo se Dessalines menm yo idantifye, se si akbatèm yo gen endis sou yo ki montre sa aklè - tankou siyati Dessalines, osnon referans kòmkwa se Anperè a ak Enperatris la vre. N ap remake madanm Dessalines, ki marenn timoun yo, daprè nòt yo, se moun zòn nan (Jakmèl, ak Tigwav, tou pre Leyogàn - peyi Marie-Claire Heureuse Félicitée Bonheur Dessalines).



ÈSKE DESSALINES TE FÈT AYITI OSNON ANN AFRIK? 1767_j10


Sous: http://www.agh.qc.ca/ (baz Achiv Nasyonal Ayiti)

Ak pasyans, n ap wè tete foumi!

Jafrikayiti
"Depi nan Ginen, bon Nèg ap ede Nèg!"
Revenir en haut Aller en bas
Joel
Super Star
Super Star


Masculin
Nombre de messages : 17340
Localisation : USA
Loisirs : Histoire
Date d'inscription : 24/08/2006

Feuille de personnage
Jeu de rôle: Le patriote

ÈSKE DESSALINES TE FÈT AYITI OSNON ANN AFRIK? Empty
MessageSujet: Re: ÈSKE DESSALINES TE FÈT AYITI OSNON ANN AFRIK?   ÈSKE DESSALINES TE FÈT AYITI OSNON ANN AFRIK? EmptyVen 26 Sep 2014 - 5:43

JAF;

Gen anpil bagay ,se pou yo kesyone yo.
Se tankou bagay ke DESSALINES pa t konn li.Mwen doute de sa.Madanm li CLAIRE HEUREUSE te konn li e anpil MESYE sa yo se madanm yo ki te konn montre yo li.
Se tankou tou yo vle opoze PETYON ak BOIYER a DESSALINES sou pretèks ke genyen ki te PLIM E ANK lòt yo pa sa.
PETION ak BWAYE te ale an FRANS se pa t LEKÒL yo te ale ;se OFÈVRI yo t al aprann..MOUN tankou BWARON TONÈ te ra anpil,anpil lan KOLONI SENDOMENG lan.
FRANS METROPOLITEN an se te yon peyi ANALFABÈT ,ale vwa KOLONI.
Kanta DESSALINES ta fèt ann AFRIK ,se yon POSIBILITE.An 1791 3/4 ESKLAV yo te fèt ann AFRIK.
Se kontinye CHÈCHE .
Revenir en haut Aller en bas
jafrikayiti
Super Star
Super Star


Masculin
Nombre de messages : 2236
Localisation : Ottawa
Date d'inscription : 21/08/2006

Feuille de personnage
Jeu de rôle: Bon neg guinen

ÈSKE DESSALINES TE FÈT AYITI OSNON ANN AFRIK? Empty
MessageSujet: Re: ÈSKE DESSALINES TE FÈT AYITI OSNON ANN AFRIK?   ÈSKE DESSALINES TE FÈT AYITI OSNON ANN AFRIK? EmptySam 27 Sep 2014 - 11:58

DESSALINES TE PALE KREYÒL 1 JANVYE 1804

Daprè sa Madiou ekri la a, nan moman Dessalines te pran lapawòl devan pèp la, jou 1 janvye 1804 la, se an Kreyòl li te pale epi se pa yon diskou prepare li te fè, se yon diskou spontane ki raple ki jan blan yo fè anpil san koule sou zile a. Gen yon pati konsa nan diskou ofisyèl Boisrond vin li, nan lang franse, tousuit apre Dessalines fin pale a. Men, se 2 moman diferan.

Kidonk, nou pa genyen okenn tras mo ekzak Dessalines te di jou sa a. Sa soulve kesyonman enpòtan. Pou ki rezon Dessalines te pale an Kreyòl? Pou ki rezon Boisrond te li diskou a an franse? E mas moun ki te ransanble nan moman an, ki lang yo te konprann nan moman an? Èske se vre 75% popilasyon sivivan ki te la 1 janvye 1804 yo se moun ki te fèt sou kontinan Lafrik, oudimwens moun ki te fèt sou zile a?

https://www.facebook.com/photo.php?fbid=10152703354155631&set=p.10152703354155631&type=1&theater
Revenir en haut Aller en bas
Joel
Super Star
Super Star


Masculin
Nombre de messages : 17340
Localisation : USA
Loisirs : Histoire
Date d'inscription : 24/08/2006

Feuille de personnage
Jeu de rôle: Le patriote

ÈSKE DESSALINES TE FÈT AYITI OSNON ANN AFRIK? Empty
MessageSujet: Re: ÈSKE DESSALINES TE FÈT AYITI OSNON ANN AFRIK?   ÈSKE DESSALINES TE FÈT AYITI OSNON ANN AFRIK? EmptySam 27 Sep 2014 - 18:34

Pa gen DOUT ke se KREYÒL ou pito gen gwo gwo pwobabilite ke se an KREYÒL DESSALINES te adrese popilasyon an le premye JANVYE 1804.
Relasyon popilasyon SENDOMENG ak lang FRANSE an se te menm relasyon LATEN te genyen ak lang FRANSE an rive lan 17yèm SYÈK an ,an FRANS.
Si te gen yon DOKIMAN ou te ekri l an LATEN menm si se moun SAVE ,gran SAVE,ki konprann li;lang FRANSE an se te ""langue vulguaire"" jan yo te rele l lan.
Menm si ou te BLAN ,lan KOLONI an ,si w pa t sòti lan anviwon ""ILE DE FRANCE"" lan ,zòn vil PARI an ,ou pa t ap konprann FRANSE.
Kanta konpozisyon POPILASYON ESKLAV lan  li fè SANS ke preske 3/4 POPILASYON an ta fèt ann AFRIK an 1791.
Se lan 20 a 30 dènye LANNE anvan 1791 ke KÒMÈS ESKLAV lan te vrèman pran CHÈ lan KOLONI an.
Pou entretni yon ESKLAV ,sa mande DEPANS .Ant lè yo fèt ,jis a pe prè 10 ZAN yo pa bay PWOPRIETÈ an retou,randman.
Alòs ESKLAVAJIS yo te kalkile ke lè ESKLAV yo vini ;yo fè yo TRAVAY pi mal ke yon BÈT ;yo dire ant 5 a 7 an an mwayèn;yo mouri e yo jis achte lòt ESKLAV pou ranplase yo.
Se te anvan 1791;rive 1804 mesyedam sa yo te gen tan vin MATON an KREYÒL.

Mwen di tou sa ;DAT nesans DESSALINES 20 SEPTANM lan se pou nou kontinye SELEBRE l;menm si ta vin gen PRÈV IREFITAB ke l te fèt ann AFRik e ke mwen doute ke y ap jwenn.
JEZIKRI pa t fèt le 25 DESANM non plis e yo gen plis 1700 zan y ap FETE dat sa a.Se yon dat ABITRÈ.
JEZIKRI lan vivan l pa t akonpli sa DESSALINES te AKONPLI.
Revenir en haut Aller en bas
Contenu sponsorisé




ÈSKE DESSALINES TE FÈT AYITI OSNON ANN AFRIK? Empty
MessageSujet: Re: ÈSKE DESSALINES TE FÈT AYITI OSNON ANN AFRIK?   ÈSKE DESSALINES TE FÈT AYITI OSNON ANN AFRIK? Empty

Revenir en haut Aller en bas
 
ÈSKE DESSALINES TE FÈT AYITI OSNON ANN AFRIK?
Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
Forum Haiti : Des Idées et des Débats sur l'Avenir d'Haiti :: Haiti :: Espace Haïti-
Sauter vers: