Forum Haiti : Des Idées et des Débats sur l'Avenir d'Haiti
Forum Haiti : Des Idées et des Débats sur l'Avenir d'Haiti
Forum Haiti : Des Idées et des Débats sur l'Avenir d'Haiti
Vous souhaitez réagir à ce message ? Créez un compte en quelques clics ou connectez-vous pour continuer.

Forum Haiti : Des Idées et des Débats sur l'Avenir d'Haiti

FOROM AYITI : Tèt Ansanm Pou'n Chanje Ayiti.
 
AccueilAccueil  GalerieGalerie  PortailPortail  ÉvènementsÉvènements  PublicationsPublications  RechercherRechercher  S'enregistrerS'enregistrer  Connexion  
Le Deal du moment : -49%
Roborock S5 max
Voir le deal
274 €

 

 Nan Peyi Dayiti.

Aller en bas 
2 participants
AuteurMessage
Thunder
Super Star
Super Star
Thunder

Masculin
Nombre de messages : 4690
Localisation : Planet Earth (Milky Way Galaxy)
Loisirs : Target Practice, Sports Cars, Konpa...
Date d'inscription : 24/08/2006

Feuille de personnage
Jeu de rôle: Le gardien

Nan Peyi Dayiti. Empty
MessageSujet: Nan Peyi Dayiti.   Nan Peyi Dayiti. EmptyVen 3 Avr 2009 - 18:38

Nan peyi Dayiti (Haiti Progres)

SITE SOLÈY:

Sa pa kapab kontinye konsa

Site solèy chita nan Nòdwès kapital Pòtoprens e nan pati lès komin Dèlma. Li pran non sa a depi zòn 1986-1987, apre depa ansyen diktatè Jean-claude Duvalier alyas Baby Dòk. Sou rejim makout yo, li te pote non Site Simone Ovide Duvalier ki te madan François Duvalier alyas Papa Dòk. Se yon site ki sou lobedyans komin Dèlma. Men, li menm pou kò l, li gen resanblans yon komin san enfrakstrikti. Li fòme pa anpil katye popilè ki chak gen non yo. Pami yo, semenn sa a, n ap prezante «Boston».

Boston se youn nan katye ki pi avanse, pa rapò ak lòt yo, nan Site Solèy. Li divize an 2 pati: Ba Boston e Wo Boston. Nan nò Boston gen Site Limyè, nan sid li se ri Vilfò ak ekip izin Hasco yo. Pati lwès li gen wout ray la ak katye popilè Belekou. Zòn lès Boston gen wout mòn Mari Kamèl la. Wo Boston separe ak Ba Boston pa yon rigòl ki soti nan izin Mews yo ke fim prive TECINA te gen lajan nan men l pou l repare l e netwaye; men yon abitan di: «Rigòl la vin pi mal, luil la vin bay plis pwoblèm. Lè lapli tonbe se sou tab moun dòmi bò isit la...». Wo Boston parèt pi evolye ke Ba Boston. Nan limit Wo Boston, ki plis nan pati sid Boston, non sèlman tè a pi wo kote dlo pa rete, men tou, pifò kay yo fèt an mi. Se kèlke kay ki fèt an bwa ou an tòl. Men nan Ba Boston zafè kay an tòl, an bwa se lajan kontan moun jwenn sa. Ma dlo, rigòl dlo, kay dlo kraze, sa tè ak dlo antere, fatra, malpwòpte se pa pale. Kannal la ki pa janm netwaye vin mete yon abse sou klou a, kote move lodè ak tout kalte moustik fè moun ap jemi. Vin jwenn zafè sant sante evolye a, moun pa bezwen pale de sa. Sitiyasyon sa a tèlman frajil, jenn moun k ap leve nan zòn nan pa gen lot esperans. Se konsa Wilfrid Joseph fè konnen: «Nou ta renmen kite bò isit la, paske pèsonn leta pa janm vle chanje fason n ap viv la...» Yon lòt jenn kidonk Manno St Hubert te deklare: «Apa kondisyon lamizè na p viv la a ki pa bon, kòm kwa n ap mal dòmi, mal viv, nou pa fè anyen serye. Nou nan chomaj, paran nou pap leve ni lou ni lejè, nèg ak zam ap bannou presyon tout lasent jounen, nou grangou. M pa konnsa pou m di ankò...» St Hubert di li se yon monitè Alfa sant FREM (Fwaye Rechèch ak Edikasyon Mati yo). Moun Boston pa jwenn kouran, pa gen telefòn, pa gen espas lwazi; se kòmkwa katye sa a se yon dezè. Men yo di yo gen dlo gras ak Fontèn KADEPA/KAMEP yo kote yo achte dlo pou yon pri ki ba.

Atout aktivite komèsyal pa tèlman devlope nan zòn nan akoz pa gen lajan; gen kèk jenn ki fè swa recho, swa bòs mason, swa yo pote chay pou moun. Genyen moun ki achte vye chodyè, vye asyèt, gode, bout bonm aliminyòm yo redrese yo e yo revann yo ak lòt moun nan yon ti mache ki sou wout ray la. Kèk lòt jenn nou te wè nan Ba Boston tankou Michelet Thélusma, Elie Brice, Jackson Costa Joseph, Ronald Pélerin fè metye eskiltè metal. Yo travay pou yon seri atelye ou faktori. Yonn nan remak nou te fè nan zòn Boston, sè ke anpil kay te make swa pou vann, swa pou anfème. Divès lòt kraze kote gen moun ki rete nan yo e lòt yo abandone. Yon jenn ki rete nan zòn nan e ki se yon pwofesyonèl fè nou konnen ke se pa «nèg nan Boston ki kreye panik ki konn gen nan zòn nan, se pito sila yo ki konn sot nan lòt katye nan Site Solèy ki konn vin panike moun Boston...» Boston menm jan ak divès lòt katye popilè nan Site Solèy, kouwè solèy 4, 9, 15, 13, 17, 19 elatriye, se yon katye danjere e riske. A nenpòt moman, deblozay eklate nan zòn sa a.

Boston pa gen yon bon lekòl, pa gen sant sante valab, kay yo bati pil sou pil. Plis pase 10 a 12 moun pafwa konn ap viv youn sou lòt nan yon ti kay kraze. Pami plizyè milye moun k ap viv nan katye sa a, se youn youn ki konn li ak ekri. Lavichè, lavidi, maladi, tansyon tout kalite ap fè popilasyon an jemi. Fatra toupatou, e jenn yo di yo pa janm prezans CNE (Sant Nasyonal Ekipman). Lè ou fin gade yon tablo konsa, èske yon moun dwe sezi jenn ti moun yo vin tonbe nan gang, e yo jwenn ankadreman nan men vòlè, asasen pwofesyonèl Peyi Etazini, Kanada ap voye bannou?
Revenir en haut Aller en bas
Thunder
Super Star
Super Star
Thunder

Masculin
Nombre de messages : 4690
Localisation : Planet Earth (Milky Way Galaxy)
Loisirs : Target Practice, Sports Cars, Konpa...
Date d'inscription : 24/08/2006

Feuille de personnage
Jeu de rôle: Le gardien

Nan Peyi Dayiti. Empty
MessageSujet: Re: Nan Peyi Dayiti.   Nan Peyi Dayiti. EmptyVen 3 Avr 2009 - 18:47

Ki lespwa moun Belekou? (Haiti Progres)

Belekou se yon katye popilè nan Site Solèy, ki chita nan nòdwès Pòtoprens ak lès komin Dèlma. Li antoure ak divès lòt katye popilè. Kouwè nan nò li, gen solèy 17 ki separe ak li pa yon kannal byen fon. Nan limit lès li gen Boston. Zòn sidès ak sid Belekou gen dèyè Hasco ak pil izin Mevs, Brant, Madsen yo ki separe katye pòv sa a ak zòn dèyè Fò Dimanch (Vilaj Demokrasi, wè Ayiti Pwogrè Vol 18 # 23). Blòk lwès Belekou se lanmè a, ak yon seri zòn ki soti bò dèyè Fò Dimanch ke yo te konn rele Nan Mang.

Moun Belekou ki trè pòv lage kò yo nan divès aktivite, tankou: vann chabon, komès diri ak pwa, vant kleren tout kalte, yo vann kann, yo repare bonm, chodyè ak lòt veso yo revann. Kanta pou machann fritay, machann pwason se chak ti rakwen ki gen komès sa yo. Malgre sa, machann sa yo ki fè komes yo bò lakay yo ou devan pòt yo plenyen anpil de lavant ki pa genyen. Monette ki ap vann dlo glase ak sigarèt te di nou: «Nou kenbe men ak komès la paske nou pa gen lòt bagay pou nou fè...Moun ki fè fritay yo oblije se ladann yo tou bay ti moun yo manje...» Madanm sa a gen 7 pitit li di ki pa gen papa. Nan Site solèy se yon bagay ou wè toupatou; zafè fi ki lage ak 5, 6, 7 pitit sou bra yo san papa. Lè malè sèk sa a pa rive yon ti fi 14 a 15 zan.

Chaje ak recholye nan Belekou. Bòs mason, bòs chapantye se pa pale. Tout moun chache yon jan pou yo defann yo. Genyen tou ki lage kò yo nan zafè lapèch piske lanme a a kèlke pa de yo. «Depi ti moun nan fèt nan Site Solèy li tou dayiva, donk li fasil pou l vin pechè lè l gran...», se konsa yon pechè papa 5 ti fi te pale ak nou.

Malgre divès aktivite komèsyal limite ki egziste nan Belekou sa pa vle di gen yon alemye. Okontrè, se youn nan katye popilè pi pòv nan Site Solèy. Moun yo kontre yon latriye difikilte chak jou. Gran majorite kounouk yo pa gen latrin. Moun yo se nan espas kote yo te rele Nan Mang la, oubyen bò kannal la, sou pil fatra yo blije al watè. Pifò kay nan zòn nan fèt an tòl e yo fin kraze. Lè lapli: dlo lapli ak grès ki sot nan kannal la mete ak dlo lanmè ki pa lwen anvayi zòn nan. Soeurette fè nou konnen: «Lè dlo anvayi Belekou moun ki pa gen kabann menm oubyen sa kabann yo pa kanpe sou 3, 4 blòk, se sou tab yo menm ak pitit yo moute pou yo dòmi.» Dlo ki anvayi zòn nan rann pifò kay yo kraze oubyen make kraze. Gen kay ke mèt yo rive abandone akoz dlo ap fin kraze yo. Pwoblèm dlo a fè zòn nan pi danje, pi sal, e anplis li kale moustik. Sitou nan yon katye ki pa gen bon lekòl ki dire ki ta gen bon sant sante? Manm òganizasyon Jèn Pwogresis Belekou (OJEPROB) yo nou te jwenn ki t ap fè pwòpte yon jou dimanch, plenyen anpil de eta zòn nan: «Ah! pa gen kouran, pa gen telefòn, pa gen watè pou moun ale, pa gen lekòl, pa gen lopital. Bon ata manje nou paka manje kidire nou ta jwenn kòb pou nou amelyore kay nou...», se konsa yon manm OJEPROB pale. Atout gen yon ti lekòl nan Belekou ki pote non «Nouvelle Ecole Mixte St Thomas», sa pa vle di lekòl prèske gratis la a, gen espas pou pran tout ti moun zòn nan (lematen) ak tout gran moun Belekou (lezapremidi). Pifò moun katye a pa al lekòl. Belle Fleur Cherel ki se manm OJEPROB te denonse sitiyasyon grav Belekou ak sa jenn yo ki nan chomaj ap andire. Msye ki gen pwofesyon nan men l e ki paka jwenn travay pa wè «lespwa pou zòn nan, si pa gen yon aksyon nan tèt ansanm». Dayè si sa pa fèt, nan kèk tan ankò, lamizè, twoub, ensekirite ap fin fè tout abitan kite zòn nan pou y al gonfle yon lòt kote. Pifò kay ou pase, malgre move eta yo, mèt yo make pou vann. Cherel fè kwè ata CNE k ap fè pwopagann tout lasent jounen pa janm vin ranmase fatra nan zòn nan kidire patwouy lapolis ta pase pou enspeksyon. Poutan lè yo te bay TEVASA lajan pou l fouye kannal separe Belekou ak solèy 17, se tout lasent jounen gwo palto te konn frekante zòn nan, se sa Frenel Henry te remake: «Enhen! te gen mago lajan ki t ap gaspiye. Malgre travay la pa fèt. Nèg yo fin fouye kannal la pi fon, apre yo kite l san menm yo pa fè yon pon sou li. Se pa detwa ti moun ki mouri nan tou sa a.» Kounye a pou yon ti moun soti Belekou pou al solèy 17, li blije peye yon goud pou yo janbe l kannal la sou yon ti kannòt bwa fouye. Moun pa ka kwè sa, men se laverite!

Devan sitiyasyon malouk Belekou, ki paka rete konsa, jenn yo deklare kareman yo poko wè lespwa pou sa chanje. Men, anpil nou te kontakte di n yo pap kite: « ...Lamizè fè pwen sou nou!» Youn nan yo te menm pran egzanp sou kolaboratè Ayiti Pwogrè ki te prezan an: «Bon monchè, gade ou menm nou konnen ki nan lit la lontan, èske malgre tout pataswèl, ou janm kite sa? ou toujou la pirèd malgre kondisyon yo poko chanje, malgre nou poko wè lespwa a; enben nou tou nou pa p lage»
Revenir en haut Aller en bas
AnaCreole
animatrice
animatrice
AnaCreole

Féminin
Nombre de messages : 363
Localisation : USA
Loisirs : Danser, Lire, Voyager
Date d'inscription : 13/06/2008

Feuille de personnage
Jeu de rôle:

Nan Peyi Dayiti. Empty
MessageSujet: Re: Nan Peyi Dayiti.   Nan Peyi Dayiti. EmptyVen 3 Avr 2009 - 18:54

Thunder, se yon bon pòs ke’w mete la, li bon pou fè limyè sou ki sitiyasyon moun zòn sa yo ap viv. Pa’p gen eskiz pou moun di yo pa’t konnen konnen, mwen swete Madan Pierre-Louis, ak Preval wè pòs sa, eke menm pa lawonte pou yo t’a mete eskstikti lan zòn lan pou amelyiore vi moun sa yo. konpliman.
Revenir en haut Aller en bas
Thunder
Super Star
Super Star
Thunder

Masculin
Nombre de messages : 4690
Localisation : Planet Earth (Milky Way Galaxy)
Loisirs : Target Practice, Sports Cars, Konpa...
Date d'inscription : 24/08/2006

Feuille de personnage
Jeu de rôle: Le gardien

Nan Peyi Dayiti. Empty
MessageSujet: Re: Nan Peyi Dayiti.   Nan Peyi Dayiti. EmptyVen 3 Avr 2009 - 19:16

Mwen kontan li apresyasyon w pou pòs sa a Ana, sa vle di ke mwen pat pèdi tan m nan mete yo la a.

Wou ka remake konbyen tan nou pa tande pale de zòn defavorize yo. Se sèl lè moun ap mouri pa bal ladan yo, wou tande pale de yo. Epoutan, mechanste ak kimeleboudism klas politiko-ekonomik nan peyi a lakòz ke mizè tiye plis nan zònn sa yo. Kòmsi ke se lè yon moun touye ak zam ke li asasen sèlman.

Eske li posib pou jiska prezan tout dechè toksik ki sòti nan EDH ak Izinn gwo bacha yo pase nan Boston ? e li pase ak syèl ouvè, li flamab anpil tou, tout la jounen genyen dife ki pran ladann epi tout moun ap respire lafimen an.

Poko janm genyen yon moun ki di yon mo.
Revenir en haut Aller en bas
Invité
Invité



Nan Peyi Dayiti. Empty
MessageSujet: Re: Nan Peyi Dayiti.   Nan Peyi Dayiti. EmptyVen 3 Avr 2009 - 19:23

Thunder a écrit:
Eske li posib pou jiska prezan tout dechè toksik ki sòti nan EDH ak Izinn gwo bacha yo pase nan Boston ? e li pase ak syèl ouvè, li flamab anpil tou, tout la jounen genyen dife ki pran ladann epi tout moun ap respire lafimen an.

Solision an se fenmen EDH. Li pa ka bay kouran epi lap mete vi popilasion an an danje.
Revenir en haut Aller en bas
Thunder
Super Star
Super Star
Thunder

Masculin
Nombre de messages : 4690
Localisation : Planet Earth (Milky Way Galaxy)
Loisirs : Target Practice, Sports Cars, Konpa...
Date d'inscription : 24/08/2006

Feuille de personnage
Jeu de rôle: Le gardien

Nan Peyi Dayiti. Empty
MessageSujet: Re: Nan Peyi Dayiti.   Nan Peyi Dayiti. EmptyVen 3 Avr 2009 - 19:33

Anèks EDH sa a fè plis mal ke li fè byen vre. Se oubyen yo kanlize dechè yo a yon lòt kote oubyen se pou malere zònn lan fè tout sa yo kapab pou pwoteje lavi pitit yo.
Revenir en haut Aller en bas
Invité
Invité



Nan Peyi Dayiti. Empty
MessageSujet: Re: Nan Peyi Dayiti.   Nan Peyi Dayiti. EmptyVen 3 Avr 2009 - 19:42

Thunder a écrit:
oubyen se pou malere zònn lan fè tout sa yo kapab pou pwoteje lavi pitit yo.

Thunder,

Eske se yon insitasion a la violans ou fè la a?
Revenir en haut Aller en bas
Thunder
Super Star
Super Star
Thunder

Masculin
Nombre de messages : 4690
Localisation : Planet Earth (Milky Way Galaxy)
Loisirs : Target Practice, Sports Cars, Konpa...
Date d'inscription : 24/08/2006

Feuille de personnage
Jeu de rôle: Le gardien

Nan Peyi Dayiti. Empty
MessageSujet: Re: Nan Peyi Dayiti.   Nan Peyi Dayiti. EmptySam 4 Avr 2009 - 13:29

Sa depann de kisa w rele vyolans.
Revenir en haut Aller en bas
Invité
Invité



Nan Peyi Dayiti. Empty
MessageSujet: Re: Nan Peyi Dayiti.   Nan Peyi Dayiti. EmptySam 4 Avr 2009 - 13:36

Thunder a écrit:
Sa depann de kisa w rele vyolans.

Kijan ou ta renmen moun sa yo defann dwa yo?

Pa blie ou di tou lè mwayen.
Revenir en haut Aller en bas
Thunder
Super Star
Super Star
Thunder

Masculin
Nombre de messages : 4690
Localisation : Planet Earth (Milky Way Galaxy)
Loisirs : Target Practice, Sports Cars, Konpa...
Date d'inscription : 24/08/2006

Feuille de personnage
Jeu de rôle: Le gardien

Nan Peyi Dayiti. Empty
MessageSujet: Re: Nan Peyi Dayiti.   Nan Peyi Dayiti. EmptySam 4 Avr 2009 - 13:49

Dabò fòk yo t a pran chimen legal, kòm dabitid nou konnen sa pap abouti ak anyen apa de dilatwa, leta paka akize epi se li ki jij ankò. Si sa pa mache jan m prevwa a, m tap konseye yo pou yo kòmanse pa bouche tèt rigòl la, pou dechè a rete lakay mèt yo. Rès la, w konnen l.
Revenir en haut Aller en bas
Invité
Invité



Nan Peyi Dayiti. Empty
MessageSujet: Re: Nan Peyi Dayiti.   Nan Peyi Dayiti. EmptySam 4 Avr 2009 - 13:56

Thunder a écrit:
Si sa pa mache jan m prevwa a, m tap konseye yo pou yo kòmanse pa bouche tèt rigòl la, pou dechè a rete lakay mèt yo. Rès la, w konnen l.

Ou pa panse aksion sa yo ka enjandre violans?
Revenir en haut Aller en bas
Thunder
Super Star
Super Star
Thunder

Masculin
Nombre de messages : 4690
Localisation : Planet Earth (Milky Way Galaxy)
Loisirs : Target Practice, Sports Cars, Konpa...
Date d'inscription : 24/08/2006

Feuille de personnage
Jeu de rôle: Le gardien

Nan Peyi Dayiti. Empty
MessageSujet: Re: Nan Peyi Dayiti.   Nan Peyi Dayiti. EmptySam 4 Avr 2009 - 14:05

Aksyon sa a paka anjandre vyolans, pwiske vyolans lan la deja.
Revenir en haut Aller en bas
Invité
Invité



Nan Peyi Dayiti. Empty
MessageSujet: Re: Nan Peyi Dayiti.   Nan Peyi Dayiti. EmptySam 4 Avr 2009 - 14:10

Thunder a écrit:
Aksyon sa a paka anjandre vyolans, pwiske vyolans lan la deja.

Ou konfonn violans ak neglijans. E poutan se 2 bagay diferan.
Revenir en haut Aller en bas
Thunder
Super Star
Super Star
Thunder

Masculin
Nombre de messages : 4690
Localisation : Planet Earth (Milky Way Galaxy)
Loisirs : Target Practice, Sports Cars, Konpa...
Date d'inscription : 24/08/2006

Feuille de personnage
Jeu de rôle: Le gardien

Nan Peyi Dayiti. Empty
MessageSujet: Re: Nan Peyi Dayiti.   Nan Peyi Dayiti. EmptySam 4 Avr 2009 - 14:13

Se pa konfonn mwen konfonn yo, mwen jis konstate ke yo bay menm rezilta.
Revenir en haut Aller en bas
Invité
Invité



Nan Peyi Dayiti. Empty
MessageSujet: Re: Nan Peyi Dayiti.   Nan Peyi Dayiti. EmptySam 4 Avr 2009 - 14:16

Thunder a écrit:
Se pa konfonn mwen konfonn yo, mwen jis konstate ke yo bay menm rezilta.

Solision an se fenmen EDH nan zonn nan.

Pèp la dwe renonse ak violans paske se politisien ki toujou benefisie fruit violans la se pa pèp la.

Ou sonje sa GNB te pote?

3 zan kontreband pou avadra nan Pétion-Ville ak djob nan sektè politik pou atoufè.

Se pou pèp la defann dwa yo an tèt frèt.
Revenir en haut Aller en bas
Thunder
Super Star
Super Star
Thunder

Masculin
Nombre de messages : 4690
Localisation : Planet Earth (Milky Way Galaxy)
Loisirs : Target Practice, Sports Cars, Konpa...
Date d'inscription : 24/08/2006

Feuille de personnage
Jeu de rôle: Le gardien

Nan Peyi Dayiti. Empty
MessageSujet: Re: Nan Peyi Dayiti.   Nan Peyi Dayiti. EmptySam 4 Avr 2009 - 14:44

colocolo a écrit:
Thunder a écrit:
Se pa konfonn mwen konfonn yo, mwen jis konstate ke yo bay menm rezilta.

Solision an se fenmen EDH nan zonn nan.

Pèp la dwe renonse ak violans paske se politisien ki toujou benefisie fruit violans la se pa pèp la.

Ou sonje sa GNB te pote?

3 zan kontreband pou avadra nan Pétion-Ville ak djob nan sektè politik pou atoufè.

Se pou pèp la defann dwa yo an tèt frèt.

Fòk wou kontinye ak sa GNB a te pote a: etoufman yon diktati retwograd, denouman yon kriz politik, liberasyon pèp Site Simòn anba milis san manman lavalasyèn lan, liberasyon bwat leta anba abolotcho, pèmèt ke Wout 9 lan tounen yon wout pou machinn pase e non pa yon pis ayewopò klandestin.

Revandikasyon bouche Rigòl Grès la nan Boston, pap itil oken politisyen, se sak fè wou pa tande "militan" yo pale de "enjistis". Pa bliye, Mwen te di pou yo pran chimen legal yo dabò, si moun ki pou fè travay yo pa fè l, yo genyen dwa pou bay pwòp tèt yo pwoteksyon.
Revenir en haut Aller en bas
Invité
Invité



Nan Peyi Dayiti. Empty
MessageSujet: Re: Nan Peyi Dayiti.   Nan Peyi Dayiti. EmptySam 4 Avr 2009 - 16:45

Thunder a écrit:
Fòk wou kontinye ak sa GNB a te pote a: etoufman yon diktati retwograd, denouman yon kriz politik, liberasyon pèp Site Simòn anba milis san manman lavalasyèn lan, liberasyon bwat leta anba abolotcho, pèmèt ke Wout 9 lan tounen yon wout pou machinn pase e non pa yon pis ayewopò klandestin.

Mèsi, bos papa. Ou soti pou gate weekend nan nan men mwen.
Revenir en haut Aller en bas
Thunder
Super Star
Super Star
Thunder

Masculin
Nombre de messages : 4690
Localisation : Planet Earth (Milky Way Galaxy)
Loisirs : Target Practice, Sports Cars, Konpa...
Date d'inscription : 24/08/2006

Feuille de personnage
Jeu de rôle: Le gardien

Nan Peyi Dayiti. Empty
MessageSujet: Re: Nan Peyi Dayiti.   Nan Peyi Dayiti. EmptyDim 5 Avr 2009 - 9:43

Si w kòmanse, fòk wou ka fini. N ap pale de yon bagay ki pa genyen polemik politik ladann, epi w rantre nan GNB.

Se nan foure dwèt nan gòjèt moun, ke moun oblije vomi ban nou. Epi apre sa, Sans Malice pral di ke moun obsede pa chèf gang Lavalas la. Epoutan, vrè moun ki obsede yo, li wont di yo kichòy paske moun sa yo se koniflèt ak tatawèl li ke yo ye.(lol)

Ki moun wou wè ki janm sonje pou soulaje soufrans katye ki pi mizerab nan tout emisfè a, pou m pa di nan mond lan ? ...pèsònn! Men se sou do yo ke tout malendren vle bati kapital politik yo. Hum! ...Yo fenk kòmanse anbake tankou pil ranyon sal nan avyon pou chimen legzil.
Revenir en haut Aller en bas
Contenu sponsorisé




Nan Peyi Dayiti. Empty
MessageSujet: Re: Nan Peyi Dayiti.   Nan Peyi Dayiti. Empty

Revenir en haut Aller en bas
 
Nan Peyi Dayiti.
Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
Forum Haiti : Des Idées et des Débats sur l'Avenir d'Haiti :: Haiti :: Espace Haïti-
Sauter vers: